ប្រទេសអ៊ីរ៉ាក់៖យោងតាមមន្រ្តីប៉ូលីសរបស់ប្រទេសអ៊ីរ៉ាក់បានអោយដឹងថា កាលពីថ្ងៃពុធម្សិលមិញមានមនុស្ស យ៉ាងហោចណាស់ ៣៥នាក់បានស្លាប់និងអ្នកខ្លះរងរបួសជាទំងន់ ដោយសារការបំផ្ទុះគ្រាប់បែកចំនួន២គ្រាប់នៅ ក្នុងតំបន់របស់ពួកប្រកាន់សាស នាគ្រឹស្តិ។ មន្រ្តីប៉ូលីសបានបញ្ជាក់ថា គ្រាប់បែកទី ១គឺបានផ្ទុះឡើងនៅក្បែរព្រះ
វិហារកាតូលិកមួយកន្លែង ស្របពេលដែលមនុស្សជាច្រើននាក់កំពុងតែប្រារព្ធពីធីបុណ្យណូអែល ដោយបានឆក់
យកជីវិតមនុស្សរហូតដល់ ២៤នាក់ ចំណែកឯគ្រាប់បែកទី២វិញគឺបានផ្ទុះឡើងនៅចំណុចផ្សារមួយកន្លែងនៃតំបន់ Dora ដោយបានសំលាប់ ១១នាក់។
អ្នកដឹកនាំសាសនាគ្រឹស្តិបានអះអាងថា នៅក្នុងព្រះវិហារកាតូលិកមួយកន្លែងនេះគឺមានអ្នកបួងសួងរហូតដ
ល់ ៩០០០០០នាក់។ គួរបញ្ជាក់ទៀតផងដែរថា ការវាយប្រហារមកលើព្រះវិហារកាតូលិកគឺបានកើតឡើងតាំង
តែពី លោក សាដាម ហ៊ូសសេនធ្លាក់ចេញពីអំណាចកាលពីឆ្នាំ ២០០៣មកម្លេះ។ មន្រ្តីប៉ូលីសបានលើកឡើង
ថា កាលពីឆ្នាំ ២០១០ ពួកសកម្មប្រយុទ្ធមួយក្រុមបានវាយប្រហារ មកលើព្រះវិហារកាតូលិកមួយកន្លែងនៅក្នុង
ទីក្រុងបាដាត ដោយបានឆក់យកជីវិតមនុស្សជាង ៥០នាក់។ ដោយ៖ តុលា