ភ្នំពេញ៖ អង្គការត្រង់ស៊ូមអេស្សា(Transform Asia) បានផ្តល់អង្ករចំនួន១០តោន តាមរយៈលោករដ្ឋ មន្ត្រី
ក្រសួងសង្គមកិច្ច អតីតយុទ្ឋជន និងយុវនីតិសម្បទា ជូនដល់ប្រជាពលរដ្ឋក្រីក្រទាំង៤០០គ្រួសារ            ។

លោកបណ្ឌិត អ៊ិត សំហេង រដ្ឋមន្ត្រីក្រសួងសង្គមកិច្ច អតីតយុទ្ឋជន និងយុវនីតិសម្បទា បានលើកឡើង ក្នុង
ពិធីចែកអង្ករជូនប្រជាពលរដ្ឋក្រីក្រនៅក្នុងខណ្ឌចំការមន នៅព្រឹកថ្ងៃទី២៤ ខែឧសភា ឆ្នាំ២០១៣ នាវត្តទួល
ទំពូង ខណ្ឌចំការមន រាជធានីភ្នំពេញ ថា ការផ្តល់អង្ករនេះ បានបង្ហាញឲ្យឃើញនូវទឹកចិត្តមនុស្សធម៌របស់
អង្គការត្រង់ស៊ូមអេស្សា ដែលបានយកចិត្តទុកដាក់ចូលរួមចំណែកជួយដល់ប្រជាពលរដ្ឋក្រីក្រ ក្នុងការកាត់
បន្ថយភាពក្រីក្ររបស់ប្រជាពល រដ្ឋស្របតាមយុទ្ឋសាស្ត្រចតុកោណរបស់រាជរដ្ឋាភិបាលកម្ពុជា។

លោកបណ្ឌិតរដ្ឋមន្ត្រីបន្តថា     ប្រជាពលរដ្ឋក្រីក្រទាំង៤០០គ្រួសារនេះមកពីសង្កាត់ចំនួន៥ រួមមាន សង្កាត់
ទន្លេបាសាក់ ចំនួន៨០នាក់, សង្កាត់ផ្សាដើមថ្កូវ ចំនួន៨០នាក់, សង្កាត់បឹងកេងកង៣ ចំនួន៨០នាក់, សង្កាត់
ទំនប់ទឹក ចំនួន៨០នាក់, និងសង្កាត់បឹងត្របែក ចំនួន៨០នាក់ផងដែរ។    ក្នុងនោះសរុបទាំងអស់៤០០នាក់ ចែកជូនអង្ការក្នុងមួយគ្រួសារចំនួន ២៥គីឡូក្រាម អំបិល១គីឡូក្រាម និងព្រមទាំងថវិកា១ម៉ឺនរៀល។

លោករដ្ឋមន្ត្រីបញ្ជាក់ថា អង្គការត្រង់ស៊ូមអេស្សា (Transform Asia) បានផ្តល់អំណោយជាអង្ករ១០តោន និង
អំបិល៤០០គីឡូក្រាម យកមកចែកជូនពលរដ្ឋក្រីក្រ ក្នុងនោះអង្គការនេះក៏បានផ្តល់ឲ្យមន្ទីរសង្គមកិច្ច អតីត
យុទ្ឋជន និងយុវនីតិសម្បទា រាជធានីភ្នំពេញ ៣លានរៀល, សាលាខណ្ឌចំការមនថវិកា១លានរៀល ដូច្នេះ
ក្នុងនាមប្រជាពលរដ្ឋ មន្ទីរសង្គមកិច្ច អតីតយុទ្ឋជន និងយុវនីតសម្បទា រាជធានីភ្នំពេញ សូមថ្លែងអំណគុណ
ចំពោះតំណាងអង្គការត្រង់ស៊ូមអេស្សា  ក៏ដូចជាលោកអភិបាលខណ្ឌ    និង​ លោកប្រធានមន្ទីរទាំងអស់គ្នា
ដែលមានវត្តមាននាថ្ងៃនេះ ។

លោករដ្ឋមន្រ្តីបន្ថែមទៀតថា   ការនាំយកអំណោយឧបត្ថម្ភនាពេលនេះ គឺជាការយកចិត្ត ទុកដាក់របស់ថ្នាក់
ដឹកនាំក្រសួងចំពោះប្រជាជនក្រីក្រងាយរងគ្រោះ  ជាពិសេស  សម្តេចតេជោ ហ៊ុន សែន នាយករដ្ឋមន្រ្តី នៃ
ព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ដែលតែងតែគិតគូរអំពីសុខទុក្ខ របស់ប្រជាពលរដ្ឋទូទៅ និងប្រជាជនក្រីក្ររងគ្រោះជួបការលំបាក៕