ភ្នំពេញ ៖ មន្ដ្រីរាជរដ្ឋាភិបាលថៃប្រកាសប្រឆាំងនឹងការពិភាក្សាលើបញ្ហាប្រាសាទព្រះវិហារ នៅក្នុងកិច្ចប្រជុំគណៈកម្មាធិការបេតិកភណ្ឌពិភពលោក (WHC) លើកទី៣៧ ដែលប្រព្រឹត្ដទៅនៅរាជធានីភ្នំពេញ ចាប់ពីថ្ងៃទី
១៦ដល់ថ្ងៃទី២៧ ខែមិថុនា ឆ្នាំ២០១៣ ។
កាសែតបាងកកប៉ុស្ដិ៍រាយការណ៍នៅ ថ្ងៃព្រហស្បតិ៍ថា រដ្ឋមន្ដ្រីបរិស្ថានថៃ លោក Preecha Rengsomboonsuk
នឹងស្នើសុំទៅទីស្ដីការគណៈរដ្ឋមន្ដ្រីថៃ អនុម័តជំហរប្រឆាំងចំពោះគម្រោងនេះ នៅក្នុងសបា្ដហ៍នេះ ។
លោក Preecha បញ្ជាក់ថា រហូតមកដល់ពេលនេះបញ្ហាប្រាសាទព្រះ វិហារមិនត្រូវបានដាក់ក្នុងរបៀបវារៈនៅ
ឡើយទេ ។ យើងសង្ឃឹមថា នឹងមិនមានការពិភាក្សាណាមួយអំឡុងកិច្ចប្រជុំ រហូតដល់ការប្រកាសសាល
ដីការបស់តុលាការ។លោកបន្តថា គ្មានអ្វីគួរត្រូវបានធ្វើទេរហូតតុលាការអន្ដរជាតិទីក្រុងឡាអេ (ICJ) ប្រកាស
សាលដីកាដែលនឹងអាចធ្វើឡើងនៅខែតុលា ចុងឆ្នាំ២០១៣នេះ ។
ភាគីថៃកំពុងតែព្រួយបារម្ភថា ក្នុងកិច្ចប្រជុំនោះកម្ពុជានឹងអាចលើកពីគម្រោង គ្រប់គ្រងបរិវេណប្រាសាទព្រះ
វិហារជាតំបន់បេតិកភណ្ឌពិភពលោក ដើម្បីឱ្យគណៈកម្មាធិការពិចារណា ។ មន្ដ្រីថៃ ព្រមានថា ប្រសិនបើគណៈកម្មាធិការ បេតិភណ្ឌពិភពលោកយល់ព្រមការពិភាក្សាបញ្ហាប្រាសាទព្រះវិហារក្រុមអ្នក ជំនាញថៃនឹងមិនសហការនោះទេ ។
សូមបញ្ជាក់ថា កាលពីថ្ងៃទី១៦ ខែឧសភា ឆ្នាំ២០១៣ មន្ដ្រីរបស់អង្គភាពព័ត៌មាននិងប្រតិកម្មរហ័សបានបើក
កិច្ចប្រជុំ ពិភាក្សាលើការរៀបចំសម័យប្រជុំពេញអង្គលើកទី៣៧ កម្ពុជា នឹងធ្វើពិធីសាកល្បងរៀបចំសម័យ ប្រជុំពេញអង្គលើកទី៣៧នៃគណៈកម្មាធិការបេតិកភណ្ឌពិភពលោក ថ្ងៃទី១០ ខែ មិថុនា ឆ្នាំ២០១៣៕
ដោយ៖ សំអាត