សាលារាជធានីភ្នំពេញ  បានបើកកិច្ចប្រជុំមួយស្តីពី   គម្រោងសាងសង់ផ្លូវ ក្រោមដីលើកទី១ ដែលមានប្រវែង
៤៥០ម៉ែត្រ ចាប់ពីមុខអគារណាហ្គាវើល ឆ្លងកាត់ផ្លូវរដ្ឋសភា ឆ្ពោះទៅផ្លូវមាត់ទន្លេ ស្ថិតក្នុងសង្កាត់ទន្លេបាសាក់
ខណ្ឌ ចំការមន រាជធានីភ្នំពេញ ។       កិច្ចប្រជុំនេះ បានប្រព្រឹត្តទៅនារសៀលថ្ងៃទី១៧ ខែឧសភា ឆ្នាំ២០១៣ ក្រោមអធិបតីភាព ឯកឧត្តម ប៉ា  សុជាតិវង្ស អភិបាល រាជធានីភ្នំពេញ   ដោយមានការចូលរួមពីបណ្ដាមន្រី្ដ
ជំនាញនៃអង្គភាព ស្ថាប័ន ពាក់ព័ន្ធជាច្រើននាក់ ។

លោក  ប៊ិន  សម្បត្តិថារ័ត្ន  ទីប្រឹក្សាបច្ចេទេសគម្រោងរបស់ក្រុមហ៊ុន ISU បានឲ្យដឹងថា គម្រោងសាងសង់ ផ្លូវ
ក្រោមដីនេះ បានតម្រូវការឲ្យមាន ការរុះរើផលប៉ះពាល់មួយចំនួន ដូចជាប្រព័ន្ធលូ និងបង្គោលភ្លើងបំភ្លឺជាដើម
។    ហើយការសាងសង់ផ្លូវក្រោមដីនេះ នឹងអាចចាប់ផ្ដើមនៅពេលដ៏ឆាប់ៗនេះ បន្ទាប់ពី អង្គភាពស្ថាប័នពាក់
ព័ន្ធទាំងអស់ បានសិក្សា និងរំកិលបង្គោលភ្លើង ខ្សែកាប្លិ៍ និងប្រពន្ធ័លូមួយចំនួនរួចរាល់។ រីឯថវិកានៃការស្ថាប
នានេះ គឺបានត្រៀមរួចរាល់អស់ហើយដែរ ក្នុងនោះ សាលារាជធានីភ្នំពេញ ចេញ៣០ភាគរយ និង៧០ភាគរយ
ក្រុមហ៊ុនជាអ្នក ទទួលរ៉ាប់រង។ លោកបានបន្តទៀតថា អ្វីដែលអស្ចារ្យនោះ គឺមានគម្រោងសាងសង់ជាតូបនៅ
អមសងខាងផ្លូវនេះ ដើម្បីដាក់លក់ផលិតផល និងទំនិញផ្សេងៗ នៅតាមបណ្ដោយផ្លូវក្រោមដីនោះផងដែរ។
គួររំលឹកថា ថ្មីៗនេះសាលារាជធានី បានចេញសេចក្តីជូនដំណឹង ចុះថ្ងៃទី០៤ មិនា ឆ្នាំ២០១៣ ស្តីពីការអនុវត្ត
គម្រោងផ្លូវក្រោមដី ហាងទំនិញ  ហាងលក់គ្រឿងអនុស្សាវរីយ៍  មានបណ្តោយ  ៤៤៧ម៉ែត្រ   ទទឹង២៣ម៉ែត្រ អភិវឌ្ឍន៍ដោយក្រុមហ៊ុន តាន់ស្រ៊ី ឆេន អ៊ីញ តភ្ជាប់ពី អគារ TSCLK ទៅ ទីតាំងសំខាន់នៅជុំវិញ តំបន់អាគារ NAGA World។

មានប្រសាសន៍ក្នុងឱកាសនោះ​ ឯកឧត្តម ប៉ា សុជាតិវង្ស អភិបាល រាជធានីភ្នំពេញ បានណែនាំដល់មន្រ្តី
ជំនាញពាក់ពន្ទ័ទាំងអស់ ត្រូវធ្វើការ សិក្សាឱ្យបានហ្មត់ចត់បំផុតចំពោះគម្រោងស្ថាបនានេះ ដោយធ្វើយ៉ាង
ណា ត្រូវតែរៀបចំផ្លូវក្រោមដីនេះឲ្យមានលក្ខណៈល្អប្រណិត និងទំនើបរូបនីយកម្ម ប្រកបដោយសុវត្ថិភាព។ ព្រោះថា តំបន់នេះគឺជាទីកន្លែងយ៉ាងសំខាន់ ក្នុងការ ទាក់ទាញភ្ញៀវទេសចរ ឲ្យចូលមកទស្សនាកម្សាន្ត។
ឯកឧត្តមអភិបាល បានបន្តទៀតថា គម្រោងសាងសង់នេះ នឹងត្រូវចំណាយថវិកាដែល មានទំហំធំ ចាប់ពី
៣០​ ទៅ ៤០លានដុល្លារអាមេរិក ដូចនេះ មិនត្រូវមានការធ្វេសប្រហែសចំពោះការដ្ឋាននេះទេ៕

ប្រភពពី៖ភ្នំពេញ