ភ្នំពេញ៖ ចាប់តំាងពីការបោះឆ្នោតជ្រើសរើសតំណាងរាស្ត្រនីតិអាណត្តិទី៥ កាលពីថ្ងៃទី២៨កក្ដដា ឆ្នាំ២០១៣ មកដល់ពេលនេះជិត៧ខែហើយ បញ្ហានយោបាយនៅតែមិនទាន់ដំណើរការជាប្រក្រតី ដោយសារតែគណបក្សនយោបាយជាប់ទាំងពីរគឺគណបក្សប្រជាជនកម្ពុជា និងគណបក្សសង្គ្រោះជាតិ ដែលជាប់ឆ្នោតក្នុងរដ្ឋសភា មិនទាន់រកដំណោះស្រាយណាមួយទំលាយភាពទាល់ច្រកបាននៅឡើយ។
បន្ទាប់ពីមកដល់ប្រទេសវិញ លោក សម រង្ស៊ី ប្រធានគណបក្សសង្គ្រោះជាតិ កាលពីថ្ងៃទី១១ខែកុម្ភៈបានលើកឡើងថា គណបក្សសង្គ្រោះជាតិនៅតែប្រកាន់ជំហរចរចារជាមួយគណបក្សប្រជាជនកម្ពុជា ដើម្បីដោះស្រាយនយោបាយកន្លងមកនេះ។ ការដោះស្រាយនេះទាល់តែគណបក្សទំាងពីរនៅជិតគ្នា ហើយគណបក្សសង្គ្រោះជាតិនៅតែបើកចំហរ និងប្រកាន់ជំហរចរចារដោយសន្តិវិធី អហិង្សា ។
លោក សម រង្ស៊ី បន្តថា ដើម្បីដឹងសខ្មៅ ភាគីនិមួយៗអាចយល់ព្រមធ្វើ ជាកាយ វិការសុឆន្ទៈដល់កម្រិតណា ទាល់តែយើងស្ទាប់ស្ទង់គ្នាឲ្យបានច្បាស់ ដើម្បីឈានទៅមុខ ទៀត ។ គណបក្សសង្គ្រោះជាតិនៅតែប្រកាន់ជំហរដដែល រួមមាន ប៉ុស្តិ៍វិទ្យុ ទូរទស្សន៍ និង បោះឆ្នោតឡើងវិញ ទាមទារគណៈកម្មការអចិន្ត្រៃយ៍សភាស្មើគ្នាជាមួយគណបក្សប្រជាជនកម្ពុជា ។ ម៉្យាងទៀតទាមទារប្រកាន់ជំហរគឺធ្វើយ៉ាងណា ការបោះឆ្នោតឲ្យបានត្រឹមត្រូវ ចាប់ពីថ្ងៃនេះទៅថ្ងៃមុខ កាបោះឆ្នោតកុំឲ្យមានបញ្ហាដូចមុនទៀត ។
ហើយក្នុងរយៈពេលចាប់ពីថ្ងៃនេះ រហូតដល់ការបោះឆ្នោតនៅថ្ងៃខាងមុខធ្វើយ៉ាង ណាឲ្យគណបក្សសង្គ្រោះជាតិការពារផលប្រយោជន៍ប្រជាពលរដ្ឋ ។
លោក សម រង្ស៊ី បានឲ្យដឹងទៀតថា ដើម្បីដោះស្រាយផ្លូវនយោបាយ នៅក្នុងឆ្នាំ២០១៤នេះ គណបក្សសង្គ្រោះជាតិ ចង់មានដំណោះស្រាយណាមួយសមស្រប ដើមឈាន ដល់កែរដ្ឋធម្មនុញ្ញដែលអាចធ្វើបាន។ ចំពោះបញ្ហាដឹកនំាធ្វើបាតុកម្មសារជាថ្មី លោក សម រង្ស៊ី មិនទាន់បញ្ជាក់ច្បាស់ទេ គ្រាន់តែ សុំណូមពរ ដល់សម្តេច នាយកដ្ឋមន្ត្រី ហ៊ុន សែន ឲ្យគោរពរដ្ឋធម្មនុញ្ញ និងគោរពសិទ្ធិប្រជាពលរដ្ឋ នៅពេលណាគណបក្ស ប្រជាជនកម្ពុជា គោរពរដ្ឋធម្មនុញ្ញ ហើយ ទើបគណបក្សសង្គ្រោះជាតិធ្វើបាតុកម្មជាថ្មី។
លោក សម រង្ស៊ី បានលើកឡើងទៀតថា ការទស្សនៈកិច្ចស្វែរងរកគាំទ្រពីបណ្តាសហគមអ៊ីរ៉ុប ចាប់ពីថ្ងៃទី២៣ មករា រហូតដល់វិវត្តន៍មកកម្ពុជា វិញ សហគមន៍អ៊ឺរ៉ុប កំពុង ដាក់គំនាបមកលើករដ្ឋាភិបាលកម្ពុជា។
ទាក់ទិននិងការលើកឡើងរបស់មេបក្សប្រឆាំងខាងលើនេះ លោក ផៃ ស៊ីផាន អ្នកនំាពាក្យនៃទីស្តីការគណៈរដ្ឋមន្ត្រី បានប្រាប់តាមទូរស័ព្ទនារសៀល ថ្ងៃទី១២កុម្ភៈថា ការដើរគៀងគររបស់លោក សម រង្ស៊ី ប្រធាគណបក្សសង្គ្រោះជាតិគឺជាវោហាស័ព្ទ ថ្នាក់ដឹកនំាគណបក្សសង្គ្រោះជាតិ ក្នុងការបិទបំាងភាពកំសោយរបស់ថ្នាក់ដឹកនំាទាំងពីរតែប៉ុណ្ណោះ។
លោកថាកិច្ចការទំនាក់ទំនងជាមួយបណ្តាលប្រទេសដទៃទៀតទាំងកិច្ចសហប្រតិបត្តិការរវាងកម្ពុជាជាមួយបណ្តាលប្រទេសនានានៅតែមានសភាពដដែល ជាក់ស្តែង មានចុះហត្ថលេខារវាងថ្នាក់ដឹកនំាកម្ពុជា ជាមួយប្រទេសនានា មានជាបន្តបន្ទាប់ ។ ដូច្នេះ លទ្ធផលបោះឆ្នោតកម្ពុជាមិនមែនជាលទ្ធភាពរបស់បរទេសណាក្រៅពីប្រទេសខ្មែរទេ កាដោះស្រាយវិវាទក្នុងការដោះស្រាយទាក់ទងនិងការបោះឆ្នោតឡើយ ។
ការដោះស្រាយវិវាទ មានការចូលរួមពីគណបក្សសង្គ្រោះជាតិ រួចហើយទៅតាមគោលការណ៍ ច្បាប់និងយុន្តការ ដែលគណបក្សសង្គ្រោះជាតិ សម្រេចជ្រើសរើសធ្វើជាគូប្រជែងក្នុងការបោះឆ្នោតកន្លងមក រួចហើយ។ ដូច្នេះគ្មានទិសដៅណាដើម្បីយកមកដាក់សម្ពាធទាត់ចោលនៃលទ្ធផលបោះឆ្នោតតាមរយៈគោលការណ៍ច្បាប់ដោះស្រាយវិវាទរួមទំាងវត្តមានរបស់គណបក្សសង្គ្រោះជាតិតំាងពីការដោះស្រាយវិវាទចាប់ពីថ្នាក់ខេត្ត រហូតដល់ថ្នាក់កំពូលក្រុមប្រឹក្សាធម្មនុញ្ញ។
លោក ផៃ ស៊ីផាន បន្ថែមថា បញ្ហាអ្វីត្រូវបញ្ចប់ គឺគ្មានការផ្លាស់ប្តូរជាងនេះទៅទៀត ទេ ។ ចំពោះការបើកទ្វារចរចាររបស់គណបក្សសង្គ្រោះជាតិវិញត្រូវបានលោក ផៃ ស៊ីផាន ឲ្យដឹងថាទាំងផ្លូវការនិងមិនផ្លូវការគណបក្សប្រជាជនកម្ពុជា នៅតែបើកទ្វារចំហរជានិច្ចក្នុងការចរចារជាមួយគ្នាសង្គ្រោះជាតិ ។ គណបក្សប្រជាជនកម្ពុជាបានរៀបចំនូវយន្តការរួចទៅហើយសម្រាប់ការចរចារគ្នាបន្តទៀត គឺបន្តពីអ្វីក្នុងជំនួបថ្នាក់ដឹកនាំកំពូលៗ ដែលមានសម្តេច តេជោ ហ៊ុន សែន ជាអ្នកដឹកនំាប្រតិភូ និងភាគីគណបក្សសង្គ្រោះជាតិមានលោក សម រង្ស៊ី ជាអ្នកដឹកនំាកាលពីថ្ងៃទី១៦‑១៧កញ្ញា ឆ្នាំ២០១៣ នៅវិដ្ឋសភាកន្លងមក៕ ដោយ៖ ស ស្អាត