ភ្នំពេញ៖ ក្រសួងកិច្ចការនារី សហការជាមួយអង្គការសង្គមស៊ីវិល និងអង្គការដៃគូរមួយចំនួន បានរៀបចំសន្និសីទសារព័ត៌មានមួយស្តីពី ការបញ្ចប់អំពើហិង្សាលើស្រ្តី និងកុមារីក្នុងការឆ្លើយ តបជា សកល ដើម្បីជំរុញ
សកម្មភាពឆ្ពោះទៅមុខ កាលពីព្រឹកថ្ងៃទី២១ ខែឧសភា ឆ្នាំ២០១៣នៅ សណ្ឋាគារ ឡឺរ៉ូយ៉ាល់ក្រោមវត្តមាន
លោកស្រី វេជ្ជបណ្ធិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី ព្រមទាំងមានការ ចូលរួមពីតំណាងអង្គការសារ
ព័ត៌មានជាតិ-អន្តរជាតិជាច្រើន ។
លោកបណ្ឌិត Andreas Selmeci ប្រធានក្រុមការងារគម្រោង GIZ បានលើកឡើកថា ការធ្វើ អន្តរាគមន៍ ផែនការ
សកម្មភាពជាតិលើកទី២នេះ ត្រូវបានរំពឹងទុកថានឹងផ្តោតច្រើនទៅលើសិទ្ធិមនុស្ស និងការឆ្លើយតបផ្នែកយេន
ឌ័រ រួមបញ្ចូលទៅក្នុងសង្គម និងការផ្តល់ភាពអង់អាចកាន់តែច្រើនបន្ថែមទៀត ដល់ស្រ្តី និង កុមារ ។ លើសពី
នេះ វិធានការទាំងឡាយនឹងផ្តោតលើគោលដៅទៅស្រ្តីដែលងាយរងគ្រោះ ដោយអំពើហិង្សាដូចជា កម្មការិនី
រោងចក្រកាត់ដេរ ស្រ្តីរកស៊ីរកផ្លូវភេទ ស្រ្តីពិការ ស្រ្តីស្រឡាញ់ភេទដូចគ្នា។ល។
លោកស្រី Claire Van der Vaeren ជាអ្នកសម្របសម្រួលក្នុងស្រុករបស់អង្គការសហប្រជា ជាតិ ប្រចាំកម្ពុជាបាន
ថ្លែងថា អង្គការប្រជាជាតិបានអំពាវនាវរាល់សកម្មភាពនានា និងចាត់វិធានការ យ៉ាងណាអោយសេចក្តីសន្និដ្ធា
នរួមជាសកលក្លាយទៅជាការពិត ។ លោកស្រីបន្តថា អង្គការសហប្រ ជាជាតិបន្តគាំទ្ររាជរដ្ឋាភិបាល និងដៃ
គូអភិវឌ្ឍន៍នានាដើម្បីទប់ស្កាត់អំពើហិង្សាលើស្រ្តី និងកុមារី ហើយស្វែងរកឲ្យឃើញនូវឬសគល់នៃវិសមភាព
យេនឌ័រ។
ចំណែកលោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ បានលើកឡើងថា ដើម្បីចូលរួមគ្នា លើកកម្ពស់
និងជំរុញឲ្យមានការលុបបំបាត់អំពើហិង្សាលើស្រ្តី និងកុមារ គឺយើងត្រូវពង្រឹងការអនុវត្តច្បាប់ និងបង្កើននីតិរដ្ឋ
ដើម្បីដោះស្រាយបញ្ហាអំពើហិង្សាលើប្រជាជន ហើយជាពិសេសនោះទៅលើស្រ្តីតែម្តង បានក្លាយទៅជាកត្តា
អាទិភាពមួយសំរាប់រាជរដ្ឋភិបាលកម្ពុជានៅក្នុងការអភិវឌ្ឍន៍ប្រទេស ។
ថ្លែងនៅក្នុងសន្នីសីទសារព័ត៌មាននោះលោកស្រីវេជ្ជបណ្ឌិត អ៊ឹង កន្ថាផាវី បានលើកឡើងថា យើងកំពុងធ្វើការ
យ៉ាងសកម្មក្នុងបញ្ហានេះដើម្បីលុបបំបាត់អំពើហិង្សាលើស្រ្តី និង កុមារ អស់រយៈពេល១០ឆ្នាំហើយ ដោយមាន
ការចូលរួម និងជួយគាំទ្រពីបណ្តារក្រសួងពាក់ព័ន្ធ អង្គការសង្គមស៊ីវិលនានា និងដៃគូអភិវឌ្ឍន៍ មួយចំនួន
ទៀត ។
លោកជំទាវបន្ថែមថា ដើម្បីឲ្យការពង្រឹងឲ្យកាន់តែល្អប្រសើរនោះចាំបាច់ត្រូវតែធ្វើនៅក្នុងផ្នែក សំខាន់ៗមួយ
ចំនួនដូចជា៖
១-សេវាចិត្តសាស្រ្តសង្គមសម្រាប់ស្រ្តីរងគ្រោះដោយអំពើហិង្សាត្រូវតែមានភាព ប្រាកដនិយម ។
២-. សេវា កម្មក្នុងវិស័យសុខភាពមានលក្ខណៈឆ្លើយតបនឹងយេនឌ័រ ដើម្បីរកឲ្យឃើញ និងគាំទ្រដល់ស្រី្តរង
គ្រោះ ។
៣. ការបង្ការ ចំពោះអំពើហិង្សាផ្លូវភេទ ៤.ការផ្តល់ជូននូវផ្នែកសេដ្ធកិច្ច និងអប់រំដល់ស្រ្តីឲ្យរួចផុតពីហិង្សា ។
៥.ការ មើលស្រាលពីសង្គមទៅលើស្រ្តីដែលរងគ្រោះ ត្រូវបំបាត់អំពើ ហិង្សាតាមរយៈការអប់រំ និងប្រាស្រ័យ
ទាក់ទងគ្នា ដើម្បី បញ្ចប់អំពើហិង្សាលើស្ត្រី និងកុមារី សម្រេចបានផែនការសកម្មភាពជាតិលើកទី២ ស្តីពីការ
ទប់ស្កាត់អំពើហិង្សាឆ្នាំ ២០១៣-២០១៧ ។
សូមបញ្ជាក់ថា ការស្ទង់មតិ ផ្នែកសុខភាពប្រជាសាស្រ្ត បានឲ្យដឹងថា នៅក្នុងប្រទេសកម្ពុជា ក្នុងអំឡុង ពេល
១២ខែចុងក្រោយនេះ ស្រ្តីកម្ពុជាជិត១៣ភាគរយ បានទទួលរងនូវអំពើហិង្សា ពីស្វាមី និងដៃគូ នៅ ក្នុងអំឡុង
ពេល១២ខែ ចុងក្រោយនេះ ។ អំពើហិង្សលើស្រ្តី គឺជាការចង្ហាញ ឲ្យឃើញយ៉ាងច្បាស់ នូវការ រើសអើង និង
ការមិនផ្តល់ភាពអង់អាចដល់ស្រ្តី និងក្មេងស្រី។ ជាអកុសលស្រ្តីកម្ពុជានៅតែទទួលរងអំពើហិង្សាផ្នែកផ្លូវចិត្ត
ផ្លូវអារម្មណ៍ ផ្នែកសេដ្ឋកិច្ច ផ្លូវកាយ និងផ្លូវភេទនៅតាមផ្ទះ ក្នុងគ្រួសារ កន្លែងធ្វើការ នៅតាមផ្លូវ ឬនៅតាមទី
សាធារណៈ។
ចំនួនស្រ្តីរងគ្រោះ ដោយអំពើហិង្សា ដែលទទួលបានសេវាកម្មនានា ពីអង្គការមិនមែនរដ្ឋាភិបាលទាំង ៦ នេះ
មានចំនួនកើនឡើងជិតពីរដង តែក្នុងរយៈពេលមួយឆ្នាំប៉ុណ្ណោះ ដោយបានកើនឡើងពីជិត ៦០០នាក់ នៅក្នុង
ឆ្នាំ២០១១ រហូតដល់ជាង ១.០០០នាក់ នៅក្នុងឆ្នាំ២០១២៕
ដោយ៖សស្អាត