ភ្នំពេញ៖ ក្នុងនាមឈាមជ័រជាជាតិសាសន៍តែមួយ ពេលឃើញនិងលឺពីទុក្ខវេទនាដែលគេបានធ្វើមកលើជន
ជាតិខ្លួនពិតជាឈឺចាប់ណាស់ តែមិនដឹងថាត្រូវជួយយ៉ាងដូចម៉្តេច បើយើងទៅរកការងារធ្វើនៅស្រុកគេដោយ
ខុសច្បាប់។ នេះជាសំដីពលរដ្ឋខ្មែរមួយក្រុមដែលបានឃើញពីជីវិតរបស់ពលករចំណាកស្រុកកម្ពុជានៅក្នុង
ប្រទេសថៃ។
បើទោះជាដឹងថាការធ្វើចំណាកស្រុកខុសច្បាប់វាប្រឈមនឹងគ្រោះថ្នាក់ដល់អាយុជីវិតក៏ដោយ ក៏នៅតែមាន
ប្រជាពលរដ្ឋខ្មែរមួយចំនួនបានបង្ខំចិត្តធ្វើចំណាកស្រុកទៅប្រទេសជិតខាងដោយខុសច្បាប់ដើម្បីលក់កម្លាំង
ពលកម្មប្ដូរមកវិញនូវប្រាក់កម្រៃសមល្មម បើប្រៀបធៀបនឹងការលក់កម្លាំងពលកម្មក្នុងស្រុក។ការធ្វើចំណាក
ស្រុកទៅធ្វើការនៅស្រុកគេ (ស្រុកថៃ)ភាគច្រើនគឺមានការគៀងគរពីមេខ្យល់ដែលល្បួងប្រជាពលរដ្ឋឲ្យមាន
ចំណាប់អារម្មណ៍អំពីការរកប្រាក់ចំណូលបានច្រើនជាងក្នុងស្រុកនិងសម្បូរការងារធ្វើស្របទៅនឹងបញ្ហាជី
វភាពកំពុងតែលំបាកស្រាប់ផងទើបធ្វើឲ្យពួកគេសុខចិត្តទៅតាមមេខ្យល់ចោលក្រុមគ្រួសារតែម្ដង។ ប៉ុន្ដែអ្វី
ដែលមេខ្យល់និយាយនោះមិនមែនសុទ្ធតែជាការពិតទាំងស្រុងទេត្បិតពួកគេមិនបានដឹងអំពីស្ថានភាពខ្លួន
ឯងជាជនចំណាកស្រុកខុសច្បាប់គឺដូចជាចកអណ្ដែតនៅកណ្តាលមហាសាគរនោះទេ។
ថ្វីត្បិតតែប្រាក់កម្រៃពីការលក់កម្លាំងពលកម្មនៅប្រទេសនេះមានកម្រិតខ្ពស់ជាងប្រទេសកម្ពុជាបន្តិចក្ដីប៉ុន្ដែ
ពលករចំណាកស្រុកទាំងនោះបានជួបប្រទះ នូវបញ្ហាជាច្រើនជាពិសេសពលករចំណាកស្រុក ដោយខុស
ច្បាប់តែម្ដង ។ និយាយអំពីស្ថានភាពរស់នៅរបស់ពួកគេគឺមិនសមប្រកបទាល់តែសោះត្បិតសំណង់ដែលពលករស្នាក់នៅប្រៀបដូចជាជំរុំជនភៀសខ្លួនដែលសង់រកេតរកូតយ៉ាងអណាធិបតេយ្យគ្មានសណ្ដាប់ធ្នាប់
និងមានបរិស្ថានមិនល្អឡើយ។ សភាពបែបនេះអាចធ្វើពួកគេមានបញ្ហាប្រឈមចំពោះសុខភាពនិងសុវត្ថិ
ភាពដែលបង្ករឡើងពីបរិយាកាសជុំវិញកន្លែងដែលពួកគេស្នាក់នៅ ក៏ដូចជាការរំខានពីសំណាក់ជនពាល
របស់ថៃផងដែរ។
លើសពីនេះទៅទៀតអ្វីដែលកាន់តែពិបាកនោះគឺពលករចំណាកស្រុកទៅធ្វើការនៅប្រទេសថៃដោយខុស
ច្បាប់ត្រូវរស់នៅក្នុងសភាពភ័យខ្លាចជានិច្ចត្បិតពួកគេមិនមានលិខិតផ្លូវច្បាប់ណាមួយដើម្បីមានសិទ្ធិមក
ធ្វើការដោយស្របច្បាប់នៅប្រទេសនេះឡើយហើយពួកគេតែងតែមានភាពភ័យខ្លាចនៅពេលដែលឃើញ
តម្រួតថៃម្ដងៗ ព្រោះប្រសិនបើតម្រួតថៃចាប់បានពួកគេបានវិញត្រូវប្រឈមមុខជាមួយ នឹងច្បាប់របស់
ប្រទេសនេះដោយត្រូវជាប់ពន្ធនាគារនិងពិន័យជាប្រាក់ទៀតសោត។មានប្រជាពលករខ្មែរត្រូវពួកតម្រួតថៃ
វាយធ្វើបាបនិងគម្រាមទារប្រាក់ដែលពួកគេខិតខំសន្សំមិនហ៊ានស៊ីចាយជាថ្នូរនឹងការមិនចាប់ដាក់ទោស
ទណ្ឌផងដែរហើយរឿងនេះគឺកើតឡើងជារឿយៗដោយគ្មានអាជ្ញាធរពាក់ព័ន្ធណាមួយដឹងនិងជួយអន្ដរា
គមន៍ឡើយ។និយាយឲ្យចំគឺគេប្រមាថមើលងាយជាតិសាសន៍យើងខ្លាំងណាស់រហូតដល់ដៀលសុទ្ធតែពូជខ្មែរជាអ្នកសុំទានទៀតផង ហើយយើងទៅនៅស្រុកគេគឺមិនមែនដើម្បីសេចក្ដីសប្បាយរីករាយទេគឺ
ត្រឹមតែធ្វើកញ្ជះគេប្ដូរមកវិញនូវប្រាក់បន្ដិចបន្ដួចប៉ុណ្ណោះ។
នៅពេលដែលខ្ញុំជិះរថយន្ដក្រុងពីប្រទេសថៃមកកម្ពុជាវិញ ខ្ញុំបានឃើញពលករចំណាកស្រុកម្នាក់ដែល
គាត់បានទៅធ្វើការនៅប្រទេសថៃដោយខុសច្បាប់ហាក់ដូចជាមានការភិតភ័យយ៉ាងខ្លាំងព្រោះរាល់ពេលរថយន្ដក្រុងឈប់នៅចំណតតម្រួតថៃម្ដងៗគាត់មានអាការៈញ័រដៃជើងស្ទើរលេចនោមដាក់ខោទៅហើយ
ត្បិតគាត់ខ្លាចពួកតម្រួតថៃដឹងថាខ្លួនមិនមានលិខិតឆ្លងដែនត្រឹមត្រូវនិងចាប់គាត់ដាក់ទោសទណ្ឌទៅតាម
ច្បាប់របស់ប្រទេសនេះ។កាន់តែអាណោចអាធមទៅទៀតនោះនៅពេលមកដល់ព្រំដែនប្រទេសទាំងពីរ
ហើយពលករម្នាក់នោះត្រូវបានតម្រួតថៃនៅឈរជើងតាមប៉ុស្ដិ៍ព្រំដែនគម្រាមទារប្រាក់ចំនួនពីររយបាត
ថែមទៀតជាថ្នូរនឹងការអនុញ្ញាតិឲ្យគាត់ឆ្លងដែនមកមាតុភូមិកំណើតវិញ។
រឿងរ៉ាវដែលខ្ញុំបានឃើញបានធ្វើឲ្យខ្ញុំមានភាពឈឺចាប់ក្នុងចិត្តយ៉ាងខ្លាំងដោយខ្ញុំមិននឹកស្មានថាជនជាតិ
របស់ខ្ញុំដែលជាកូនចៅអ្នកសាងសង់អង្គរត្រូវទៅលក់កម្លាំងពលកម្មនៅស្រុកគេដោយបង្ខំចិត្តនិងត្រូវរស់
នៅក្នុងស្ថានភាពដែលមិនអាចទទួលយកបានជាពិសេសគឺការមើលងាយពីជាតិសាសន៍ថៃនិងការធ្វើបាប
ពីអាជ្ញាធររបស់ថៃតែម្ដង។
ជាការក្រើនរម្លឹកខ្ញុំសូមជម្រាបដល់ប្រិយមិត្តអ្នកអានទាំងអស់មេត្តាជួយធ្វើការពន្យល់និងប្រាប់ដល់បងប្អូន
ខ្មែរដែលមានបំណងទៅធ្វើការនៅប្រទេសថៃដោយខុសច្បាប់អំពីស្ថានភាពរស់នៅក្នុងប្រទេសនោះនិង
បញ្ហាប្រឈមធំៗជាច្រើនដែលពួកគាត់នឹងត្រូវជួបប្រទះដូចអ្វីដែលខ្ញុំបានរៀបរាប់ខាងលើ។ទោះបីជាមាន
ចំណូលច្រើនជាងប្រទេសកម្ពុជាក្ដីក៏មិនប្រាកដថាពួកគាត់អាចស្ពាយលុយនោះមកស្រុកខ្មែរបានដែរដោយ
ហេតុថាមានពួកក្មេងពាលនិងតម្រួតឈាមខ្មៅថៃមួយចំនួនបានឆ្លៀតឱកាសជម្រិតយកប្រាក់វិញគ្មានសល់
ត្បិតយើងទៅស្រុកគេដោយគ្មានច្បាប់ទម្លាប់និងមិនមានការអន្ដរាគមន៍ពីអាជ្ញាធរប្រទេសនេះផងនោះ។
និយាយជារួមការសម្រេចចិត្តធ្វើចំណាកស្រុកទៅធ្វើការដោយខុសច្បាប់នៅប្រទេសថៃគឺមិនមែនជារឿងល្អ
ឡើយសម្រាប់បងប្អូនប្រជាពលរដ្ឋខ្មែរហើយកុំជឿសម្ដីមេខ្យល់ដែលល្បួងយើងឲ្យទៅធ្វើការនៅប្រទេសថៃ
ឲ្យសោះព្រោះពួកគេទាំងនោះបានលក់ឧត្តមគតិបោកប្រាស់ជាតិសាសន៍ឯងដើម្បីជាថ្នូរមកវិញនូវលាភ
សក្ការៈបន្តិចបន្តួចផ្ទាល់ខ្លួនតែប៉ុណ្ណោះ៕
ដោយ៖សស្អាត