ភ្នំពេញ៖ អនុប្រធានគណបក្សសង្រ្គោះជាតិលោក កឹម សុខា កាលពីថ្ងៃល្ងាចថ្ងៃទី១៣ ខែវិច្ឆិកា បានជួបពិភាក្សា​ជា​​មួយលោក Richard S. Williamson អតីតអគ្គរដ្ឋទូតសហរដ្ឋអាមេរិកប្រចាំនៅអង្គការសហប្រជាជាតិ និងបច្ចុប្បន្នជា​​សមា​ជិក​ក្រុមប្រឹក្សាភិបាល នៃវិទ្យាស្ថានសាធារណៈរដ្ឋអន្តរជាតិ(IRI)។នៅក្នុងជំនួបនោះលោក កឹម សុខា និង​​លោក Richard S. Williamsonបានពិភាក្សាអំពីផែនការសកម្មភាព ដែល​ត្រូវ​អនុវត្តនាពេលអនាគត ដើម្បីលើកកម្ពស់​​លទ្ធិ​ប្រជាធិបតេយ្យនៅកម្ពុជា។​

សូមបញ្ជាក់ ថា នៅថ្ងៃទី១៤ខែវិច្ឆិកាឆ្នាំ២០១៣នេះថ្នាក់ដឹកនាំគណបក្សសង្រ្គោះជាតិនឹងជួបពិភាក្សាគ្នានៅទី​ស្នាក់​​ការ​កណ្ដាលគណបក្សដើម្បីរៀបចំផែនការសកម្មភាពរបស់គណបក្សបន្ដទៅមុខទៀត។នេះបើតាម ការឲ្យ​ដឹង​ពី​​លោក យ៉ែម បុញ្ញាឬទ្ធិ អ្នកនាំពាក្យគណបក្សសង្រ្គោះជាតិ កាលពីថ្ងៃម្សិលមិញ។ការជួបពិភាក្សាគ្នា ពីសំណាក់​ថ្នាក់​​​ដឹក​នាំគណបក្សសង្រ្គោះជាតិនេះ គឺខណៈដែលមិនទាន់មានព័ត៌មាន នៃការ​ជួប​ពិភាក្សា ដោះស្រាយ​បញ្ហាជាប់គាំង​​នយោ​​​បាយជាថ្មីជាមួយ គណបក្សប្រជាជនកម្ពុជា។ ​

កាលពីពេលកន្លងទៅលោកសមរង្ស៊ីនិងលោកកឹមសុខាប្រធាននិងអនុប្រធានគណបក្សសង្រ្គោះជាតិបាន​ប្រកាស​​​ទុកពេលវេលាចរចាត្រឹមចុងឆ្នាំ២០១៣នេះជាមួយគណបក្សប្រជាជនកម្ពុជាដើម្បីស្វែងរកយុត្តធម៌ឆាប់ៗជូនប្រជា​​​ព​​លរដ្ឋជាម្ចាស់ឆ្នោតហើយប្រសិនបើដំ​ណោះស្រាយនៅតែមិ​នមាននៅចុងឆ្នាំ២០១៣នេះទេមហា​បាតុ​អហិង្សា​និង​​​កើត​មានជាទ្រង់ទ្រាយធំជាថ្មីម្ដងទៀត៕ ដោយ៖ រតនា ​​