ភ្នំពេញ៖ព្រឹទ្ធសភានៃព្រះរាជាណាចក្រកម្ពុជាបានបើកសម័យប្រជុំវិសាមញ្ញ នីតិកាលទី៣របស់ខ្លួននៅថ្ងៃ
សុក្រទី១៧ ខែឧសភាឆ្នាំ២០១៣ ក្រោមវត្តមានលោកសាយឈុំអនុប្រធានទី១ព្រឹទ្ធសភាដោយវត្តមានសមា
ជិកព្រឹទ្ធសភាមានចំនួន៤៧រូប។
របៀបវារៈនៃកិច្ចប្រជុំមាន៖
-ពិនិត្យនិងឲ្យយោបល់លើសេចក្តីព្រាងច្បាប់ស្តីពីការបង្ការនិងការពន្លត់អគ្គិភ័យ។
-ពិនិត្យនិងឲ្យយោបល់លើសេចក្តីព្រាងច្បាប់ស្តីពីវិសោធនកម្មមាត្រា២៨នៃច្បាប់ស្តីពីការរៀបចំនិងការប្រ
ព្រឹត្តទៅនៃគណៈរដ្ឋមន្ត្រី។
-ពិនិត្យនិងឲ្យយោបល់លើសេចក្តីព្រាងច្បាប់ស្តីពីវិសោធនកម្មមាត្រា៣មាត្រា២៩និងមាត្រា៣០នៃច្បាប់ស្តី
ពីការប្រឆាំងការសម្អាតប្រាក់និងហិរញ្ញប្បទានភេរវកម្ម។
តាមសេចក្តីប្រកាសរបស់ព្រឹទ្ធសភាបង្ហាញថាអង្គប្រជុំព្រឹទ្ធសភាបានដំណើរការតាមរបៀបវារៈនិងសម្រេច
បាននូវលទ្ធផលដូចជា៖ពិនិត្យនិងឲ្យយោបល់លើសេចក្តីព្រាងច្បាប់ស្តីពីការបង្ការនិងការពន្លត់អគ្គិភ័យ ។
សេចក្តីព្រាងច្បាប់នេះមាន៨ជំពូក៣៣មាត្រាមានគោលបំណងលើកកម្ពស់ការបង្ការនិងការពន្លត់អគ្គិភ័យ
កំណត់អំពីការទទួលខុសត្រូវរបស់ជនគ្រប់រូបលក្ខខណ្ឌវិធានការនានាដើម្បីរួមចំណែកដល់ការថែរក្សាសន្តិ
សុខសុវត្ថិភាពសង្គមសណ្តាប់ធ្នាប់សាធារណៈការពារអាយុជីវិតទ្រព្យសម្បត្តិជាទូទៅកាត់បន្ថយភាពក្រីក្រ
បង្កើនទំនុកចិត្តដល់វិនិយោគិននិងអ្នកទេសចរ។
អង្គប្រជុំព្រឹទ្ធសភាបានពិនិត្យនិងឲ្យយោបល់ឯកភាពទាំងស្រុងលើសេចក្តីព្រាងច្បាប់ទាំងមូលដោយឥតកែ
ប្រែចំនួន៤៧សំឡេងនៃចំនួនសមាជិកព្រឹទ្ធសភាទាំងមូល។ពិនិត្យនិងឲ្យយោបល់លើសេចក្តីព្រាងច្បាប់ស្តី
ពីវិសោធនកម្មមាត្រា២៨នៃច្បាប់ស្តីពីការរៀបចំនិងការប្រព្រឹត្តទៅនៃគណៈរដ្ឋមន្ត្រីការធ្វើវិសោធនកម្មមាត្រា
២៨នៃច្បាប់ស្តីពីការរៀបចំនិងការប្រព្រឹត្តទៅនៃគណៈរដ្ឋមន្ត្រីនឹងផ្តល់អំណាចមួយកម្រិតទៀតដល់រដ្ឋបាល
ថ្នាក់ក្រោមជាតិដើម្បីលើកកម្ពស់គណនេយ្យភាពជាមួយប្រជាពលរដ្ឋនិងជាកម្លាំងចលករថ្មីមួយទៀតក្នុង
ការជំរុញដំណើរការកំណែទម្រង់សម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិជាគុណ
ប្រយោជន៍ដ៏ចំបងសម្រាប់ប្រជាពលរដ្ឋកម្ពុជាគ្រប់ៗរូប៕ដោយ៖ សំអាត