ភ្នំពេញ៖កាលពីព្រឹកថ្ងៃទី១៣  ខែឧសភា នេះឯកឧត្តមឧបនាយករដ្ឋមន្រ្តីញឹកប៊ុនឆៃអគ្គលេខា​ធិការគណ
បក្សហ៊្វុនស៊ិនប៉ិចបានទទួលជួបជាមួយប្រតិភូនៃវិទ្យាស្ថានជាតិប្រជាធិបតេយ្យហៅកាត់​ថាNDI ដែលដឹកនាំ
ដោយលោកជេហ្វហ្វក់អនុប្រធាន NDI  ប្រចាំប្រទេសកម្ពុជា​នៅគេហដ្ឋានរបស់​ឯកឧត្តមខាងកើតស្ពានជ្រោ
យចង្វារ។

ឯកឧត្តមបណ្ឌិត  ញឹក  ប៊ុនឆៃ   បានប្រាប់ដល់ក្រុមអ្នកសារព័ត៌មានក្រោយជំនួបនោះថាប្រតិភូរបស់NDIមក
ជួបលោកក្នុងគោលបំណងចង់សួរយោបល់អំពីការរៀបចំរបស់NDIកន្លងមកយ៉ាង​ដូចម៉្តេច​ដែរ? ពោលគឺ(វេទិ
​ការ​អ្នកតំ​ណាង​រា​ស្ត្រ​និ​ង​ម្ចាស់ឆ្នោតដែល​រៀប​ចំ​ដោយ​អង្គការ NDI) ។   ខាងNDIសុំឲ្យគណបក្សហ៊្វុនស៊ិនប៉ិច
បន្ថែមបេក្ខភាពស្រ្តីឬតំណាងចូលរួមក្នុងវេទិកាជាស្រ្តីឲ្យបានច្រើន​ជាងឆ្នាំ​កន្លងទៅ ។

លោកបណ្ឌិតបានបញ្ជាក់ថាសម្រាប់គណបក្សហ៊្វុនស៊ិនប៉ិច  គឺពេញចិត្តចំពោះកម្មវិធីដែលរៀបចំ​ដោយNDI
កន្លងមកនិងបានគាំទ្រទាំងស្រុងចំពោះវេទិការអ្នកតំណាងរាស្រ្តនិងម្ចាស់ឆ្នោតដែលបាន​ផ្តល់ឱកាសឲ្យគ្រប់
គណបក្សនយោបាយបានបញ្ចេញទស្សនៈរបស់ខ្លួនបង្ហាញជូនប្រជាពលរដ្ឋពិសេសផ្តល់ឱកាសដល់យុវជន
ជំនាន់ក្រោយបានបញ្ចេញនូវទស្សនៈនយោបាយរបស់គេ និងផ្តល់​សិទ្ធិឲ្យពលរដ្ឋបានស្វែងយល់កាន់តែច្បា
ស់ពីនយោបាយ។

ទាក់ទិននឹងការដាក់បញ្ជីឈ្មោះនិងបញ្ជីបេក្ខជនឈរឈ្មោះបោះឆ្នោត   ឯកឧត្តមបណ្ឌិតបានបង្ហាញថា  ក្នុង
អាណត្តិទី៥  នៃការបោះឆ្នោតជ្រើសតាំងតំណាងរាស្រ្តនេះសម្រាប់គណបក្សហ៊្វុនស៊ិនប៉ិច   បានរៀបចំខ្លួន
ប្រាណយ៉ាងស្រេចបាច់អស់ហើយព្រមទាំងបានដាក់បញ្ជីឈ្មោះនិងបញ្ជីឈ្មោះបេក្ខជនទាំងពេញសិទ្ធិនិង
បំរុងគ្រប់ទូទាំង២៤ខេត្តរាជធានីទៅ.គ.ជ.ប រួចរាល់ហើយដែរ។      ក្នុងនោះមាន​ស្រ្តី​ចំនួន៣០រូបហើយបើគិត​ជាភាគរយមានរហូតដល់ទី១១,៣ភាគរយឯណោះហើយក៏មានស្រ្តីឈរ​លេខរៀងលំដាប់ទី១ដល់ទៅ៣ខេត្ត
គឺ​ ខេត្តកំពង់ចាមខេត្តក្រចេះនិងខេត្តកោះកុងទៀតផង។

សូមបញ្ជាក់ថាក្នុងចំណោមរាជធានីខេត្តទាំង២៤គណបក្សហ៊្វុនស៊ិនប៉ិចបានដាក់បញ្ជីឈ្មោះនិងបញ្ជីបេក្ខជន
គ្រប់សព្វអស់ហើយ។ប៉ុន្តែគណបក្សបានផ្តោតទៅលើខេត្តអទិភាពចំនួន១២ដែលកន្លងមកសម្លេងឆ្នោតមាន
ការខ្វះតែបន្តិចបន្តួចប៉ុណ្ណោះគ្រប់មួយអាសនៈដូច្នេះក្រោយពេលរួមគ្នាឡើងវិញនេះគណបក្សមានជំនឿចិត្ត
ថាបើគ្មានការប្រែប្រួលទេនោះគណបក្សហ៊្វុនស៊ិនប៉ិចនឹងទទួលបាន​អាសនៈ​គ្រប់ខេត្តអាទិភាពពោលគឺចំនួន
១២កៅអី៕ដោយ៖ស.ស្អាត