ភ្នំពេញ៖សំណុំរឿងអតីតអនុរដ្ឋលេខាធិការក្រសួងយុត្តិធម៌និងអតីតមេធាវីដេវិដឆាយណាវ៉ាព្រមទាំង
គូកនត្រូវបានសាលាដំបូងរាជធានីភ្នំពេញកំណត់យកមកបើកសវនាការជំនុំជម្រះនៅថ្ងៃទី២០ ខែឧសភា
ឆ្នាំ២០១៣ ខាងមុខនេះបន្ទាប់ពីជនជាប់ចោទបានជាប់ឃុំនៅពន្ធនាគារអស់រយៈពេលជិត២ខែរួចមក។
នៅមុនពេលបើកសវនាការជំនុំជម្រះនេះតុលាការនឹងបើកសវនាការជំនុំជម្រះលើពាក្យសុំនៅក្រៅឃុំរបស់
អតីតមេធាវីដេវិដឆាយណាវ៉ានៅថ្ងៃទី១៦ ខែឧសភា ឆ្នាំ២០១៣ស្អែកនេះដែរ ។ ជនជាប់ចោទក្នុងសំណុំ
រឿងនេះមានឈ្មោះដេវិដឆាយណាវ៉ាអាយុ៤១ឆ្នាំជាអតីតមេធាវីឈ្មោះ អ៊ូ ហ្វីអាយុ២២ឆ្នាំ និងឈ្មោះយាន
ស៊ីណាអតីតអនុរដ្ឋលេខាធិការក្រសួងយុត្តិធម៌កំពុងគេចខ្លួន។
គួររំលឹកថាកាលពីរំលងអធ្រាត្រឈានចូលថ្ងៃទី១៩ខែមីនាឆ្នាំ២០១៣អតីតមេធាវីដេវិដឆាយណាវ៉ានិងគូ
កនជាច្រើននាក់បានបើករថយន្តស៊េរីទំនើបៗប្រណាំងគ្នាលេងតាមដងផ្លូវព្រះមុនីវង្សក្នុងទិសដៅពីជើង
ទៅត្បូង។ ពេលមកដល់ភ្លើងស្តុបព្រះមុនីវង្សកែងផ្លូវលេខ២១៤រថយន្តប្រណាំងបានបត់ឆ្វេងក្នុងគោល
បំណងមកតាមផ្លូវលេខ២១៤ឆ្ពោះទៅទិសខាងកើត។ក្នុងស្ថានភាពស្រវឹងបណ្តាលឱ្យរថយន្តម៉ាកMini
Coopers ពណ៌ក្រហមជ្រុលទៅបុកជាប់ជាមួយបង្គោលភ្លើង នឹងកើតរឿងវាយតប់គ្នាជាមួយក្រុមអ្នកសារ
ព័ត៌មាន ក្នុងពេលចុះផ្តិតយករូបភាពនោះ៕