ភ្នំពេញៈលោកប៉ាសុជាតិវង្សអភិបាលរាជធានីភ្នំពេញរួមដំណើរដោយលោកលីសាវេតអភិបាលខណ្ឌសែន
សុខនៅព្រឹកថ្ងៃទី១៤ ខែឧសភា ឆ្នាំ២០១៣ បានចុះទៅពិនិត្យនិងស្ដារប្រឡាយមេក្នុងភូមិសាស្ដ្រខណ្ឌសែន
សុខក្នុងគោលបំណងដើម្បីបញ្ចៀសបានទឹកដក់និងលិចនៅពេលដែលរដូវភ្លៀងមកដល់នៅពេលខាងមុខ។
លោកលីសាវេតឲ្យដឹងថាប្រឡាយមេរំដោះទឹកនេះមានចម្ងាយប្រមាណ១០.៤០០ម៉ែត្រលាតសន្ធឹងចាប់ពី
ទំនប់កប់ស្រូវមកដល់ទំនប់ត្រឡោកបែកដោយឆ្លងកាត់ភូមិអន្លងក្ងាន ភូមិឃ្មួញភូមិបន្លាស្អិតក្នុង សង្កាត់
ឃ្មួញភូមិបាយ៉ាបភូមិពោងពាយភូមិទំនប់ក្នុងសង្កាត់ភ្នំពេញថ្មីនិងភូមិចុងថ្នល់ខាងកើតក្នុងសង្កាត់ទឹកថ្លា។
លោកអភិបាលខណ្ឌសែនសុខបញ្ជាក់ថាប្រឡាយមេនេះមានទទឹងពី១០ម៉ែត្រទៅ២០ម៉ែត្រមានជម្រៅ០៥
ម៉ែត្រហើយវាជាប្រឡាយដែលអាចរំដោះទឹកជំនន់នៅរដូវវស្សាដែលហូរចាក់ពីខណ្ឌឫស្សីកែវនិងខណ្ឌ
ពោធិសែនជយ័ ដែលចាំបាច់ត្រូវសិក្សាឲ្យបានច្បាស់មានន័យថា ត្រូវស្ដារវាឲ្យបានជ្រៅទើបអាចធានា
ក្នុងការរំដោះទឹកបាន។
មន្ដ្រីផ្នែកធារាសាស្ដ្របញ្ជាក់បន្ថែមក្នុងគ្រានោះថាបើគិតលើមុខកាត់របស់ប្រឡាយប្រវែង២០ម៉ែត្រនឹង
ជម្រៅ០៥មែ់ត្រ នេះគឺវាអាចរំដោះទឹកបានដោយមិនមានការលិចលង់ទេ សម្រាប់អ្នករស់តំបន់នេះ
ប៉ុន្ដែការស្ដារប្រឡាយជាប្រចាំកុំឲ្យវាគោករាក់គឺជាបញ្ហាចាំបាច់បំផុត៕
ដោយ៖សស្អាត