ព្រះវិហារ៖ ទិវារវប្បធម៌រួមគ្នារវាងខេត្តព្រះវិហារ នៃព្រះរាជាណាចក្រកម្ពុជា និងខេត្ត ចំប៉ាសាក់ នៃសាធារណៈរដ្ឋប្រជាមានិតឡាវក្រោមអធិបតិភាពឯកឧត្តម អ៊ុំ ម៊ារ៉ា អភិបាលនៃគណៈអភិបាលខេត្តព្រះវិហារ និង ឯកឧត្តមបណ្ឌិត ប៊ូថង ឌីវីសៃ អភិបាលរងខេត្តចំប៉ាសាក់ បានធ្វើពិធីបើកទិវារវប្បធម៌រួមគ្នារវាងខេត្តព្រះវិហារ និង ខេត្តចំប៉ាសាក់។ពិធីនេះបានប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី ២៣ ខែ កុម្ភៈ ដល់ថ្ងៃទី ២៥ ខែកុម្ភៈ ឆ្នាំ ២០១៤ នៅទន្លេរមេគង្គលើ ឃុំ កំពង់ស្រឡៅ១ ស្រុកឆែប ទល់មុខស្រុកខូងខេត្តចំប៉ាសាក់ប្រទេសឡាវ ក្នុងរយៈពេល ៣ថ្ងៃនេះ មានរៀបចំពិធីតាំងពិពណ៌រួមគ្នា និងពិធីប្រកូតបាល់ទះ ប៉េតង់ ប្រដាល់ និង ប្រណាំងទូក ជាលក្ខណៈមិត្តភាពផងដែរ។
.jpg)
យោងតាម របាយការណ៍របស់ លោក អ៊ុង វុទ្ធី អភិបាលស្រុកឆែប បានឱ្យដឹងថា ពីធីវប្បធម៌រួមគ្នារវាងប្រទេសទាំងពីរ បានប្រព្រឹត្តទៅចំនួន៤លើក កន្លងរួចមកហើយ លើកទី១ បានប្រារព្ធធ្វើឡើងកាលពីឆ្នាំ២០១១ បានតាំងពិពណ៌នៅលើកោះស្មៅទឹកដីស្រុកខូង ខេត្តចំប៉ាសាក់ប្រទេសឡាវ ដោយបានផ្លាស់ប្តូរគ្នា ធ្វើជាម្ចាស់ផ្ទះ លើកទី៤នេះ បានប្រព្រឹត្តទៅក្នុងទឹកដីឃុំ កំពង់ស្រឡៅ១ ស្រុកឆែប ។
.jpg)
លោក ប៊ូថង ឌីវីសៃ អភិបាលរងខេត្តចំប៉ាសាក់ នៃសាធារណៈរដ្ឋប្រជាមានិតឡាវ មានប្រសាសន៍ថា ជំនួសមុខឱ្យប្រជាជនឡាវ ទាំងទាំងមូល សួមថ្លែងអំណរគុណយ៉ាងជ្រាលជ្រៅ បំផុត ចំពោះសម្តេចអគ្គមហាសេនាបតីតេជោហ៊ុន សែន ដែលបានទំនាក់ទំនងល្អ ធ្វើឱ្យប្រទេសជិតខាងយើងទាំងពីរ ក្លាយជាបងប្អូន មានកិច្ចសហប្រតិបត្តការលើគ្រប់វិស័យ ។
លោក អ៊ុំ ម៊ារ៉ា អភិបាលខេត្តព្រះវិហារ ថ្លែងឱ្យដឹងថា ការបើកទិវារវប្បធម៌រួមគ្នា រវាងខេត្តទាំងពីរ បានប្រព្រឹត្តទៅជារៀងរាល់ឆ្នាំ នៅពេលខាងមុខរដ្ឋាភិបាលទាំងពីរ បានឯកភាពគ្នាលើគោលការណ៍បើកច្រកអន្តរជាតិមួយទៀត នៅក្នុងស្រុកឆែប ឃុំកំពង់ស្រឡៅ១ ជាមួយស្រុកខូង ដើម្បីងាយស្រួលរវាងប្រជាជនយើងទាំងពីរ ក្នុងការផ្លាស់ប្តូរផលិតផល រវាងគ្នា នឹងគ្នា ។
លោកអភិបាលខេត្តបានបន្តថាដើម្បីរឹតចំណងសាមគ្គីភាពរវាងបងប្អូននៃប្រទេសយើងទាំងពីរ គឺចំណង មិត្តភាព និងកិច្ចសហប្រតិបត្តិការណ៍រួមគ្នាលើគ្រប់វិស័យដែលបង្កើតឱ្យមានភាពស្និតស្នាលភាពយោគយល់គ្នាមិត្តភាព និងសាមគ្គីភាពរវាងប្រទេសភូមិផងរបងជាមួយគ្នា ដែលមានទំនាក់ទំនងជាមួយគ្នាតាំងពីយូរយារណាស់មកហើយនិយាយជារួមរវាង ប្រទេសទាំងពីរកម្ពុជា-ឡាវ៕ ដោយៈភីនរ៉ា