ភ្នំពេញ៖ ប្រធានគណបក្សរាជានិយម ហ៊្វុនស៊ិនប៉ិច សម្តេច រាជបុត្រី ព្រះអនុជន រោត្តម អរុណរស្មី
បានសម្តែងនូវសុទិដ្ឋិនិយមថាគណបក្សហ៊្វុនស៊ិនប៉ិចដែលដឹកនាំដោយព្រះអង្គអាចនឹងទទួលបានអាស
នៈរហូតដល់ចំនួន១២ឡើងវិញ នៅក្នុងការបោះឆ្នោតជ្រើសរើសតំណាងរាស្រ្តនៅក្នុងអាណត្តិទី៥នេះ
មានន័យថានៅក្នុងខេត្តអទិភាពមួយដែលគណបក្សបានដាក់បេក្ខភាពនឹងទទួលអាសនៈចំនួនមួយ ។
មានសុវនីយ៍ប្រាប់ក្រុមអ្នកសារព័ត៌មានយ៉ាងដូច្នេះបន្ទាប់ពីព្រះអង្គបានយាងចុះជួបសំណេះសំណាល
ជាមួយសមាជិក-សមាជិកាប្រមាណជា៦៥០នាក់ នៅរាជធានីភ្នំពេញក្នុងទឹកដីខណ្ឌឫស្សីកែវនាព្រឹក
ថ្ងៃទី១០ខែឧសភាឆ្នាំ២០១៣នេះ។
ព្រះអង្គមានសុវនីយ៍បន្តទៀតថាខ្ញុំមិនស្រមើស្រម៉ៃខ្ពស់ពេកទេតែខ្ញុំខិតខំប្រឹងធ្វើកិច្ចការជាមុនសិនដើម្បី
ប្រមែប្រមូលអ្នកគាំទ្រក៏ដូចជាប្រមែប្រមូលសំឡេងតាមលទ្ធភាពដែលអាចធ្វើទៅបាន។ដោយឡែកការ
ដាក់បេក្ខភាពយើងមិនបានបញ្ចូលគ្រប់ខេត្តទាំង២៤នោះទេគឺជ្រើសរើសយកខេត្តអទិភាពចំនួន១២ខេត្ត
តែប៉ុណ្ណោះដោយសារតែយើងនូវមានការខ្វះខាត។
ព្រះអង្គមានសុវនីយ៍បន្ថែមថា បើមួយខេត្តយើងបានមួយអាសនៈវាជាការពេញចិត្តហើយសម្រាប់ក្តីសង្ឃឹម
របស់យើងដើម្បីបន្តអាណត្តិរបស់ខ្លួននៅក្នុងរដ្ឋសភាក៏ដូចជាការបន្តបំរើជាតិរួបរួមគ្នាដើម្បីកសាងប្រទេស
ជាតិយើងឲ្យមានការរីកចំរើនបន្ថែមទៀត។
ជាមួយគ្នានោះដែរ ព្រះអង្គបានបញ្ជាក់ទៅកាន់សមាជិក-សមាជិកាថាបើគាំទ្រស្ត្រីឲ្យចូលរួមក្នុងការដឹក
នាំប្រទេសគឺត្រូវលើកទឹកចិត្តស្រ្តីឲ្យបានច្រើនចូលប្រឡូកក្នុងវិស័យនយោបាយ។ ជាពិសេសគណបក្ស
រាជានិយមហ៊្វុនស៊ិនប៉ិច ដែលជាស្នាព្រះហស្ថរបស់ព្រះមហាវីរៈក្សត្រព្រះបាទសម្តេច ព្រះនរោត្តមសីហនុ
ដែលបច្ចុប្បន្ន មានស្រ្តីជាប្រធានឲ្យ បានដឹកនាំប្រទេសឲ្យមានការរីកចំរើនរុងរឿងគ្រប់វិស័យដូចជំនាន់
សង្គមរាស្រ្តនិយម។ មិនតែប៉ុណ្ណោះនៅពេលដែលគណបក្សរាជានិយមហ៊្វុនស៊ិនប៉ិចមានសម្លេងនៅក្នុង
រដ្ឋសភានឹងបន្តចូលរួមសហការជាមួយគណបក្សឈ្នះឆ្នោត ឬ កាន់អំណាចដើម្បីកសាងប្រទេសជាតិ
ឲ្យមានការរីកចំរើនរុងរឿងជានិរន្តរ៍៕
ដោយ៖សស្អាត