ភ្នំពេញ៖ ប្រធានគណបក្សហ៊្វុនស៊ិនប៉ិច សម្តេច រាជបុត្រី ព្រះអនុជ នរោត្តម  អរុណ  រស្មីបានចាត់ទុក
យុវជនជាសសរទ្រូង  ដ៏រឹងមាំរបស់ប្រទេសជាតិ   និងជាកម្លាំងចលករដ៏សំខាន់បំផុតនៅក្នុងវិស័យ ​នយោ
បាយមិនថាប្រទេសកំពុងអភិវឌ្ឍន៍ ឬ ប្រទេសអភិវឌ្ឍន៍ក៏ដោយគឺពិតជាត្រូវការចាំបាច់ណាស់ការចូលរួម
ពីស្រទាប់យុវជនដើ្បម្បីស្នង ឬបន្តដំណែងពីមនុស្សចាស់ជំនាន់មុន។

សម្តេចរាជបុត្រីព្រះអនុជនរោត្តមអរុណរស្មីមានសុវណ្ណនីយ៍ដូច្នេះខណៈព្រះអង្គបានអនុញ្ញាតឲ្យក្រុមយុវ
ជនគណបក្សហ៊្វុនស៊ិនប៉ិចមកពីបណ្តារសាកលវិទ្យាល័យមហាវិទ្យាល័យ​មួយចំនួននៅ​ក្នុង​រាជ​ធានី ភ្នំពេ
ញចូលបង្គំគាល់   និងបានសំណេះសំណាលពិភាក្សាការងារកាលពីរសៀលថ្ងៃពុធ   ទី៨   ខែឧសភា  ឆ្នាំ
២០១៣  ម្សិលមិញនេះនៅ​ដំណាក់របស់ព្រះអង្គខាងកើតវិមានឯករាជ្យ  ។

មានសុវណ្ណនីយ៍ក្នុងឱកាសនោះសម្តេចរាជបុត្រីបានលើកឡើងពីបន្ទុកការងារដែលព្រះអង្គបាន​ទទួលជា
ប្រធានគណបក្សហ៊្វុនស៊ិនប៉ិច  តាមស្នើសុំរបស់សមាជិក  សមាជិកា  និងថ្នាក់ដឹកនាំ  ឱ្យបន្តថែរក្សាគណ
បក្សដែលជាកេរតំណែលនិងជាស្នារព្រះហស្ថរបស់ សម្តេចឪ ព្រះមហាវិរក្សត្រ ព្រះបាទ នរោត្តម សីហនុ
បន្សល់ទុកឱ្យកូនខ្មែរជំនាន់នាំគ្នាបន្តជួយថែរក្សាឱ្យបានគង់វង់យូរអង្វែង។

សម្តេចរាជបុត្រីព្រះអនុជរំពឹងថាគណបក្សហ៊្វុនស៊ិនប៉ិច  ដែលកើតឡើងជាថ្មីក្រោមការរួមច្របាច់បញ្ចូល
គ្នារវាងគណបក្សរាជានិយម២  គឺគណបក្សជាតិនិយម   ដែលចេញពីគណបក្សនរោត្តមរណឫទ្ធិ  និងគណ
បក្សហ៊្វុនស៊ិនប៉ិចនេះ  នឹងទទួលបានការគាំទ្រយ៉ាងច្រើនលើសលុប   នៅក្នុងការបោះ​ឆ្នោត​ជ្រើសរើសតំ
ណាងរាស្រ្តអាណត្តិថ្មីដែល  នឹងប្រព្រឹត្តិទៅនៅប៉ុន្មានខែខាងមុខនេះ ពីបងប្អូនប្រជាពលរដ្ឋដែល  លោក
ស្រលាញ់របបរាជានិយម ។   ព្រមទាំងមានបេក្ខភាពនិងប្រធានបក្សជានារីទៀតនោះគឺពិតជាមានការគាំ
ទ្រច្រើនពីនារីដូចគ្នាព្រោះមានតែនារីទេដែលស្គាល់សុខទុក្ខនារីដូចគ្នា ។   ​ ម៉្យាង​ទៀត​ព្រះអង្គចង់ថែរក្សា
ស្នាដៃឪពុកនិងជាព្រះបិតាជាតិឱ្យគង់នៅបានយូរអង្វែង។

         សម្តេចប្រធានគណបក្សបញ្ជាក់ថាវត្ថុបំណងសំខាន់នៃការជួបជុំគ្នាថ្ងៃនេះគឺចង់ស្គាល់មុខស្គាល់ចិត្ត
ស្គាល់ថ្លើមគ្នាជាមួយយុវជនជំនាន់ថ្មីរបស់ហ៊្វុនស៊ិនប៉ិចដែលមានសេចក្តីក្លាហានចូលរួមក្នុងវិស័យ​នយោ
បាយនិងហ៊ានប្រឈមមុខសម្រេចកិច្ចការលើជោគវាសនាខ្លួនឯងនិងប្រទេសជាតិ។

ទោះជាយ៉ាងនេះក្តីសម្តេចព្រះអនុជបានអំពាវនាវដល់យុវជនទាំងអស់ដែលបានសម្រេចចិត្តប្រឡូកក្នុង
វិស័យនយោបាយគឺមិនត្រូវបោះបង់ចោលការសិក្សាជាដាច់ខាតពោលគឺរៀនបណ្តើរចូលរួមក្នុងវិស័យន
យោបាយបណ្តើរ ។             ព្រោះថាកាសិក្សាពិតជាសំខាន់ណាស់សម្រាប់អ្នកនយោបាយមិនថា​ចាស់ឬ
ក្មេងនោះទេគឺត្រូវខិតខំរៀនសូត្រឱ្យបានខ្ពង់ខ្ពស់សិក្សាស្រាវជ្រាវអំពីច្បាប់ទំលាប់ទាំងក្នុងប្រទេសតំបន់
និងពិភពលោកដើម្បីឱ្យជីវិតនយោបាយរបស់យើងមានកម្រិតកាន់តែប្រសើរនិងកាន់តែមានប្រសិទ្ធិភាព
ក្នុងកិច្ច​ការងារដែលត្រូវធ្វើនៅចំពោះមុខនិងទៅថ្ងៃអនាគត។

សូមបញ្ជាក់ថា សម្តេចរាជបុត្រី ព្រះអនុជន រោត្តម  អរុណ  រស្មី   ត្រូវបានជ្រើសតាំងជាប្រធានគណបក្ស
និងបានធ្វើសមាជជាផ្លូវការកាលពី ថ្ងៃទី២៣  ខែមីនា    ឆ្នាំ២០១៣  កន្លងទៅថ្មីៗនេះខណៈដែលប្រទេស
​កម្ពុជា កំពុងត្រៀមរៀបចំការបោះឆ្នោតជ្រើសរើសតំណាងរាស្រ្ត   ដែលនឹងប្រព្រឹត្តទៅនៅ   ថ្ងៃទី២៨  ខែ
កក្កដា  ឆ្នាំ២០១៣  ខាងមុខនេះ។    ដូច្នេះមានប្រជាពលរដ្ឋកម្ពុជាមិនជាច្រើនប៉ុន្មានទេដែលលោកបាន
​ស្គាល់មុខព្រះអង្គច្បាស់លាស់នោះ បើទោះជាអាណត្តិមុន  ព្រះអង្គឈរជាបេក្ខភាព នាយករដ្ឋមន្រ្តី នៃ
​គណបក្សហ៊្វុនស៊ិនប៉ិចក៏ដោយ ៕

សស្អាត