ភ្នំពេញ ៖ នគរបាលការិយាល័យប្រឆាំងបទល្មើសសេដ្ឋកិច្ចរាជធានីភ្នំពេញនៅរសៀលថ្ងៃទី២៦ ខែមេសា
ឆ្នាំ២០១៣នេះ បានចុះទៅបង្ក្រាបទីតាំងផលិតទឹកថ្នាំម៉ាស៊ីនព្រីនធើ ម៉ាក HP ក្លែងក្លាយ នៅតាមបណ្ដោយផ្លូវ
សហព័ន្ធរុស្ស៊ីកែងផ្លូវលេខ២៣៣ ក្នុងសង្កាត់ផ្សារដេប៉ូទី៣ខណ្ឌទួលគោកខាងកើតស្ដុបទួលគោកប្រមាណជា
ជាង២០០ម៉ែត្រ ។
ប្រតិបត្ដិការចុះបង្ក្រាបករណីខាងលើនេះដឹកនាំដោយព្រះរាជអាជ្ញារងលោក កឺ ប៊ុណ្ណារ៉ា និងលោក ពិត បញ្ញា
ប្រធានការិយាល័យប្រឆាំងបទល្មើសសេដ្ឋកិច្ចដោយមានការបញ្ជាផ្ទាល់ពីលោកជួន សុវណ្ណ ស្នងការនិងស្នង
ការរង បែន រ័ត្ន ។
បើតាមមន្ដ្រីនគរបាលប្រឆាំងបទល្មើសសេដ្ឋកិច្ចខាងលើបានបង្ហើបឱ្យដឹងថាក្រោយពីមានពាក្យបណ្ដឹង
ពីក្រុមហ៊ុនផលិតទឹកថ្នាំ HP ស្របច្បាប់មកកម្លាំងនគរបាលប្រឆាំងបទល្មើសសេដ្ឋកិច្ចបានធ្វើការស្រាវជ្រាវរុក
រកក៏ឃើញមានករណីខាងលើ ហើយឈានទៅដល់ការចុះបង្ក្រាបទីតាំងនេះតែម្ដង។
យ៉ាងណាក៏ដោយចំនួនទឹកថ្នាំដែលត្រូវកម្លាំងសមត្ថកិច្ចកំពុងចុះបង្ក្រាបខាងលើនេះមិនទាន់បានបញ្ជាក់ពីចំនួន
ពិតប្រាកដនៅឡើយទេខណៈកម្លាំងសមត្ថកិច្ចកំពុងធ្វើការរុករកបន្តនៅឡើយ៕
ដោយ៖សស្អាត