ភ្នំពេញៈ ក្រសួងអប់រំ និងអង្គការក្រៅរដ្ឋាភិបាលប្រកាសឲ្យយុវជនចេះប្រើប្រាស់ និងស្វែងយល់ព័ត៌ មានអប់រំសុខភាពផ្លូវភេទតាមរយៈសាអេឡិចត្រូនិក ដើម្បីរួមគ្នាទប់ស្កាត់ការឆ្លងរាតត្បាតជម្ងឺផ្សេងៗ ពិសេសជម្ងឺអេសដ៏ជាដើម។ ថ្លែងក្នុងឱកាសបើកឲ្យប្រើប្រាស់គម្រោងរៀនពីការរស់នៅកម្ពុជានៅព្រឹកថ្ងៃទី២៨ ខែមីនា លោកស្រីអូហ្សូ អាដឺរ៉េមី នាយិការអង្គការOne world UK មានប្រសាសន៍ថា នេះជាគម្រោងមួយដ៏ល្អ ដើម្បីអភិវឌ្ឍចំណេះដឹងថ្មីៗសម្រាប់យុវវ័កម្ពុជា ក្នុងការទទួលនិងចែករំលែកព័ត៌មាន ពីសុខភាពបន្ត ពូជ សុខភាពផ្លូវភេទ វិបត្តស្នេហា រួមទាំងវិធីការង្កាមេរោគអេដស៏និងជំងឺអេដស៍តាមរយៈសារ អេចត្រូនិកជាអក្សរ សំលេង អ៊ីមែល និងគេហទំព័រ។
លោកស្រីបញ្ជាក់ថា ក្រុមយុវជននិងប្រជាពល រដ្ឋអាចចូលរួមកម្មវិធីនេះ តាមរយៈលេខទូរសព្ទ័១២៩៣ និងគេហទំព័រ www.smartyouthcambodia.org ដើម្បីស្វែងរកព័ត៌មាន សាក់សួរព័ត៌មានប្រឹក្សាយោបល់ ដោយរក្សាការសំងាត់ ហើយការចូលរួមក្នុង កម្មវិធីនេះមិនអស់កម្រៃសេវាឡើយ។ លោកស្រីបន្ថែមថា វាជាមធ្យោបាយមួយដើម្បីផ្តល់លទ្ធភាព ឲ្យទូលំទូលាយដល់យុវជន ឲ្យសិក្សាស្វែងយល់ពីក្បួនអប់រំទាក់ទងទៅនឹងការប្រព្រឹត្តផ្លូវភេទដោយ សុវត្ថិភាព ខណៈដែលតាមការសិក្សាបានបង្ហាញថាយុវជនស្ថិតនៅក្នុងក្រុមប្រឈមមុខដោយគ្រោះ ថ្នាក់នៃការរាតត្បាតដោយ ជម្ងឺកាមរោគ ជំងឺអេដស៏ពីព្រោះតែយុវជនខ្វះព័ត៌មានអប់រំ។ លោកជំទាវ គឹម សេដ្ឋានី រដ្ឋលេខាធិការក្រសួងអប់រំយុវជន និងកីឡាមានប្រសាសន៍ថា កម្មវិធីនេះ នឹងបានតបយ៉ាងមានប្រសិទ្ធិភាព ក្នុងការដោះស្រាយបញ្ហាប្រឈមមុខសម្រាប់យុវវ័យដែល ចាប់ផ្តើមចូលប្រឡូកក្នុងរឿងផ្លូវភេទ ហើយត្រូវការស្វែងយល់អំពីការបង្ការជំងឺឆ្លង និងការមានផ្ទៃ ពោះដោយចៃដន្យ។
ក្រៅពីនេះលោកជំទាវបញ្ជាក់ថា វានឹងទាក់ទាញឲ្យយុវវ័យប្រកាន់ឥរិយាបទ ជាវិជ្ជមាន មានការទទួលខុសត្រូវខ្ពស់ មានទំនួលចិត្តលើខ្លួនឯងក្នុងការស្វែងរកសេវាសម ស្របទាក់ទងនឹងសុខភាពបន្តពូជនិងសុខភាពផ្លូវភេទត្រឹមត្រូវដើម្បីឈានរកការគ្រប់គ្រងជីវិតក្នុង ភាពត្រចះត្រចង់។ កម្ពុជាជាប្រទេសទី ៦ និងជាប្រទេសទី១ក្នុងតំបន់អាស៊ីដែលបានដាក់ឲ្យអនុវត្តកម្មវិធី ផ្តល់ព័ត៌មានអប់រំសុខភាពតាមរយៈប្រពន្ធ័បច្ចេកវិទ្យានេះតាមបទពិសោធន៍ពីប្រទេសនីហ្សេរិយា ហើយគម្រោងនេះបានអនុវត្តក្រោមកិច្ចសហការរួមគ្នារវាងអង្គការOne world ក្រសួងអប់រំយុវជន និងកីឡា ក្រសួងប្រៃយ៍សណីយ៍ និងទូរគមនាគម អង្គការរ៉ាកកម្ពុជា និងក្រុមហ៊ុនទូរសព្ទ័មូប៊ីថែល ក្រោមកញ្ចប់ថវិការបស់អង្គការOxfam៕ ដោយ៖ ភីនរ៉ា