ភ្នំពេញ៖ ក្រសួងសេដ្ឋកិច្ចនិងហិរញ្ញវត្ថុបានផ្សព្វផ្សាយសារាចរ០០៥ចុះថ្ងៃទី០៧ខែមីនាឆ្នាំ២០១៤ ដើ​ម្បី​ព​ន្លឿ​​​នដ​ល់កា​របើក​បៀ​វត្សប្រចាំខែ របស់មន្ត្រីរាជការស៊ីវិល នគរបាលជាតិ យោធិន នឹងប្រាក់​កម្រៃ​រប​ស់​​​មន្ត្រី​ជាប់កិច្ចសន្យា ឬបុគ្គ​លិ​ក​អណ្តែត ព្រមទាំងប្រាក់ឧបត្ថម្ភរបស់ក្រុមប្រឹ​​ក្សានៃ​រដ្ឋបា​លថ្នា​ក់​ក្រោ​ម​ជា​តិ តាមប្រសា​សន៍​ប្រ​មុ​ខរា​ជ​រ​ដ្ឋាភិបាលនាពេលកន្លងមក។ថ្លែងក្នុងពិធីផ្សព្វផ្សាយសារាចរណែនាំរបស់ក្រសួងសេដ្ឋកិច្ច និងហិរញ្ញវត្ថុ នៅព្រឹក​ថ្ងៃនេះ លោក ជូ គឹមឡេង រដ្ឋលេខាធិការក្រសួងសេដ្ឋកិច្ច បានមានប្រសាសន៍ថា ក្រសួងសេដ្ឋកិច្ច និង​ហិរញ្ញវត្ថុ ក្នុងនាមជាសេនាធិការរបស់រាជរដ្ឋាភិបាល បានរៀបចំនូវ​សារាចរណែ​នាំលេ​ខ​០០៥គឺដើម្បីគាំទ្រនិងបំពេញ​បន្ថែម​ដល់ការអនុវត្តសារាចររបស់រដ្ឋាភិបាលចំនួន២ គឺលេខ​០១​ស្តី​ពីការកំណត់នីតិវិធីសម្រាប់ការ​បើកផ្តល់បៀវត្សជូន​មន្ត្រីរាជការស៊ីវិល និងលេខ២ ស្តីពី​ការកំណត់នីតិវិធីសម្រាប់ការបើកផ្តល់បៀវត្សជូននគរបាលជាតិ និងយោធិន។ លោក បន្ត​ថា ពិធីផ្សព្វផ្សាយនេះមានសារៈសំខាន់ណាស់ ក្នុងការពង្រឹងសមត្ថភាព និងការយល់ដឹងរ​បស់មន្ត្រីពាក់​ព័ន្ធរបស់ក្រសួង ស្ថាប័ន មន្ទីរជំនាញ អាជ្ញាធរ និងអង្គភាព ពាក់ព័ន្ធដែលទទួ​លបន្ទុកកិច្ចការបើកប្រាក់បៀវត្ស ដើម្បី​ធានាឱ្យបានថា ការអនុវត្តការបើ​កផ្តល់ប្រាក់បៀវត្សនិ​ងអាចប្រព្រឹត្តទៅដោយរលួន ឆាប់រហ័ស ទាន់ពេ​លវេលា និង​មានប្រសិ​ទ្ធ​ភាពខ្ពស់ទៅ​តាម​កាល​កំណត់បើកប្រាក់បៀវត្សដល់ដៃនៅសប្តាហ៍ទី៤ នៃខែនីមួយៗ។ពាក់ព័ន្ធ​បញ្ហា​ប្រាក់​ខែនេះដែរ ប្រមុខរដ្ឋាភិបាលធ្លាប់លើកជាសាធារ​ណៈពីរលើកមកហើយដែ​រ​។កាលពីថ្ងៃទី១៧ខែ​កុម្ភៈឆ្នាំ​២០១៤ ថ្លែងចេញពីវិទ្យាស្ថានជាតិអប់រំ ក្នុងពិធីប្រគល់សញ្ញ្ញា​ប​ត្រ​ដល់សិស្សមន្ត្រីជាន់ខ្ពស់របស់​សាលាភូមិន្ទ​រដ្ឋ​បាល សម្តេចតេជោ ​បានប្រកាសថា ប្រាក់ខែ​ម​ន្ត្រី​​រាជការ ត្រូវបើករៀងរាល់ដាច់ខែ គឺមួយខែយ៉ាងយូរបំផុតត្រឹម​៣១ថ្ងៃ មិនមែន​១ខែ​៦០ថ្ងៃ​នោះទេ។ពិតមែនតែប្រាក់ខែមន្ត្រីរាជការវាតិច ប៉ុន្តែប្រសិនជាបើកទាន់ពេលវេលា ពោល​គឺ​ដា​ច់ខែបើកឱ្យគឺជាការល្អ។ សម្តេចតេជោ ក៏បានលើកទឹកចិត្តដល់មន្ត្រីរាជការតាមក្រសួង ស្ថាប័ននានាថា បើ​ឃើញថា ប្រាក់ខែយឺតមកពីអី គឺប្រកាសតាមកាសែតតែម្តងដើម្បីឱ្យ​សាធារណជនបានដឹង។សម្តេច បានកំណត់ឱ្យ​​​រដ្ឋ​មន្ត្រី​របស់ ក្រសួង ស្ថាប័ន ជាអ្នកទទួលខុសត្រូវក្នុងការ​បើ​កប្រាក់ខែជូនមន្ត្រីរាជការ​របស់ខ្លួនបានទាន់ក្នុងខែ។ និង ក្នុងពិធីមួយទៀតនៅរសៀលនៅថ្ងៃទី ២០ ខែកុម្ភៈ ឆ្នាំ ២០១៤ នៅក្នុងពិធីបិទសន្និបាត​បូកសរុបលទ្ធល​​​ផល​ការ​ងារ​ឆ្នាំ២០១៣ និងទិសដៅការងារសម្រាប់ឆ្នាំ ២០១៤ របស់ក្រសួង​មហា​ផ្ទៃ សម្តេចតេជោ បានថ្លែងបញ្ជាក់​​​​​​​​​​​ថា ប្រាក់​ខែគឺត្រូវតែបើកឲ្យបានទាន់នៅពេលដាច់ខែ​។ ពាក្យ​ថាបើកបាននៅដាច់ខែនេះ មិនមែនបើកចេញពីរតនាគារ នោះ​ទេគឺបើកជាសាច់ប្រាក់​ដល់ដៃតែម្តង ដោយមិនអាចពន្យាពេលដល់ ៤០ ថ្ងៃឡើយ ហើយបើការរៀបចំឯកសារ ឬ​អាណត្តិបើកប្រាក់មិនទាន់ពេលគឺត្រូវអនុវត្តន៍នូវយន្តការបុរេប្រទាន ដើម្បីធានាឲ្យខាង​តែបានជាដាច់ខាត​ថាប្រាក់​ខែគឺបើកបានទាន់ពេលដាច់ខែ ទោះបីតាមប្រព័ន្ធធនាគារ ឬការបើកជា​សាច់ប្រាក់ផ្ទាល់ក្តី៕

ដោយ៖ រតនា