ប្រទេសអូស្រ្តាលី៖ កាលពីពេលថ្មីៗនេះ ការធ្លាក់យន្តហោះធន់តូចមួយគ្រឿងនៅព្រលានយន្តហោះ Caboolture
airfield នៃតំបន់ Queensland ដែលស្ថិតនៅភាគខាងកើតនៃប្រទេសអូស្រ្តាលីបានឆក់យកជីវិតមនុស្សចំនួន ៥
នាក់។ មន្រ្តីប៉ូលីសបានមានប្រសសន៍ថា យន្តហោះ Cessna 206 មួយគ្រឿងខាងលើនេះគឺបានធ្លាក់ បន្ទាប់ពីធ្វើ
ការហោះហើរបានមួយភ្លេត។ មន្រ្តីប៉ូលីសបញ្ជាក់ថា អ្នកស្លាប់ទាំង ៥នាក់ខាងលើនេះគឺរួមមានអ្នកបើកយន្តហោះ
ម្នាក់ គ្រូបង្រៀនលោតឆ័ត្រយោង ២នាក់ និងអ្នករៀនលោតឆ័ត្រយោង ២នាក់។ អ្នកនាំពាក្យបានមានប្រសាសន៍
ទៅកាន់ភ្នាក់ងារសារព័ត៌មាន AFP ថា យន្តហោះមួយគ្រឿងខាងលើនេះគឺត្រួវបានប្រតិបត្តិការដោយ Adrenalin
Skydivers Bribie ដែលជារឿយៗគេហៅថា ក្រុម Skydive Bribie Island។ សូមបញ្ជាក់ផងដែរថា ព្រលានយន្ត
ហោះ Caboolture airfield គឺស្ថិតនៅចំងាយប្រហែលជា ៥០គីឡូម៉ែត្រភាគខាងជើងនៃទីក្រុង Brisbane៕ រហូតមកទល់ពេលនេះគឺគ្មានប្រភពព័ត៌មានមួយណាបានដឹងអំពីមូលហេតុនៃការធ្លាក់យន្តហោះមួយគ្រឿងខាង
នេះនៅឡើយទេ៕ ដោយ៖ តុលា
