ប្រទេសអាហ្កានីស្ថាន៖ កាលពីពេលថ្មីៗនេះ ការវាយប្រហារដ៏សាហាវមួយនៅក្នុងស្ថានីយ៍ប៉ូលីសមួយកន្លែងស្ថិត
នៅភាគពាយ័ព្យនៃប្រទេសអាហ្កានីស្ថានបានឆក់យកជីវិតមនុស្សយ៉ាងហោចណាស់ ៤នាក់។ មន្រ្តីប៉ូលីសនៅក្នុង
ទីក្រុង Jalalabad បានមានប្រសាសន៍ថា បញ្ហាវាយប្រហារខាងលើនេះគឺជាស្នាដៃរបស់ពួកឧទាមមួយក្រុម។
មន្រ្តីប៉ូលីសបានអះអាងទៀតថា ពួកឧទាមមួយក្រុមខាងលើនេះគឺបានបំផ្ទុះគ្រាប់បែកនៅក្នុងឡានមួយគ្រឿ
ងក្នុងស្ថានីយ៍ប៉ូលីសកើតហេតុខាងលើ។ អ្នកនាំពាក្យរបស់អភិបាលកិច្ចខេត្ត Nangarhar បានបញ្ជាក់ថា ការ
បាញ់ប្រហារខាងលើនេះគឺបានអូសបន្លាយរហូតដល់រយះពេល ៤ម៉ោង។ លោក Sediq Sediqqi ដែលជាអ្នក
នាំពាក្យរបស់ក្រសួងមហាផ្ទៃបានមានប្រសាសន៍បន្ថែមទៀតថា ពួកឧទាមចំនួន ៥នាក់គឺត្រួវបានមន្រ្តីប៉ូលីស
បាញ់សំលាប់និងពួកឧទាមជាច្រើននាក់ទៀតគឺកំពុងតែលាក់ខ្លួននៅក្នុងស្ថានីយ៍ប៉ូលីស។ គួររំលឹកផងដែរថា
កាលពីថ្ងៃអង្គារកន្លងមក ការវាយប្រហារនៅភាគខាងជើងនៃប្រទេសអាហ្កានីស្ថានបានឆក់យកជីវិតជនស៊ីវិល
ចំនួន ១៧នាក់ ដែលនៅក្នុងនោះរួមមានស្រ្តីនិងកូនក្មេងផងដែរនិងបានបណ្តាលអោយមនុស្សប្រហែលជា
៦០នាក់ផ្សេងទៀតបានទទួលរងរបួសជាទំងន់៕ ដោយ៖ តុលា
