ភ្នំពេញ៖ មជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា ហៅកាត់ថា សេដាក គ្រោងនឹងបង្កើន សមត្ថភាពផលិត បន្លែសរីរាង្គឱ្យបានទ្វេដងសម្រាប់ឆ្នាំ២០១៤ ដែលឆ្នាំ២០១៣កន្លងទៅបាន៣០តោន។លោក ហ៊ឹម ខទៀត មន្ត្រីស ម្របសម្រួលអង្គការសេដាក បានឱ្យដឹងថា ឆ្នាំ២០១៣កន្លងទៅសេដាកដាំបន្លែសរីរាង្គផ្គត់ផ្គង់ទីផ្សារបាន៣០តោន ស្មើនឹង២ភាគរយ នៃបន្លែលើទីផ្សារក្នុងរាជធានីភ្នំពេញ។
.jpg)
ដើម្បីបំពេញតម្រូវការទីផ្សារបន្លែសរីរាង្គឱ្យកាន់តែច្រើននោះ អង្គការរបស់លោក គ្រោងនឹងបង្កើន សមត្ថភាពឱ្យ ៦០តោន សម្រាប់ឆ្នាំ២០១៤។សេដាកបានចងក្រងក្រុមអ្នកដាំបន្លែសរីរាង្គចំនួន៤ខេត្តដែលមានចំនួន១១២គ្រួសារ ក្នុងខេត្តកំពង់ឆ្នាំង កំពត កំពង់ស្ពឺនិងតាកែវ។ដោយឡែកក្រុមកសិករ ខេត្ត២២ខេត្ត ផ្សេងទៀតដែល គាំទ្រផលិត ដោយសេដាក ដែរនោះ ផលិតសម្រាប់តែផ្គត់ផ្គង់គ្រួសារ និងលក់តាមមូលដ្ឋានតែប៉ុណ្ណោះ មិនបាននាំចូលទីផ្សារសេដាកទៀងទាត់ទេ។
សម្រាប់ការផលិតឆ្នាំ២០១៤នេះ សេដាកនឹងបង្កើនអោយគ្រប់គោលដៅ ដោយមិនកំណត់ ខេត្ត ដោយគ្រាន់តែ តម្រូវឱ្យកសិករបំពេញលក្ខខណ្ឌមួយចំនួននៃការផលិតបន្លែសរីរាង្គតែប៉ុណ្ណោះ ។បើតាមការឱ្យដឹងពី លោក កែត ស៊ីវិនី ប្រធានផ្សារដើមគរ បន្លែដែលផ្គត់ផ្គង់ទីផ្សារខ្មែររាល់ថ្ងៃ មានដូច ជាផ្សារដើមគជាដើមនោះ នាំមកពីបណ្តា ប្រទេសមួយចំនួនក្នុងតំបន់ដូចជាប្រទេសចិន និងវៀតណាម។ ដោយឡែកបន្លែផ្សេងៗទៀតនាំចូលមកពីតាម បណ្តាខេត្តមួយចំនួនក្នុងប្រទេសកម្ពុជា និងតាមបណ្តាខណ្ឌក្នុងរាជធានីភ្នំពេញ៕ ដោយ៖ រតនា