ប្រទេសនីហ្ស៊េរីយ៉ា៖ ការបំផ្ទុះគ្រាប់បែកចំនួន ២គ្រាប់កាលពីថ្ងៃសៅរ៍ម្សិលមិញនៅក្នុងចំណុចផ្សារមួយកន្លែងក្នុងទីក្រុង Maiduguri ស្ថិតនៅភាគឦសាននៃប្រទេសនីហ្ស៊េរីយ៉ាបានឆក់យកជីវិតមនុស្សចំនួន ១០នាក់និងបានបណ្តាលអោយ
មនុស្សជាច្រើននាក់ទៀតមានការភ័យខ្លាចយ៉ាងខ្លាំង។ សូមបញ្ចាក់ថា ទីក្រុង Maiduguri គឺជាតំបន់ទីបញ្ជាការដ្ឋាន កងទ័ពដ៏ធំមួយសំរាប់ប្រឆាំងនឹងក្រុមអ៊ីស្លាមនិយម Boko Haram ដែលតែងតែធ្វើការវាយប្រហារជារឿយនៅក្នុងតំបន់
មួយចំនួននៃទីក្រុង Maiduguri។ មន្រ្តីប៉ូលីសបានមានប្រសាសន៍ថា ពួកយើងគឺមិនទាន់បានដឹងនៅឡើយទេថា នរណា នៅពីក្រោយរឿងខាងលើនេះ។ សាក្សីម្នាក់បានបញ្ជាក់ថា ការវាយប្រហារខាងលើនេះគឺបានផ្ទុះឡើងនៅក្នុងឡានមួយ
គ្រឿងក្បែរព្រលានយន្តហោះប្រទេសនីហ្ស៊េរីយ៉ា។ សាក្សីដដែលបានមានប្រសាសន៍បន្តទៀតថា ការបំផ្ទុះគ្រាប់បែកលើក
ទី ២គឺបានផ្ទុះឡើង នៅពេលដែលអ្នជិតខាងនាំគ្នាទៅជួយជនរងគ្រោះនៅក្នុងការបំផ្ទុះគ្រាប់បែកលើកទី១៕ ដោយ៖ តុលា
