ប្រទេសឥណ្ឌា៖ កាលពីថ្ងៃសុក្រម្សិលមិញ មន្រ្តីប៉ូលីសឥណ្ឌាចំនួន ៧នាក់គឺត្រួវបានពួកឧទាមប្រកាន់សាសនាម៉ៅ
និយមមួយក្រុមបាញ់សំលាប់នៅក្នុង Chhattisgarh ស្របពេលដែលមន្រ្តីប៉ូលីសទាំងអស់នោះគឺកំពុងតែធ្វើដំណើរ
ទៅការពារកម្មករដែលកំពុងសាងសង់ផ្លួវនៅក្នុងស្រុក Dantewada។ លោក Mukesh Gupta មន្រ្តីប៉ូលីសជាន់
ខ្ពស់ប្រចាំរដ្ឋ Chhattisgarh បានមានប្រសាសន៍ប្រាប់ភ្នាក់ងារសារព័ត៌មាន BBCថា មន្រ្តីប៉ូលីសចំនួន ២នាក់ផ្សេង
ទៀតគឺបានទទួលរងរបួសជាទំងន់។ សូមបញ្ជាក់ថា រដ្ឋ Chhattisgarh គឺជាតំបន់ការពារមួយរបស់ពួកឧទាមប្រ
កាន់សាសនាម៉ៅនិយមដែលតែងតែធ្វើប្រឆាំងនឹងកងយោធារបស់រដ្ឋាភិបាលជារឿយៗ ក្នុងគោលបំណងទាមទារ
សិទ្ធឲប្រជាជនក្រីក្រ។ មន្រ្តីប៉ូលីសបានបញ្ជាក់ថា ពួកឧទាមខាងលើនេះគឺបានគ្រប់គ្រងប្រហែលជា១ភាគ ៣នៃ
ស្រុកទាំង៦០០ ជាពិសេសគឺតំបន់ដែលស្ថិតនៅភាគឦសាននិងតំបន់កណ្តាលនៃប្រទេសឥណ្ឌា។ លោកនាយក
រដ្ឋមន្រ្តី Manmohan Singh បានមានប្រសាសន៍ថា ពួកឧទាមខាងលើនេះគឺបានចាប់ផ្តើមកកើតឡើងនៅក្នុងរដ្ឋ
West Bengal តាំងតែពីចុងឆ្នាំ ១៩៦០ មកម្លេះ៕ ដោយ៖ តុលា
