ប្រទេសសូម៉ាលី៖ ការបំផ្ទុះគ្រាប់បែកក្នុងឡានមួយគ្រឿងនៅក្នុងទីក្រុង Mogadishu កាលពីថ្ងៃព្រហស្បត្តិ៍
ម្សិលមិញបានឆក់យកជីវិតមនុស្សយ៉ាងហោចណាស់ ១២នាក់និងបានបណ្តាលអោយមនុស្សចំនួន ៨
នាក់ផ្សេងទៀតទទួលរងរបួសជាទំងន់។ មន្រ្តីប៉ូលីសបានអះអាងថា ហេតុការណ៍បំផ្ទុះគ្រាប់បែកខាងលើ
នេះគឺបានផ្ទុះឡើងនៅក្បែរនៅទីបញ្ជាការដ្ឋានប៉ូលីសមួយកន្លែងនៅក្នុងទីក្រុង Mogadishu។ សាក្សីម្នាក់
បានមានប្រសាសន៍ថា មនុស្ស ៣នាក់នៅក្នុងចំណោមអ្នកស្លាប់ទាំង១២នាក់ខាងលើនេះ គឺជាមន្រ្តីប៉ូលី
ស។ សូមបញ្ជាក់ថា អ្នកដែលនៅពីក្រោយហេតុការណ៍បំផ្ទុះគ្រាប់បែកខាងលើនេះគឺជាក្រុមសកម្មប្រយុ
ទ្ធ al-Qaeda ឬក៏ពួក al-shabab ដែលតែងតែបង្កបញ្ហាជារឿយៗនៅក្នុងតំបន់មួយចំនួននៃប្រទេសសូម៉ាលី។
លោក Abdullahi Hassan បានមានប្រសាសន៍ប្រាប់អ្នកកាសែតថា ការបំផ្ទុះគ្រាប់បែកខាងលើនេះគឺមាន
បំណងវាយប្រហារមកលើឡានរបស់មន្រ្តីប៉ូលីសមួយគ្រឿងដែលបានបើកឆ្លងកាត់កន្លែងកើតហេតុនោះ។
លោក Abdullahi បានមានប្រសាសន៍បន្ថែមទៀតថា ជនស៊ីវិលជាច្រើននាក់គឺបានបាត់បង់ជីវិតនៅក្នុង ការបំផ្ទុះគ្រាប់បែកខាងលើនេះ។ សូមបញ្ជាក់បន្ថែមទៀតថា កាលពីសប្តាហ៍មុន ការបំផ្ទុះគ្រាប់ក្នុងឡាន
មួយគ្រឿងនៅក្បែរព្រះរាជវាំងរបស់លោកប្រធានាធិបតីប្រចាំប្រទេសម៉ាលី បានឆក់យកជីវិតមន្រ្តីប៉ូលី
សជាច្រើននាក់៕ ដោយ៖ តុលា