សិង្ហបុរី៖ យោងតាមគេហទំព័រព័ត៌មានរបស់ជប៉ុន The Japan News ចុះផ្សាយនៅថ្ងៃទី២៤ កុម្ភៈ ឆ្នាំ២០១៤ថា ជប៉ុន និងកាណាដា បានចចារគ្នាលើការឯកភាពគ្នា ក្នុងការរក្សានូវវត្ថុធាតុ និងផលិតផលទឹកដោះគោ ដោយមិនគិតពន្ធដែលបានឆ្លងកាត់ តំបន់អាស៊ីប៉ាស៊ីហ្វិកនោះ ។
ប្រភពព័ត៌មានបានចុះផ្សាយថា ខណៈដែលចូលរួមក្នុងកិច្ចប្រជុំ ថ្នាក់រដ្ឋមន្ត្រីពាណិជ្ជកម្មនៅក្នុងតំបន់ ឆ្លងកាត់អាស៊ីប៉ាស៊ីហ្វិក ដែលបានរៀប ចំឡើងនៅក្នុងប្រទេសសិង្ហបុរី កាលពីថ្ងៃអាទិត្យកន្លងទៅ នេះ រដ្ឋមន្ត្រីក្រសួងពាណិជ្ជកម្មជប៉ុន និងកាណាដា បានយល់ព្រមគ្នាដោយបាន ពិភាក្សាចចារគ្នាលើការកំណត់មួយ ដោយមិនគិតពន្ធលើផលិតផលទឹកដោះគោ ដែលបានឆ្លងកាត់តំបន់អាស៊ីប៉ាស៊ីហ្វិកឡើយ ក្នុងភាពយោគ យល់គ្នាជាដៃគូពាណិជ្ជកម្មដ៏ល្អនោះ ។
សូមបញ្ជាក់ថា កិច្ចប្រជុំថ្នាក់រដ្ឋមន្ត្រីតំបន់អាស៊ីប៉ាស៊ីហ្វិក ដែលធ្វើឡើងរយៈពេល ៤ថ្ងៃនៅក្នុងប្រទេសសិង្ហបុរីនោះ គឺបានដំណើរការយ៉ាង រលូន ហើយក្នុងនោះគឺមានសមាសភាគីប្រទេស នៅក្នុងតំបន់ចូលរួម ដើម្បីកំណត់លើការយកពន្ធលើទំនិញ ដែលបានឆ្លងកាត់តំបន់អាស៊ី ប៉ាស៊ីហ្វិក ដែលមានបណ្តាប្រទេសចំនួន ១២ចូលររួម គិតចាប់ពីថ្ងៃសៅរ៍មកម្ល៉េះ ។
សម្រាប់ប្រទេស កាណាដា គឺមានក្តីរំពឹងថា គម្រោងការលើផលិតកម្មទឹកដោះគោរបស់កាណាដា ដែលបាននាំចូលភាគច្រើនចូល និងឆ្លង កាត់ប្រទេសជប៉ុន ហើយផលិតផលនេះជាផលិតផល ដែលសំខាន់ក្នុងចំណោមទំនិញសំខាន់ៗចំនួន៥ប្រភេទ ដោយចង់រក្សាបានការគិតពន្ធ នាំចូលក្នុងកម្រិតមួយសមស្រប ។
លោក Akira Amari រដ្ឋមន្ត្រីទទួលបន្ទុកកិច្ចពាណិជ្ជកម្ម នៅក្នុងតំបន់អាស៊ីប៉ាស៊ីហ្វិក បានមានប្រសាសន៍ថា ជប៉ុននឹងបន្តជំរុញក្នុងនាម ជាអ្នកដែលមានមុខងារដ៏សំខាន់ លើការចចារគ្នាទាំងឡាយ ដោយជំរុញឲ្យពាណិជ្ជកម្មមានភាពកាន់តែប្រសើរឡើងក្នុងកម្រិតមួយខ្ពស់ប្រកប ដោយការធ្វើពាណិជ្ជកម្មសេរីភាវូនីយកម្ម ៕
ដោយៈ ភីន រ៉ា