បាល់ទាត់៖ យោងតាមសំដីរបស់លោក David Moyes ដែលជាគ្រូបង្វឹករបស់ក្រុមបិសាចក្រហម Manchester
United បានអះអាងថា កីឡាករ Robin Van Persie គឺនឹងវិលត្រឡប់មកប្រកួតជាធម្មតាវិញក្នុងពេលឆាប់ៗនេះ
បន្ទាប់ពីកីឡាករសញ្ជាតិហូឡង់មួយរូបនេះបានទទួលរងរបួសជង្គង់ នៅពេលក្រុមរបស់ខ្លួនបើកទ្វារផ្ទះស្វាគមន៍
ក្រុម Olympiakos នៅថ្ងៃទី១៩ ខែមីនាកន្លងមក។ លោក David Moyes បានមានប្រសាសន៍បន្តទៀតថា កីឡា
ករមួយរូបនេះគឺប្រហែលជាអាចវិលត្រឡប់មកប្រកួតជាធម្មតាវិញនៅថ្ងៃទី ២៦ ខែមេសា ស្របពេលដែលក្រុមរបស់
ខ្លួនប្រកួតជាមួយក្រុម Norwich City ឬក៏នៅថ្ងៃទី ៣ខែឧសភាខាងមុខនេះ។ សូមបញ្ជាក់ផងដែរថា កាលពី
ថ្ងៃទី ១៩ខែមីនាកន្លងមក កីឡាករ Robin Van Persie គឺបានស៊ុតបាល់ចំនួន ៣គ្រាប់ឲ្យក្រុមរបស់ខ្លួនយក
ឈ្នះលើក្រុម Olympaikos នៅក្នុងលទ្ធផល ៣-០ និងបានជួយឲ្យរបស់ខ្លួនឡើងមកដល់វគ្គ ៨ក្រុមនៃ
ពានរង្វាន់ Uefa Champion League ទៀតផង៕ ដោយ៖ តុលា
