ភ្នំពេញៈ ប្រទេសកម្ពុជា ឡាវ វៀតណាម និងមីយ៉ាន់ម៉ារួមគ្នាស្វែងរកដំណោះស្រាយ ធ្វើកសិកម្មដែល​អាចត ទល់ នឹងការប្រែប្រួលអាកាសធាតុ ខណៈដែលបច្ចុប្បន្នបញ្ហានេះកំពុងបង្កការគំរាមកំហែងកាន់ តែខ្លំាងឡើងហើយបាន​ជៈឥទ្ធិពលអាក្រក់ដល់សន្តិសុខស្បៀង និងជីវភាពរស់នៅរបស់ប្រជាពលរដ្ឋ​ក្រុមមន្រ្តីជំនាញ​សំខាន់ៗខាងផ្នែក​កសិ​កម្មមកពីប្រទេសកម្ពុជា ឡា មីម៉ាន់ម៉ា និង វៀតណាម រួមជា​មួយនឹងវាគ្មិនផ្តល់បច្ចេកទេស​មកពីប្រទេស​ហ្វីលីពីនបានរួមគ្នាពិភាក្សាស្វែងរកយុទ្ធសាស្រ្តថ្មីៗបន្ស៊ំាទៅនឹងការប្រែប្រួលអាកាសធាតុនៅក្នុងវិស័យកសិកម្ម ដើម្បី​ឆ្ពោះទៅរកសន្តិ សុខស្បៀងសម្រាប់ប្រជាពលរដ្ឋ។

ក្នុងកិច្ចប្រជុំតុមូលលក្ខណៈអន្តរជាតិដែលកម្ពុជាធ្វើជាម្ចាស់ផ្ទះ នៅព្រឹកថ្ងៃទី​៦ខែកុម្ភៈ លោក សាខន រិទ្ធីគន្ធ​ប្រតិភូ​រាជរដ្ឋាភិបាលទទួលបន្ទុកជាអគ្គនាយកកសិ កម្ម នៃក្រសួងកសិកម្មរុក្ខាប្រមាញ់ និងនេសាទមានប្រសាសន៍ថា ទោះបី​ជាកម្ពុជាមានផែនការយុទ្ធ សាស្រ្តរបស់ខ្លួនក៏ដោយ ក៏នៅតែត្រូវការធាតុចូល​សំខាន់ៗពីបណ្តាល​ប្រទេស​ជាច្រើនទៀត ដើម្បីចាត់វិធានការណ៍កាត់បន្ថយផលប៉ៈពាល់​ទៅវិស័យកសិកម្មដែលបណ្តាលមក​ពីការប្រែប្រួល​អាកាសធាតុឲ្យកាន់តែមានប្រសិទ្ធិភាព។

លោកប្រតិភូបន្ថែមថា រយៈពេលចុងក្រោយនេះកម្ពុជាបានជួប បញ្ហាប្រែប្រួលអាកាសធាតុ​ជាប់ៗគ្នាជាច្រើន​ឆ្នាំ​ដូច​ជាគ្រោះទឹកជំងឺ និងគ្រោះរាំងស្ងួតដែលបានបង្ក ផលប៉ៈពាល់យ៉ាងខ្លំាងដល់សន្តិសុខស្បៀងរបស់ប្រជាពលរដ្ឋ បើ​ទោះបីជាមានវិធានការណ៍ជួយ អន្តរាគមន៍អាជ្ញាធរក៏ដោយ។

លោកបានបញ្ជាក់ទៀតថា ជាមធ្យោបាយចំពោះមុខក្នុងការដោះស្រាយ បញ្ហានេះមានតែវិធាន​ការបន្ស៊ំាដែលផ្តោត​លើ​​អនុវិស័យ4សំខាន់ ដោយទី1អនុវិស័យកសិកម្មធ្វើ យ៉ាងណាឲ្យប្រជាកសិករទទួលបានពូជនឹងបច្ចេកទេស​កម្មថ្មី​ៗ​ដែលធន់នឹងអាកាសធាតុ ទី2 អនុ វិស័យជលផលគឺជំរុញការចិញ្ចឹមត្រីធម្មជាតិឲ្យបានច្រើន ទី3 អនុវិស័យព្រៃឈើ​គឺ​ពង្រឹង​យន្តការការ ពារព្រៃធម្មជាតិនិងដំាដើមឈើឡើងវិញនៅតំបន់ដែលសិករិចរិល នឹងទី4អនុវិស័យ​បសុព្យា​បាល ដែលសំខាន់លើការចិញ្ចឹមសត្វជាដើម។

លោកបណ្ឌិតហ្គីល សានហ្គូហ្គីតប្រធានមជ្ឈមណ្ឌលសម្រាប់ការសិក្សាស្រាវជ្រាវក្នុងវិស័យកសិកម្ម នៅតំបន់អាស៊ី​អាគ្នេយ៍​បានបញ្ជាក់ថា កិច្ចប្រជុំនេះក្រៅពី​ពិនិត្យទៅលើការកសាងសមត្ថភាព និង​ធ្វើការផ្លាស់ប្តូរបទពិសោធន៍ ក្នុង​ការងារកសិកម្ម ក៏បានបង្ហាពីបែបបទនៃការស្វែងរកកញ្ចប់ជំនួយពី ប្រទេសអភិវឌ្ឍធំៗដែលបាន​បញ្ចេញផល​ប៉ៈ​ពាល់​​ជាច្រើនដល់បរិស្ថាន។

លោកបន្តថា ប្រទេសកំពុងអភិវឌ្ឍទាំងនេះពិតជាត្រូវការជំនួយជាចាំបាច់​ដើម្បីយកទៅធ្វើការឆ្លើយ​តបនឹងបញ្ហាការ​ប្រែប្រួល​អាកាសធាតុដែលងាយនឹងប្រឈមគ្រោះថ្នាក់ខ្លាំង។ សូមបញ្ជាក់ថា កិច្ចប្រជុំតុមូលលើកទី១០ ដែលមាន​រយៈពេល២ថ្ងៃនេះ បានប្រារព្វឡើងនៅក្នុង ប្រទេសកម្ពុជាចំនួន២ដងហើយ ដោយកាល​ពីលើកទី១បានធ្វើ​ឡើង​នៅ​ក្នុង​ឆ្នាំ២០០៦ ក្នុងគោលដៅធានាឲ្យប្រជាពលរដ្ឋមានស្បៀងហូបចុកគ្រប់គ្រាន់ បើទោះបីមានបញ្ហាការ​ប្រែប្រួល​​​អាកាសធាតុក៏ដោយ៕ ដោយ៖ ភីន រ៉ា