ប៉ាគីសស្ថាន៖ មន្រ្តីប៉ូលីសប៉ាគីសស្ថានបានប្រាប់ភ្នាក់ងារសារព័ត៌មាន BBC ថា កាលពីថ្ងៃសុក្រនេះមនុស្ស យ៉ាងហោចណាស់ ១៧ នាក់បានស្លាប់និងមនុស្ស ៣៥ នាក់ទៀតបានរងរបួសជាទំងន់ដោយសារការបន្ទុះ គ្រាប់បែកក្នុងឡានក្រុងមួយកន្លែងក្នុងទីក្រុង Peshawar ប្រទេសប៉ាគីសស្ថាន។ ប៉ូលីសបានអោយដឹងថា មានអ្នកដំណើរជាង ៧០នាក់នៅក្នុងឡានក្រុងនោះ។
ប៉ូលីសបានបង្ហាញថា គ្រាប់បែកនេះបានដាក់បន្ទុះឡើងដើម្បីសំលាប់នយោជិករបស់រដ្ឋាភិបាល។
កាលពីថ្ងៃអាទិត្យមុនគ្រាប់បែកពីរគ្រាប់បានផ្ទុះឡើងនៅក្នុព្រះវិហារមួយកន្លែងក្នុងទីក្រុង Peshawar
ហើយបានសំលាប់មនុស្សយ៉ាងហោចណាស់ ៧៥នាក់។ កាលពីខែមិថុនា ឆ្នាំ២០១២ គ្រាប់បែកមួយ បានផ្ទុះឡើងនៅក្នុងតំបន់ដដែលនៅពេលឡានក្រុងមួយកំពុងតែដឹកនយោជិករដ្ឋាភិបាលដោយបាន សំលាប់មនុស្សយ៉ាងហោចណាស់ ២០ នាក់ និង ៤០ នាក់ទៀតបានរងរបួសជាទំងន់។ ដោយ៖ តុលា