ភ្នំពេញ៖ លោកស្រីពូ ជៀនគួ (Mrs.BO Jianguo) ឯកអគ្គរដ្ឋទូថ្មីនៃសាធារណរដ្ឋប្រជាមានិតចិនប្រចំាកម្ពុជា បាន
អបអរសាទរចំពោះលទ្ធផលរបស់គណបក្សប្រជាជនកម្ពុជានៅក្នុងការបោះឆ្នោតជ្រើសតំាងតំណាងរាស្ត្រនីតិ
កាលទី៥មកនេះ។ ការអបអរសារទនេះ ធ្វើឡើងក្នុងជំនួបសវនាការជាមួយសម្តេចអគ្គមហាពញាចក្រី ហេង
សំរិន ប្រធានរដ្ឋសភានៃព្រះរាជណាចក្រកម្ពុជា ព្រឹកថ្ងៃទី០១ ខែសីហា ឆ្នាំ២០១៣ នៅវិមានរដ្ឋសភា។
លោក គាំម កុសល នាយកខុទ្ធការល័យសម្តេច ហេង សំរិន មានប្រសាសន៍ប្រាប់ ក្រុមអ្នកសារព័តមានក្រោយ
កិច្ចជំនួបថាលោក លោកស្រីពូ ជៀនគួ (Mrs.BO Jianguo)បានសាទរចំពោះគណបក្សប្រជាជនកម្ពុជា ដែលបាន
ឈ្នះសំលេងភាគច្រើនដាច់ខាតក្នុងការបោះឆ្នោតជ្រើសរើសតំាងតំណាងរាស្ត្រនីតិកាលទី៥ ដែលប្រព្រឹត្តិ
ឡើងកាលពីថ្ងៃទី២៨ ខែកក្កដា ឆ្នាំ២០១៣មកនេះ។
ក្នុងកិច្ចជំនួបនោះដែរ លោកស្រីពូ ជៀនគួក៏បានពាំនាំការផ្តាំផ្ញើរសួរសុខទុកពីសំណាក់ប្រធានសភាប្រជាជន
ចិនជួនសម្តេចប្រធានរដ្ឋសភា ហេង សំរិន ព្រមទាំងបានលើកឡើងថា សម្តេចជាមិត្តចាស់របស់ចិន ហើយ
ពេលកន្លងមកសម្តេចធ្វើទំនាក់ទងកិច្ចសហប្រតិបត្តិការរវាងចិន និងកម្ពុជាបានល្អណាស់។
លោកស្រីបានបញ្ជាក់ថា កាលពីឆ្នាំ២០១២កន្លងមកចិន និងកម្ពុជាបានប្រារ ព្ធខួបទី៥៥ឆ្នាំ នៃទំនាក់ទំនងការ
ទូតរវាងចិន‑កម្ពុជា និងជាឆ្នាំមិត្តភាពរវាងកម្ពុជា ‑ចិនផងដែរ។
ក្នុងជំនួបសវនាការមស្តេចអគ្គមហាពញាចក្រី ហេង សំរិនប្រធានរដ្ឋសភា មានប្រ សាសន៍ថា ក្នុងនាមរដ្ឋសភា
និងខ្លួនសម្តេចផ្ទាល់ សូមសម្តែងការស្វាគមន៍យ៉ាងកក់ក្តៅដែលលោកស្រីបានមកសម្តែងការគួរសមចំពោះរូប
សម្តេចនៅពេល ដែលលោកជំទាវ ត្រូវបានតែង តាំងជាឯកអគ្គរដ្ឋទូតវិសាមញ្ញានិងពេញសមត្ថភាពនៃសាធា
រណរដ្ឋប្រជាមានិតចិនប្រចំានៅព្រះរាជាណាចក្រកម្ពុជា។ សម្តេចមានជំនឿជឿជាក់យ៉ាងមុតមាំថាក្នុងតួនាទី
លោកស្រីជាឯកអគ្គរដ្ឋទូតលោកស្រីនឹងបន្តកិច្ចសហល្អជាមួយស្ថាប័ន នីតិប្បញ្ញត្តិ ស្ថាប័ននីតិប្រតិបត្តិ ព្រម
ទាំងបណ្តាក្រសួងនានា រាជធានីខេត្តក្រុងទូទាំងប្រទេសកម្ពុជា ដើម្បីជម្រុញឲ្យទំនាក់ទំនងចំណងសាមគ្គីភាព
មិត្តភាពពិសេស គឺកិច្ចសហប្រតិបត្តិ ការទ្វេភាគី រវាងប្រជាជន និងប្រទេសយើងទាំងពីរកម្ពុជា‑ចិន ឲ្យកាន់តែ
ល្អប្រសើរ និងរឹងមាំខ្លាំងក្លាឡើងឥតឈប់ឈរ។ សម្តេចបន្តថាសាធារណរដ្ឋប្រជាមានិតចិន កំពុងដើរតួនាទី
យ៉ាងសំខាន់ នៅក្នុងប្រទេសកម្ពុជា ទាំងទំនាក់ទំនងការទូត និងទំនាក់ទំនងសេដ្ឋកិច្ច សង្គមកិច្ច វប្បធម៌ អប់រំ
សុខាភិបាល និងយោធា និយាយរួមទៅលើគ្រប់វិស័យ។
សម្តេចប្រធានរដ្ឋសភាបន្ថែមថា ប្រទេសចិនក្រៅពីផ្តល់ជំនួយសន្ធឹកសន្ធាប់ឲ្យកម្ពុជា ចិនបានបោះទុនវិនិ
យោគយ៉ាងច្រើនទៅលើវិស័យអគ្គិសនី និងវិស័យកាត់ដេរនៅកម្ពុជា ហើយពេលកន្លងមកនេះ សម្តេចអគ្គ
មហាសេនាបតីតេជោនាយករដ្ឋមន្ត្រី ហ៊ុន សែន បានដឹកនាំគណៈប្រតិភូកម្ពុជាទៅទស្សនកិច្ចនៅប្រទេសចិន
លើកនេះចិនបានប្រកាស់ផ្តល់ជំនួយឥតសំណងដល់កម្ពុជាចំនួន ៣០០លានយ័ន និងប្រាក់កម្ចីសម្បទានក្នុង
កំរិតការប្រាក់ទាបចំនួន ៥០០លានដុល្លារអាមេរិក សម្រាប់ប្រើប្រាស់ក្នុងការអភិវឌ្ឍប្រទេស។ ក្នុងរយៈពេល
១០ឆ្នាំមកនេះ ចិនគឺជាអ្នកផ្តល់ជំនួយធំជាងគេសម្រាប់ការកសាងផ្លូវ ស្ពាន នៅកម្ពុជា។
ទន្ទឹមនេះសម្តេចប្រធានរដ្ឋសភា បានថ្លែងអំណរគុណយ៉ាងជ្រាលជ្រៅជាទីបំផុត ក្នុងនាមប្រជាជនកម្ពុជា ជូន
ចំពោះប្រជាជន និងរដ្ឋាភិបាលចិន ដែលបានជួយឧបត្ថម្ភដល់ប្រជាជនកម្ពុជា នាគ្រប់ដំណាក់កាល មានដំ
ណាក់កាលរំដោះជាតិ ផ្សះផ្សាជាតិ និងការអភិវឌ្ឍប្រទេសជាតិ។
ឆ្លៀតក្នុងឱកាសនោះដែរសម្តេចប្រធានរដ្ឋសភាក៏បានជំរាបជូនលោកស្រីផងដែរថា ថ្មីៗនេះកម្ពុជាបានរៀបចំ
ការបោះឆ្នោតជ្រើសតាំងតំណាងរាស្ត្រសម្រាប់នីតិកាលទី៥នៃរដ្ឋសភា ដើម្បីជ្រើសរើសនាយករដ្ឋមន្ត្រី ហើយ
ការបោះឆ្នោតនេះគឺបានប្រព្រឹតទៅយ៉ាងល្អប្រសើរ ទោះបីជាមានការប៉ះទង្គិចគ្នាខ្លះក្តីបានកើតឡើងក៏ដោយ
នោះ។ ការបោះឆ្នោតនេះ គឺគណបក្សប្រជាជនកម្ពុជាបានឈ្នះឆ្នោតទទួលបានអសនៈលើសពីភាគច្រើនដាច់
ខាត ដែលអាចឲ្យគណបក្សប្រជាជនកម្ពុជាបង្កើតរដ្ឋាភិបាលថ្មីបានស្របតាមរដ្ឋធម្មនុញ្ញ៕
ដោយ៖ស.ស្អាត