|
ភ្នំពេញ៖រាជរដ្ឋាភិបាលកម្ពុជាបានចាត់ទុកវិសយ័អប់រំ គឺជាទំពាំងស្នងឬស្សីដ៏រឹងមាំសម្រាប់អភិវឌ្ឍជាតិនេះបើតាមប្រសាសន៍លើកឡោះងរបស់លោកស្រីឧបនាយករដ្នមន្រ្ដី ម៉ែន សំអនរដ្ឋមន្រ្ដីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចតំណាងសម្ដេចអគ្គមហាសេនាបតីតេជោ ហ៊ុន សែន ក្នុងពិធីបើកសន្និបាត បូកសរុបលទ្ធផលការងារឆ្នំា២០១២ និងលើកទិសដៅការងារឆ្នំា២០១៣ របស់ក្រសួងអប់រំ យុវជន និងកីឡា នៅព្រឹកថ្ងៃទី ១៨ ខែមីនា ឆ្នំា ២០១៣ នៅវិទ្យាស្ថានបច្ចេកវិទ្យាកម្ពុជា ។
លោកស្រីឧបនាយករដ្ឋមន្រ្តីម៉ែន សំអន បានមានប្រសាសន៍ អបអរសាទរចំពោះដំណើរការនៃអង្គសន្និបាតដែលប្រារព្ធឡើងដើម្បីត្រួតពិនិត្យមើលឡើងវិញនូវវឌ្ឍនភាព និងបញ្ហាប្រឈមនានាដែលបានកើតឡើងក្នុងដំណើរការអនុវត្តន៍ផែនការណ៍សកម្មភាពក្នុងឆ្នាំកន្លងមកនិងដើម្បីរៀបចំយុទ្ឋសាស្ត្រសំរាប់បន្តអនុវត្តន៍ ឱ្យកាន់តែមានប្រសិទ្ឋភាព និងឈានទៅសម្រេចបាននូវសមិទ្ឋផលថ្មីៗកាន់តែច្រើនថែមទៀតនៅក្នុងឆ្នាំ២០១៣នេះ ។លោកស្រីឧបនាយករដ្ឋមន្រ្តីបានជម្រុញឲ្យទាមទារនូវការប្ដេជ្ញាចិត្ដដ៏មុតមាំ និងមានការយកចិត្ដទុកដាក់ខ្ពស់លើវិសយ័អប់រំឱ្យសម្រេចបានតាមគោលដៅយុទ្ធសាស្រ្ដអប់រំ៥ឆ្នាំ គឺ២០១៤-២០១៨ដើម្បីឆ្លើយតបទៅ នឹងយន្តការរបស់រាជរដ្ឋាភិបាល និងផែនការយុទ្ធសាស្រ្ដអភិវឌ្ឍន៍ជាតិ២០១៤-២០១៨ ។
លោកស្រីបញ្ជាក់ថានេះជាទិសដៅចម្បងដែលត្រូវលើកកម្ពស់សីលធម៌សង្គមជាមូលដ្ឋានគ្រឹះក្នុងកិច្ចការអភិវឌ្ឍន៍ប្រទេសជាតិដែលមិនអាចខ្វះបាន។ ពោលគឺដើម្បីបុព្វហេតុរួមចំណែកជាមួយរាជរដ្ឋាភិបាលសម្រាប់ការពារសេចក្តីថ្លៃថ្នូររបស់មនុស្សជាតិ និងការពារគុណតំលៃធនធានមនុស្សក៏ដូចជាការពន្លឿន ការកាត់បន្ថយភាពក្រីក្ររបស់ប្រជាជននៅទូទំាងប្រទេស។ជាក់ស្ដែងនៅឆ្នំា២០១២នេះរាជរដ្ឋាភិបាលអាចសម្រេចបាននូវកំណើនសេដ្ឋកិច្ច ៧.៣ភាគរយ អាត្រាភាពក្រីក្របានថយចុះមកនៅត្រឹម២០ភាគរយផលិតផលក្នុងស្រុក សរុបសម្រាប់មនុស្សម្នាក់បានកើនឡើងជិត១.០០០ដុល្លាអាមេរិក ។ តាមរយៈលទ្ធផល ដ៏ល្អនេះកម្ពុជាត្រូវបានវាយតម្លៃថាជាប្រទេសដែលស្ថិតក្នុងចំណាត់ថ្នាក់ទី១៥ ក្នុងចំណោមប្រទេសដែលមានកំណើនសេដ្ឋកិច្ចលើពិភពលោកក្នុងរយៈពេល១០ឆ្នំាចុងក្រោយ និងជាប្រទេសស្ថិតក្នុងចំណាត់ថ្នាក់ទី៥ ក្នុងចំណោមប្រទេសកំពុងអភិវឌ្ឍន៍ដែលនឹង អាចសម្រេចបាននូវគោលដៅអភិវឌ្ឍន៍សហស្សវត្ស និងជាប្រទេសក្នុងចំណាត់ថ្នាក់ទី១ នៅអាស៊ីប៉ាស៊ីហ្វីកដែលសម្រេចបាននូវវឌ្ឍនភាពដ៍ល្អប្រសើរក្នុងការកែលម្អសូចនារផ្នែកបណ្ដុះធនធានមនុស្ស ។
លោក អ៊ឹម សិទ្ធី រដ្ឋមន្រ្ដីក្រសួងអប់រំយុវជន និងកីឡាបានថ្លែងឲ្យដឹងថា ក្រសួងអប់រំ បានខិតខំកសាងអគារសិក្សាជាច្រើននៅគ្រប់ច្រកល្ហកនៅទូទំាងប្រទេស ពិសេសនៅតាមតំបន់ព្រំដែននិងតំបន់ដែលកំពុងជួបការលំបាក ក្នុងគោលដៅបង្ខិតសាលារៀនឱ្យនៅជិតលំនៅដ្ឋានរបស់ប្រជាជនតាមប្រសាសន៍ដ៏ខ្ពង់ខ្ពស់របស់សម្ដចនាយករដ្ឋមន្រ្តី ហ៊ុន សែន ។ ជាលទ្ធផលនូវទូទំាងប្រទេសតាមរយៈក្រសួងអប់រំ សម្រេចសាងសង់អគារ សិក្សាចំណេះទូទៅចំនួន ១១៣៧០ សាលា មត្ដេយ្យសិក្សាចំនួន២២៨១៣ សាលាបឋមសិក្សាចំនួន៦៩ ១០ អនុវិទ្យាលយ័ចំនួន១២១៤ និងវិទ្យាលយ័ចំនួន៤៣៣ ដែលក្នុងនោះមានអគារចំនួន ៣៥១៨ ខ្នងមាន១៨២៥៦ បន្ទប់ គិតត្រឹមថ្ងៃទី ៣១ ខែឆ្នូ ឆ្នំា២០១២ ជាអំណោយដ៍ថ្លៃ ថ្លារបស់សម្ដេចតេជោ និងលោកជំទាវ។ បច្ចុប្បន្នក្រសួងអប់រំបានទទួលអត្រាពិតនៃការសិក្សារបស់ កុមារ នៅបឋមសិក្សា៩៧ភាគរយ និងមានសិស្សនិស្សិត នៅគ្រប់ភូមិសិក្សាប្រមាណ៣លាន៥សែននាក់។តាមចំនួននេះអាចនិយាយបានថា ក្នុងចំណោមពលរដ្ឋកម្ពុជា៤នាក់ មាន១នាក់កំពុងអង្គុយសិក្សា។បុគ្គលិកអប់រំនៅទូទំាងប្រទេស មានចំនួន១១១២៦១នាក់ ស្រី៤៥១៤៩នាក់ ស្មើនឹង៤១ភាគរយ ។ ជាមួយគ្នានេះគ្រឹះស្ថានឧត្ដមសិក្សាមានចំនួន១០១ក្នុងនោះគ្រឹះស្ថានឧត្ដមសិក្សារដ្ឋមាន៣៩ និងឯកជនមាន៦២ដែលមានទីតំាងស្ថិតនៅតាមរាជធានីខេត្ដទំាង១៩ ។ និស្សិតចាប់ពីថ្នាក់បរិញ្ញាបត្ររងដល់បណ្ឌិតមានចំនួន២៥៥៧៩៣នាក់នារីស្មើ នឹង៣៨ភាគរយ ។
លោករដ្ឋមន្រ្តីបន្ថែមថា ដើម្បីអនុវត្ដបន្ដសម្រាប់ឆ្នំា២០១៣ត្រូវរួមគ្នាបន្តពង្រឹងការងារអភិបាលកិច្ច និងការផ្តល់សេវាអប់រំនានាធ្វើឱ្យប្រជាពលរដ្ឋរស់នៅប្រកបដោយសុវត្ថិភាព មានសណ្តាប់ធ្នាប់មានសីលធម៌ល្អ សេចក្តីថ្លៃថ្នូរ និងមានការគោរពសិទ្ឋិគ្នាទៅវិញទៅមក ។ក្នុងនោះយើងត្រូវបន្តកិច្ចខិតខំប្រឹងប្រែងបង្កើនគុណភាព កម្មវិធីអប់រំសីលធម៌ សុជីវធម៌ គុណធម៌ ការប្រើប្រាស់ពាក្យសំដី កាយវិការសមរម្យ សមស្របទៅតាមស្មារតីនៃការលើកកម្ពស់កិត្យានុភាពនៃកេរិ៍្កដំណែលប្រព្រៃណី វប្បធម៌ អរិយធម៌ អត្ដសញ្ញាណជាតិនិងសេចក្កីថ្លៃថ្នូររបស់ប្រជាជាតិយើង និងទាមទាឲ្យមានការជំរុញចូលរួមយ៉ាងសកម្មពីមន្រ្តី បុគ្គលិកអប់រំជាតិទំាងមូលជាពិសេសការចូលរួមពីស្ថាបន័និតិបញ្ញត្ដិនីតិប្រតិបត្ដិនិងតុលាការព្រមទំាងដៃគូអភិវឌ្ឍន៍សង្គមស៊ីវិលវិសយ័ឯកជន និងប្រជាជនទូទំាងប្រទេស។ម្យ៉ាងទៀតការងារទំាងនេះត្រូវទាមទារនូវការប្ដេជ្ញាចិត្ដដ៏មុតមាំ ដោយបន្ដតម្កល់ការយកចិត្ដទុកដាក់ខ្ពស់ លើវិសយ័អប់រំ យុវជន និងកីឡា ឱ្យសម្រេចបាន តាមគោលដៅយុទ្ធសាស្រ្ដ វិស័យអប់រំ៥ឆ្នាំ គឺ២០១៤ -២០១៨ ដើម្បីឆ្លើយតបទៅនឹងយុទ្ធសាស្រ្ដ របស់រាជរដ្ឋាភិបាល និងផែនការយុទ្ធសាស្រ្ដអភិវឌ្ឍន៍ជាតិ២០១៤ -២០១៨ ៕
ស.ស្អាត
|