ប្រទេសអ៊ុយក្រែន៖ កាលពីព្រឹកថ្ងៃពុធនេះ ការប៉ះទង្គិចគ្នារវាក្រុមអ្នកតវ៉ានិងមន្រ្តីប៉ូលីសនៅក្នុងរដ្ឋធានី Kiev ប្រទេសអ៊ុយក្រែនបានឆក់យកជីវិតមនុស្សយ៉ាងហោចណាស់ ២នាក់និងបានបណ្តាលអោយមនុស្សជាច្រើន
នាក់ទៀតរងរបួសជាទំងន់។ មន្រ្តីប៉ូលីសបានមានប្រសាសន៍ថា ការប៉ះទង្គិចគ្នាខាងលើនេះគឺបានកើតឡើង
នៅវេលាម៉ោង ៦នឹង០០នាទីព្រឹក បន្ទាប់ពីមន្រ្តីប៉ូលីសបាននាំគ្នារុះរើជម្រំរបស់ក្រុមអ្នកតវ៉ា។ មន្រ្តីប៉ូលីសបាន
មាន ប្រសាសន៍បន្តទៀតថា ក្រុមអ្នកទាំងអស់នោះបានគប់គ្រាប់បែកភ្លើងព្រមទាំងដុំថ្មមកលើមន្រ្តីប៉ូលីស ចំ ណែកមន្រ្តីប៉ូលីសក៏បានបាញ់ឧស្ម័នបង្ហូរទឹកភ្នែកនិងបានបាញ់បោះជាច្រើនគ្រាប់មកលើក្រុមអ្នកតវ៉ាទាំងអ
ស់នោះវិញ។ គួរបញ្ជាក់ផងដែរថា ជនរងគ្រោះម្នាក់នៃជនទាំង ២នាក់ខាងលើនេះគឺបានស្លាប់ដោយសារគ្រា
ប់កាំភ្លើង។ យោងតាមអ្នកសារព័ត៌មានបានអោយដឹងថា ក្រុមអ្នកតវ៉ាទាំងអស់នោះគឺបានបោះជម្រំនៅក្នុងរដ្ឋ
ធានី Kiev តាំងតែពីចុងខែវិច្ឆិកាមកម្លេះ បន្ទាប់ពីរដ្ឋាភិបាលប្រទេសនេះបានបដិសេធសន្ធិសញ្ញាជាមួយនឹងស
ហភាពអឺរ៉ុប។ ដោយ៖ តុលា