ភ្នំពេញ ៖ កូនភ្លោះ៣នាក់ ក្នុងនោះប្រុសម្នាក់ប្រសូត្រក្នុងគ្រួសារកសិកររស់នៅភូមិ កំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល ដែលជាកូនភ្លោះទី២៥៤ បានទទួលអំណោយសប្បុរសធម៌របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមមានទឹកប្រាក់៣លានរៀល អង្ករ២០០គីឡូក្រាម ទឹកដោះគោម្សៅ២៤កំប៉ុង ស្ករស៥គីឡូក្រាម សារុង២ និងក្រមា២។
.jpg)
លោក សេង ទៀង ជំនួយការផ្ទាល់សម្តេចតេជោហ៊ុន សែន បានអញ្ជើញនាំយកអំណោយទាំងនេះទៅប្រគល់ជូនដោយផ្ទាល់ដៃដល់ គ្រួសារកូនភ្លោះបីនេះនៅមន្ទីរពេទ្យកាល់ម៉ែត នៅព្រឹកថ្ងៃទី១៦ មករា ២០១៤។កូនភ្លោះទាំងបីនេះបានប្រសូត្រនៅមន្ទីរពេទ្យ កាល់ម៉ែត កាលពីរសៀលថ្ងៃទី៧ មករា ២០១៤ ជាកូនលើកទី២របស់បុរសឈ្មោះប៉ាង វ៉ាន់ណូ អាយុ២៦ឆ្នាំ និងប្រពន្ធឈ្មោះជ ស្រីជាតិ អាយុ២២ឆ្នាំ ដែលជាគ្រួសារក្រី ក្រមួយនៅភូមិកំពង់ចម្លង។ កូនភ្លោះទាំង៣នាក់ ១-ឈ្មោះប៉ាង វ៉ាន់ណូគីមអូន ភេទស្រី ទម្ងន់២,២គីឡូក្រាម ២-ឈ្មោះប៉ាង វ៉ាន់ណូគីមអេង ភេទស្រី ទម្ងន់២,២គីឡូក្រាម និង៣-ឈ្មោះប៉ាង វ៉ាន់ណូគីមហ៊ួ ភេទប្រុស ទម្ងន់២,៥គីឡូក្រាម៕
.jpg)
ដោយ៖ ស.ស្អាត