ភ្នំពេញ៖ យោងតាមសេចក្តីជូនដំណឹងរបស់អគ្គលេខាធិការរដ្ឋានព្រឹទ្ធសភាបានឲ្យដឹងថា នៅវេលាម៉ោង៨
ព្រឹកថ្ងៃទី២២ខែឧសភានេះ ព្រឹទ្ធសភានៃព្រះរាជាណាចក្រកម្ពុជា នឹងបើកសម័យប្រជុំលើកទី៣ និតិកាលទី៣
របស់ខ្លួន ក្រោមអធិបតីភាព លោក សាយ ឈុំ ប្រធានស្តីទីព្រឹទ្ធសភា ។
សេចក្តីជូនដំណឹងខាងលើបានបង្ហាញថាសម័យប្រជុំនេះនឹងលើកយកនូវរបៀបវារៈចំនួន៦មកពិភាក្សា ក្នុង
នោះមាន ៖
១-ការប្រកាសទទួលស្គាល់សមាជិកព្រឹទ្ធសភាថ្មី
២-ស្តាប់របាយការណ៍របស់គណៈកម្មាធិការអចិន្រ្តៃយ៍ ស្តីពីសកម្មភាពការងារព្រឹទ្ធសភា នៅចន្លោះសម័យ
ប្រជុំលើកទី២និងលើកទី៣នៃនិតិកាលទី៣។
៣-ពិនិត្យនិងឲ្យយោបល់លើសេចក្តីព្រាងច្បាប់ ស្តីពីសហគមន៍កសិកម្ម
៤-ពិនិត្យនិងឲ្យយោបល់លើសេចក្តីព្រាងច្បាប់ ស្តីពីវិសោធនកម្ម មាត្រា២៤៧ មាត្រា៣៦៨ មានត្រា៣៧២
និងមាត្រា៣៨២ នៃក្រមនិតិវិធីព្រហ្មទណ្ឌ។
៥-ពិនិត្យនិង ឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើ៖
១.កិច្ចព្រមព្រៀងរវាងរដ្ឋាភិបាលនៃប្រទេសជាសមាជិកសមាគមប្រជាជាតិអាស៊ីអាគ្នេយ៍ និងរដ្ឋាភិបាល
នៃសារធារណៈរដ្ឋប្រជាមានិតចិន ស្តីពីការដឹកជញ្ជូនតាមផ្លូវសមុទ្រ។
២.កិច្ចព្រមព្រៀងក្របខណ្ឌអាស៊ាន ស្តីពីការសម្រួលការដឹកជញ្ជូន អន្តររដ្ឋ ។
៣.ពិធីសារទី៦ ស្តីពីស្ថានីយ៍ព្រំដែនផ្លូវដែក និងស្ថានីយ៍ប្តូរខ្សែរថភ្លើង ។
៦-ពិនិត្យនិងឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារ បន្ថែមណាហ្គាយ៉ា-កូឡាឡាំពួរ ស្តីពី ការទទួលខុសត្រូវផ្នែកច្បាប់ និងសំណងការខូចខាតទៅនឹងពិធីសារកាតាហ្សេណាស្តី
ពីជីវិតសុវត្ថិភាព៕ សំអាត