ភ្នំពេញ៖ នៅក្នុងឱកាសស្នាក់នៅបំពេញទស្សនកិច្ច និងចូលរួមមីទ្ទីញរំលឹកខួបលើកទី៣៥ នៃ​ទិវាជ័យ​ជំនះសង្រ្គាម​ការពារព្រំដែនទិសនីរតី នៅទីក្រុងហានណូយប្រទេសវៀតណាម ប្រ​មុខ​ដឹកនាំជាន់ខ្ពស់រដ្ឋសភា​នៃប្រទេសទាំង​ពីរ​បានជម្រុញល្បឿននៃ​ការ​បោះ​បង្គោលព្រំដែន ធ្វើ​យ៉ាង​​ណាឲ្យព្រំដែនកម្ពុជា-វៀតណាម ក្លាយជាព្រំដែន មិត្តភាព សាម​គ្គីភាព ​និងការអភិវឌ្ឍន៍​ហើយក៏ជាការបន្សល់សម្រាប់ក្មេងជំនាន់​ក្រោយ​នៅក្នុងជំនួបសវនាការរវាង​គណៈ​ប្រតិ​ភូ​​​​ជាន់ខ្ពស់រដ្ឋសភាកម្ពុជាដែលដឹកនាំដោយ សម្តេចអគ្គ​មហាពញាចក្រី ហេង សំរិន ប្រធានរដ្ឋសភា និងលោក ង្វៀន ស៊ីញហ៊ុង ប្រធានរដ្ឋសភា​នៃសាធា​រណ​រដ្ឋ​សង្គមនិយមវៀតណាម បាន​សម្តែង​នូវមនោសញ្ចេតនា សប្បាយ​រីករាយ និង​បានចាត់ទុកវត្តមានរបស់ថ្នាក់ដឹកនាំរដ្ឋសភាកម្ពុជាពិតជាមានអត្ថន័យដ៏ធំធេងនាំមកនូវការ​រឹត ចំណង​មិត្តភាព សាមគ្គីភាព ជាប្រពៃណីរវាងប្រទេសទាំងពីរកាន់តឬត្រូវបាបពង្រីករឹងមាំ​ទ្វេ​ឡើងថែមទៀត។

ក្នុងសវនាការនោះ លោក ង្វៀន ស៊ីញហ៊ុង បានសម្តែងនូវការអបអរចំពោះប្រទេសកម្ពុជា​ ដែលបានរៀប​ចំការ​បោះ​​​ឆ្នោត ជ្រើសរើសតំណាងរាស្រ្តនីតិកាលទី៥កន្លងទៅនេះទទួលបាន​ជោគជ័យ ព្រមទាំងបានបង្កើតរដ្ឋសភា រាជរដ្ឋា​​​​​ភិបាលថ្មី ពិសេសសូមអបអរសាទរចំពោះ​សម្តេចអគ្គមហាពញាចក្រី ហេង សំរិន ដែលត្រូវ​បានរដ្ឋសភាជឿទុក​ចិត្ត​​បោះ​​​​​​ឆ្នោតគាំទ្រ​ជា​ប្រធានរដ្ឋសភាសម្រាប់និតិកាលថ្មីនេះ ។ លោកក៏បានអបអរចំពោះសមិទ្ធិផលទាំងឡាយ ដែល​​កម្ពុជា​​សំរេច​​​​​បានពិតជារួមចំណែកលើកកម្ពស់ កំណើនសេដ្ឋកិច្ច ការអភិវឌ្ឍន៍ប្រទេស​សំដៅ​លើក​កម្ពស់ជីវភាព​រស់​នៅ​របស់ប្រជាជនកម្ពុជា។ជាមួយគ្នានោះ លោក ង្វៀន ស៊ីញហ៊ុង បានវាយតម្លៃខ្ពស់ចំពោះកិច្ចសហប្រតិបត្តិ​ការ​រវាង​​រដ្ឋា​ភិ​បាលទាំងពីរ ក្នុងការជំរុញល្បឿននៃការបោះបង្គោលព្រំធ្វើយ៉ាងណាឲ្យព្រំដែនរវាងប្រទេស​ទាំងពីរក្លាយ​​ជា​ព្រំ​​ដែន មិត្តភាព សន្តិភាព និងការអភិវឌ្ឍន៍នាពេលអនាគត និងបន្សល់ទុក​សម្រាប់មនុស្ស​ជំនាន់​ក្រោយៗ​​​​​បន្ត​ទៀត ។

ក្នុងជំនួបនោះសម្តេច ហេង សំរិន ប្រធានរដ្ឋសភាកម្ពុជា បានថ្លែងអំណរគុណចំពោះលោក ង្វៀន ស៊ីងហ៊ុង ដែល​បាន​ឆ្លៀតឱកាសដ៏មមាញឹករៀបចំទទួលគណប្រតិភូរសដ្ឋសភាកម្ពុជា ដោយរាក់ទាក់និងភាពកក់ក្តៅ ។ ទន្ទឹម​នោះ​​សម្តេច​​​ប្រធានបានវាតតម្លៃចំពោះការរីកចំរើន និងការអភិវឌ្ឍន៍យ៉ាងឆាប់រហ័សលើគ្រប់វិស័យ ដែល​​រដ្ឋា​ភិបាល​​​​វៀត​​ណាមបានសំរេច ក្រោម​ការដឹកនាំដ៏ត្រឹមត្រូវរបស់បក្សកុំម្មុយនីស្តវៀតណាម កម្ពុជា​​បាន​ចាត់​ទុក​ជោគ​ជ័យ​របស់​​វៀត​​ណាមក៏ជាជោគជ័យរបស់កម្ពុជាដែរ។សម្តេចប្រធានបានជម្រាបជូនពីសភាពការណ៍មួយចំនួននៅកម្ពុជា ក្នុង​​​​​នោះការបោះឆ្នោត​តំណាងរាស្រ្តអាណត្តីទី៥កាលពីខឬកក្កដា២០១៣កន្លងទៅនេះ មានគណបក្សធំពីរ​ដែល​ទទួល​​​​​​កៅអីក្នុងរដ្ឋសភា គឺគណបក្សប្រជាជនកម្ពុជា​ទទួលបាន៦៨អាសន្ន គណបក្សសង្រ្គោះ​ជាតិ​​​​​​ទទួលបាន៥៥​អាសន្ន​។​ ចំពោះដំណើរការបោះឆ្នោតខាងលើនេះត្រូវបានអ្នកសង្កេត​ការណ៍ជាតិនិង អន្តរជាតិ ចាត់ទុកថាបាន​ប្រ​ព្រឹត្ត​ទៅដោយសេរី ត្រឹមត្រូវ យុត្តធម៌ តាម​និយាម​អន្តរជាតិ។សម្រេចបន្តថា បន្ទាប់មកការបោះឆ្នោតជ្រើសរើស​ក្បាល​​​​​ម៉ាស៊ីនរដ្ឋសភា និងការផ្តល់សេចក្តី​ទុក​ចិត្តចំពោះរដ្ឋាភិបាល បានប្រព្រឹត្តទៅផ្អែកតាមរដ្ឋធម្មនុញ្ញ ច្បាប់ ដែល​មាន​​​ជាធរមាន និង​ក្រោមព្រះរាជាធិបតីភាពនៃព្រះមហាក្សត្រកម្ពុជា​ ។​សម្តេចបានជម្រាបផងដែរថា បួនអាណត្តិ​កន្លងមកនេះរដ្ឋសភាកម្ពុជាបានបំពេញ តួនាទីជាតំណាងប្រជាជនក្នុងភាពទទួលខុសត្រូវ​ខ្ពស់ដោយអនុម័ត​ច្បាប់​បាន​ចំនួន៤២៦ច្បាប់ ។

ដោយឡែកសេដ្ឋកិច្ចកម្ពុជាក្នុងឆ្នាំ២០១៣វិញ តាមការព្យាករណ៍កម្ពុជាមានកំណើន៧ភាគរយ អតិផរណានៅ​ត្រឹម​កំរិត ៤ភាគរយប្រាក់​ចំណូល​សម្រាប់មនុស្សម្នាក់ៗកើនឡើងដល់ជាង​១​ពាន់​ដុល្លារ។ ក្រៅពីនេះរដ្ឋសភាកម្ពុជា​បាន​ចូលរួមចំណែកយ៉ាងសកម្មជាមួយបណ្តាសភា​ប្រទេសជាដៃគូរ ក្នុងការពិភក្សា អនិម័ត សេចក្តីសំរេច ឬច្បាប់នានា និងរិះរកវិធានការ ដើម្បី​ដោះស្រាយបញ្ហាប្រឈមក្នុងក្របខណ្ឌ តំបន់ និងអន្តរជាតិ សំដៅរួមចំណែកដល់​បុព្វហេតុ​រក្សាការពារ សន្តិភាព និងសន្តិសុខសង្គម នៅក្នុងប្រទេសក៏ដូចជានៅលើសកលលោក។ សម្រាប់ប្រទេសវៀត​ណាម រដ្ឋសភាទាំងពីរបានចុះកិច្ចព្រមព្រៀងពង្រឹង និងពង្រីកចំណង មិត្តភាព សាមគ្គីភាព កិច្ចសហប្រតិបត្តការ​កាន់​​​តែប្រសើរឡើងថែមទៀត។សូមបញ្ជាក់ថា សម្តេចប្រធានរដ្ឋសភាបានដឹកនាំគណៈប្រតិភូជាន់​ខ្ពស់នៃរដ្ឋ​​​សភា​​កម្ពុជា ទៅ​បំពេញទស្សនកិច្ច និងចូលរួមមទ្ទីញរំលឹកខួបលើកទី៣៥ នៃ​ទិវាជ័យ​ជំនះសង្រ្គាមកា​រពារ​ព្រំ​ដែនទិសនីរតី នៅទីក្រុងហានណូយប្រទេសវៀតណាមរយៈពេល២ថ្ងៃគឺថ្ងៃទី៤-៥មករា២០១៤​តាមការអញ្ជើញរបស់ប្រធាន​រដ្ឋសភាប្រទេសវៀតណាម និងបានធ្វើមាតុភូមិនិវត្តមកដល់​ប្រទេស​វិញនៅរសៀលថ្ងៃទី៥ខែមករាឆ្នាំ២០១៤នេះ៕

ដោយ៖ ស.ស្អាត