ភ្នំពេញ៖លោក កុយ គួង អ្នកនាំពាក្យក្រសួងការបរទេសកម្ពុជាបានថ្លែងថាទំនាក់ទំនងរវាងប្រទេសកម្ពុជា-ចិនបានឈានដល់ដំណាក់កាល គ្រប់ជ្រុងជ្រោយហើយដែលនេះសបញ្ជាក់ថាប្រទេសទាំងពីរកាន់ តែជិតស្និទ្ធិជាមួយគ្នាប
ន្ថែមទៀត។លោក កុយ គួង បានមានប្រសាសន៍ ប្រាប់ក្រុមអ្នកសារព័ត៌មានបន្ទាប់ពីបញ្ចប់កិច្ចប្រជុំអន្តរក្រសួងដែលដឹកនាំលោក ឧបនាយករដ្ឋមន្រ្តី ហោ ណាំហុង កាលពីព្រឹកថ្ងៃទី៣១ខែធ្នូ ឆ្នាំ២០១៣នាទីស្តីការក្រសួងថាទំនាក់ទំនងរវាងកម្ពុជា ចិន បានឈាន ដល់កិច្ចសហប្រតិបត្តិការ យុទ្ធសាស្រ្ត គ្រប់ជ្រុងជ្រោយហើកាលពីឆ្នាំ២០១២ទំហំពាណិជ្ជកម្មគឺបានដល់ជិតបីពាន់លានដុល្លារ ហើយ កំណើន ចេះតែកើនរហូត។
រាជរដ្ឋាភិបាល កម្ពុជានិង រដ្ឋាភិបាល ចិន បានសន្យាថា នឹងបង្កើនទំហំពាណិជ្ជកម្ម រវាងគ្នាឲ្យដល់ប្រាំពានលាន ដុល្លារអាម៉េរិក ក្នុងរយៈពេល បួនឆ្នាំទៀត ហើយមិន តែប៉ុណ្ណោះកិច្ចសហប្រតិបត្តិការ ចាក់ទឹក មិនលិចនេះ ក៏ នឹងពង្រឹងគ្រប់វិស័យ ផងដែរ ទាំងសន្តិសុខ និងសេដ្ឋកិច្ច។លោកបន្តថា “ យើងមាន គម្រោង ដល់ឆ្នាំ២០១៧ ធ្វើម៉េចឲ្យបានប្រាំពាន់លានដុល្លារអាមេរិក”។សូមបញ្ជាក់ ថា កាលពីខែធ្នូ ឆ្នាំ២០១០ កន្លងទៅប្រមុខរាជរដ្ឋាភិបាល កម្ពុជា សម្តេចតេជោហ៊ុន សែន និងលោក វេន ជាបាវ នាយក រដ្ឋមន្រ្តី ក្រុមប្រឹក្សារដ្ឋ នៃ ប្រទេសចិន បានអះអាង ពីការជំរុញកិច្ចសហប្រតិបត្តិការទ្វេភាគី (កម្ពុជា ចិន)ឲ្យឈាន ដល់កិច្ច សហប្រតិបត្តិការ ភាពជា ដៃ គូយុទ្ធសាស្រ្ត គ្រប់ជ្រុងជ្រោយ។ហើយឆ្នាំ២០១២ ក្នុងដំណើរទស្សនកិច្ចលោក ប្រធានាធិបតី ហ៊ូ ជិនតាវ មកកម្ពុជាបានសម្រេចឲ្យមាន ”ផែនការសកម្មភាព” ដើម្បីអនុវត្តកិច្ច សហប្រតិបត្តិ ការភាពជាដៃគូ យុទ្ធសាស្រ្តគ្រប់ជ្រុងជ្រោយ រវាងប្រទេសទាំងពីរកាន់តែប្រសើរថែមទៀតផងដែរ៕ ដោយ ៖ រតនា