ប្រទេសប៊ុលលីវី៖ កាលពីល្ងាចម្សិលមិញ ប្រទេសប៊ុលលីវីបានបង្ហោះផ្កាយរណបមុនដំបូងបំផុតរបស់ខ្លួនទៅ
កាន់លំហអាកាសដោយជោគជ័យ។ អ្នកយកព័ត៌មានបានអោយដឹងថា មនុស្សជាច្រើននាក់បាននាំគ្នាអបអរ សាទរនៅចំពីមុខកញ្ចក់ទូរទស្សន៍ដ៏ធំមួយនៅក្នុងទីក្រុង La Paz ហើយនាំគ្នាមើលការបង្ហោះនោះ។ គួរបញ្ជាក់
ផងដែរថា ផ្កាយរណបមួយប្រភេទនោះឈ្មោះ Tupak Katari មានទំងន់ ៥.២តោនគឺត្រួវបានគេបង្ហោះឡើងនៅ
ក្នុងខេត្ត Sichuan ប្រទេសចិន វេលាម៉ោង១៦និង៤២នាទី។ ផ្កាយរណបមួយប្រភេទនោះគឺមានតំលៃរហូតដល់ ១៨៥លាន ផោនឬក៏ ៣០២លានដុល្លារ។
លោកប្រធានាធិបតី Evo Morales បានមានប្រសាសន៍ថា វាគឺជាពេលដែលយើងត្រួវបញ្ចប់ការប្រើប្រាស់ប្រ
ព័ន្ធទាក់ទងរបស់ប្រទេសមហាអំណាចផ្សេងៗទៀតហើយ។ លោក Ivan Zambrana បានមានប្រសាសន៍បន្ត
ទៀតថា ផ្កាយរណបមួយប្រភេទនោះនឹងវិលជុំវិញគន្លងខ្សែអេក្វាទ័រអស់រយះពេល ១០ថ្ងៃហើយវានឹងចាប់
ផ្តើមប្រតិបត្តិការជាធម្មតានៅខែមីនាខាងមុខនេះ។ ដោយ៖ តុលា
