អៀកឡង់ខាងជើង៖ កាលពីល្ងាចថ្ងៃច័ន្ទម្សិលមិញ ការវាយប្រហារដ៏សាហាវមួយគឺបានកើតឡើងនៅក្នុងខេត្ត Antrim ពោលគឺមនុស្ស ៦នាក់ត្រួវបានគេចាក់ជាច្រើនកាំបិត ដែលបានបណ្តាលអោយពួកគេទាំង ៦នាក់នោះរង
របួសជាទំងន់។ គួរបញ្ជាក់ផងដែរថា ស្រ្តីម្នាក់នៅក្នុងចំណោមជនរងគ្រោះខាងលើនេះគឺ កំពុងតែធ្វើការវះកាត់ជា
បន្ទាន់ ស្របពេលដែល បុរស ២នាក់និងស្រ្តីម្នាក់ផ្សេងទៀតគឺកំពុងតែ សំរាកព្យាបាលជាធម្មតានៅក្នុងមន្ទីពេទ្យ រីឯមនុស្ស ២នាក់ផ្សេងទៀតគឺបានធូរ ស្រាលជាងមុនហើយ។ មន្រ្តីប៉ូលីសបានអះអាងថា ហេតុការណ៍វាប្រហារ ខាងលើនេះ គឺបានកើតឡើងនៅវេលាម៉ោង ១៦នឹង០០នាទី ក្បែរសួនច្បារ Ballyduff នៃទីក្រុង Newtownabbey។
លោក John McPoland ដែលជាភ្នាក់ងារជួយសង្រ្គោះរបស់ប្រទេសអៀកឡង់ខាងជើងបានមានប្រសាសន៍ថា មនុ
ស្ស ២នាក់ក្នុងចំណោមមនុស្ស ៦នាក់ខាងលើគឺរងរបួសធ្ងន់ធ្ងរ។ គួរបញ្ជាក់ទៀតផងដែរថា មនុស្ស ៦នាក់ខាងលើ គឺត្រួវបានគេចាក់ជាច្រើនកន្លែងនៃតួខ្លួនដូចជា ទ្រូង ខ្នងនិងគ្រលៀនជាដើម។ ដោយ៖ តុលា