ប្រទេសប្រេស៊ីល៖ កាលពីថ្ងៃអាទិត្យម្សិលមិញ អ្នកគាំទ្រក្រុម Vasco da gama និងអ្នកគាំទ្រក្រុម Atletico Paranaense បានប៉ះទង្គិចគ្នាយ៉ាងខ្លាំងនៅក្នុងពហុដ្ឋានជាតិប្រេស៊ីលJoinville Arena ស្ថិតនៅភាគខាងត្បូងនៃរដ្ឋ Santa Catarinaដែលបានបណ្តាលអោយមនុស្ស ៣នាក់រងរបួសធ្ងន់នៅក្នុងហេតុការណ៍នោះ។ មន្រ្តីប៉ូលីសបាន អោយដឹងថា ជនរងគ្រោះទាំង ៣នាក់នោះគឺត្រួវបានបញ្ជូនតាមឧទ្ទម្ភាគចក្រទៅព្យាបាលនៅមន្ទីពេទ្យភ្លាមៗ។ កីឡាករ Luis Alberto បានមានប្រសាសន៍ថា តាំងតែពីគាត់បានចាប់ផ្តើមលេងបាល់ទាត់អស់រយះពេលជាង ២០ឆ្នាំមកគឺគាត់មិនដែលឃើញអំពើហឹង្សាបែបនេះពីមុនឡើយ។

បន្ទាប់ពីមានអំពើហឹង្សាបានកើតឡើងអាជ្ញាកណ្តាលក៏បានបញ្ចប់ការប្រកួតនោះភ្លាមៗដោយអោយក្រុម Vasco
da gama ឈ្នះលើក្រុម Atletico Paranaense ជាមួយ នឹងលទ្ធផល៥-១។ យោងតាមសាក្សីម្នាក់បានអោយដឹងថា អំពើហឹង្សាក្នុងប្រទេសនេះគឺជាបញ្ហាដ៏ចម្បងមួយសំរាប់ការប្រកួតបាល់ទាត់ពិភពលោកនៅឆ្នាំក្រោយនេះ។ ដោយ៖ តុលា