ភ្នំពេញ៖ មជ្ឈមណ្ឌល បុប្ផាណា និង ក្រសួងវប្បធម៌និងវិចិត្រសិល្បៈ សហការជាមួយរោងភាពយន្ដជាដៃគូចំនួន៤ បានដាក់បញ្ចាំងភាពយន្តជាតិ និងអន្ដរជាតិ ប្រកបដោយគុណភាព ចំនួន៦៩ រឿង មកពី១៩ប្រទេស ដោយឥតគិតថ្លៃ ជូនសាធារណជនទស្សនា ។ នេះមហោស្រពភាពយន្តអន្ដរជាតិកម្ពុជា លើកទី៤ ដែលដាក់បញ្ចាំង ពីថ្ងៃទី៧ ដល់១២ ។
.jpg)
មហោស្រពភាពយន្តអន្ដរជាតិកម្ពុជា ធ្វើឡើងដើម្បីជម្រុញទស្សនិកជនខ្មែរ ឲ្យវិលត្រឡប់ទៅកាន់រោងភាពយន្ត ព្រមទាំងចែករំលែកមនោសច្ចេតនារបស់ខ្លួន នៅចំពោះមុខផ្ទាំងសំពត់ស។ ភាពយន្តល្អៗមកពីបណ្ដាប្រទេសនៅក្នុងតំបន់ និងពិភពលោក ត្រូវបាន ប្រមូលយកមកចូលរួម ដើម្បីចែករំលែកបទពិសោធន៍ផលិតភាពយន្តល្អៗ ដល់ផលិតករ និងសមិទ្ធិករកម្ពុជា ក្នុងគោលដៅពង្រឹង និងពង្រីកវិស័យភាពយន្តនៅកម្ពុជា ឲ្យកាន់តែរីកចម្រើន ។ មហោស្រពភាពយន្តនេះថា ជាការបើកឱកាសដល់ផលិតករវ័យក្មេង ក្នុងការបង្ហាញស្នាដៃរបស់ខ្លួនដល់សាធារណជននិងជនបរទេស នៅជុំវិញពិភពលោកផងដែរ ។ ហើយដើម្បីជម្រុញការផលិតភាពយន្តកម្ពុជា ឲ្យកាន់តែដើរលឿនទៅមុខទៀត ។ ភាពយន្តទាំងអស់ គឺ បានបង្ហាញពីវប្បធម៌ អរីយធម៌ ប្រពៃណី របស់បណ្តាលប្រទេសនីមួយៗ។
.jpg)
មហោស្រពឆ្នាំនេះ ក៏នឹងមានវត្តមានភ្ញៀវកិត្តិយសចូលរួម ជាម្ចាស់ពានរង្វាន់អូស្កា អ្នកដឹកនាំរឿងជនជាតិបារាំង, សមិទ្ធិករភាពយន្តឯកសារជើងចាស់ ជនជាតិអូស្ដ្រាលី, នៅក្នុងឱកាស ចាប់បើកមហោស្រព ខ្សែភាពយន្តអន្តរជាតិកម្ពុជា ក៏មានការប្រគល់ពានរង្វាន់ ដល់ សមិទ្ធិករនិងផលិតករភាពយន្តខ្មែរ គឺ លោក ប៉ាន់ រិទ្ធី និងតារាសម្តែង ផងដែរ ។
.jpg)
លោកជំទាវ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ បានមានប្រសាសន៏ ថា បើទោះ បី ខ្សែភាព យន្តទាំងអស់ដែលបានដាក់បញ្ចាំងនាពេលនេះ វាបានឆ្លុះបញ្ចាំងពី ទេពកោសល្យស្នាដៃ វប្បធម៌ខុសៗ គ្នាយ៉ាង ណាដោយ ក៏ខ្សែភាពបានបង្ហាញពីការ អប់រំ ការរស់នៅ ការរួមសហការគ្នា របស់សមិទ្ធិករ ក្នុងការ ថតខ្សែ ភាព យន្ត។ លោកជំទាវា បានបញ្ជាក់ថា កម្ពុជា បារាំងបានចុះហត្ថលេខាថតខ្សែភាពយន្តរួមគ្នា ដែលជាការបើកផ្លូវឲ្យផលិតកម្មភាពយន្តនៅកម្ពុជាយើង អាចស្វែងរកដៃគូជាមួយផលិតកម្មភាពយន្តនៅប្រទេស បារាំង។ ហើយយើងសង្ឃឹមថា តាមរយៈផលិតកម្មនេះ គឺមានការត្រៀមបម្រុងហើយ នូវការថត ខ្សែភាពយន្តរួមគ្នា រវាងកម្ពុជា និងបារាំង ជាជំហានបន្ទាប់។ ហើយម្យ៉ាងទៀត វាក៏ជា ឱកាសឲ្យក្មេងៗ អ្នកដឹកនាំរឿង សិល្បករកម្ពុជា អាចមានឱកាសស្វែងរកបទពិសោធន៏ជា មួយដៃគូបារាំង»។ ដោយ៖ អភិរក្ស