ភ្នំពេញ៖ ការរីកចំរើនផ្នែកប្រព័ន្ធឌីជីថលកំពុងស្ថិតនៅដំណាក់​កាលកណ្តាលនៃគោល​នយោបាយ របស់រដ្ឋាភិបាល​ភាគ​ច្រើននៅក្នុងតំបន់ និងពិភពលោកដើម្បីអភិវឌ្ឍន៏ការផ្សព្វផ្សាយព័ត៌ មាននិងដំណឹងទៅកាន់សាធារណៈ​ជន ។

ឯកឧត្តមខៀវកញ្ញារិទ្ធរដ្ឋមន្រ្តីក្រសួងព័ត៌មានបានមានប្រសាសន៏ថា​ កម្ពុជា និងប្រទេសសមាជិកអាស៊ានផ្សេងទៀត បានបង្ហាញនូវការប្តេជា ចិត្តដ៏រឹងមាំ លើការផ្សព្វផ្សាយតាមរយៈទូរទស្សន៍ឌីជីថលនៅរវាងឆ្នាំ២០១៥ ដល់២០២០ ដូចដែលបានរៀបចំឡើងដោយសន្និសីទលើកទី១០របស់រដ្ឋមន្រ្តីអាស៊ានទទួលខុសត្រូវ ផ្នែកព័ត៌មាននៅក្នុងទីក្រុង​វៀងច័ន្ទ ប្រទេសឡាវ កាលពីឆ្នាំ២០០៩។ លើសពីនេះទៀត អំឡុងកិច្ចប្រជុំនៅទីក្រុងកូឡាឡាំពួរ ប្រទេសម៉ាឡេស៊ី កាលពីឆ្នាំ២០១២ បណ្តារដ្ឋមន្រ្តី បានគាំទ្រនូវគំនិតផ្តួចផ្តើមបង្កើតការផលិតរួមគ្នាមួយ​នូវកម្មវិធីទូរទស្សន៍ដែល​មានចំណង ជើងថា“ពណ៌អាស៊ាន” “Colors of ASEAN” ហើយនឹងត្រូវបញ្ចប់រួចរាល់នៅខែធ្នូឆ្នាំ ២០១៣នេះ។

ឯកឧត្តមបានបន្តទៀតថាការផ្សព្វផ្សាយបានផ្តល់នូវបណ្តាញព័ត៌មានដែលមានឥទ្ធិពលជាច្រើនទាក់ទងនឹងព្រឹត្តិការណ៍ផ្សេងៗការអប់រំនិងការកំសាន្តជាដើម។ការរីកចំរើនផ្នែក ប្រព័ន្ធឌីជីថលកំពុងស្ថិតនៅដំណាក់កាលកណ្តាល​នៃ​​​គោលនយោបាយរបស់រដ្ឋាភិបាលភាគច្រើននៅក្នុងតំបន់និងពិភពលោកដើម្បីអភិវឌ្ឃនូវការផ្សព្វផ្សាយព័ត៌មាននិងដំណឹងទៅកាន់សាធារណៈជន។បដិវត្តន៍ផ្នែកបច្ចេកវិទ្យានេះមិនមែនគ្រាន់តែរួមចំណែក ពង្រឹង ប្រសិទ្ធិភាពក្នុង​វិស័យ​ឧស្សាហកម្មផ្សព្វផ្សាយប៉ុណ្ណោះទេ ប៉ុន្តែក៏លើកតំកើងនូវគុណភាព ជីវិតមនុស្សជាមួយនឹងកំណើន​សេដ្ចកិច្ច​ឥត​ឈប់ឈរទៀតផង។ហើយក្រសួងព័ត៌មានរបស់ប្រទេស​កម្ពុជាត្រៀមខ្លួនរួចជាស្រេច​ក្នុងការចូលរួម​សហការ​យ៉ាង​​​​​ពេញទំហឹងជាមួយស្ថាប័នជាតិនិងអន្តរជាតិដើម្បីធ្វើការតំឡើងនិងធ្វើសមាហរណកម្ម បច្ចេកវិទ្យា​​ជឿនលឿន​នៅក្នុងប្រតិបត្តិការផ្សព្វផ្សាយនេះ ៕ ដោយ៖ អភិរក្ស