ភ្នំពេញ៖ លោក ងិន សៅរ័ត្ន នាយកប្រតិបត្តិនៃអង្គការកម្ពុជាបានស្នើសុំឱ្យមានការលុបបំបាត់ឧបសគ្គគ្រប់នានា និងផ្តល់ជាឱកាសការងារដល់ជនពិការ ដើម្បីចូលរួមអភិវឌ្ឍន៍សេដ្ឋកិច្ចសង្គមជាតិ សម្រាប់យើងទាំងអស់ ដោយពុំមានការរើសអើង ហើយមានស្មើភាពគ្នារបស់ជនពិការក្នុងការចូលរួមដ៏ពេញលេញ ពីក្រុមជនពិការភាព។នេះជាការអំពាវនាវរបស់អង្គការជនពិការកម្ពុជាដែលបានប្រារព្ធខួបលើកទី១៥ នៃទិវាជនពិការកម្ពុជា និងខួបលើកទី៣១នៃទិវាជនពិការអន្តរជាតិ ស្ថិតក្រោមប្រធានបទ«ដករនាំង បើកចំហ ដើម្បីការអភិឌ្ឍសម្រាប់ទាំងអស់គ្នា» ដែលបានធ្វើឡើងនៅមហោស្រពចេនឡា ក្បែរផ្សារដើមគ រាជធានីភ្នំពេញ កាលពីព្រឹកថ្ងៃទី៣ ខែធ្នូ ២០១៣នេះ។
លោកនាយកប្រតិបត្តិនៃអង្គការកម្ពុជាបានបន្តទៀតថា មនុស្សជាង៦ពាន់លាននាក់ក្នុងពិភពលោកមានមនុស្សប្រមាណ៥០០លាននាក់កំពុងមានជីវិតរស់នៅក្នុងលក្ខណៈ ជាអ្នកពិការកាយឬសតិសម្បទា។ជនពិការនៅតែទទួលរងការចាញ់ប្រៀបខាង ជីវភាពសេដ្ឋកិច្ចនិងសង្គមដោយពួកគេពុំបានទទួលសិទ្ធិពេញលេញ និងសេចក្តីថ្លៃថ្នូរដូចមនុស្សទូទៅឡើយ។លោកបន្ថែមថា ជនពិការប្រមាណ២ភាគ៣ត្រូវរស់នៅក្នុងភាពក្រខ្សត់ និងទុរ្ភិក្ស។នេះគឺជាករណីមួយដែលអង្គការសហប្រជាជាតិពុំអាចព្រងើយកន្តើយ ឬមិនយកចិត្តទុកដាក់បានឡើយ។
លោក ងិន សៅរ័ត្ន បញ្ជាក់ថា ឆ្នាំ២០១៣ នេះ ប្រធាបទ«លុបបំបាត់ឧបសគ្គនានា និងផ្តល់ឱកាសដល់ជនពិការដើម្បីសង្គម មួយសម្រាប់យើងទាំងអស់គ្នា»។ ពិតជាមានន័យយ៉ាងវិសេសវិសាលសម្រាប់ ជនពិការលើពិភពលោកជាពិសេសសម្រាប់បងប្អូនជនពិការក្នុងប្រទេស កំពុងអភិវឌ្ឍន៍ដូចប្រទេសកម្ពុជា។លោកបន្ថែមថាដោយសារបច្ចុប្បន្ន ទោះបីជាកម្ពុជាមានច្បាប់ស្តីពីកិច្ចការពារនិងលើកកម្ពស់សិទ្ធជនពិកា រនិងបានផ្តល់សច្ចាបន័លើអនុសញ្ញាសិទ្ធជនពិការអន្តរជាតិហើយក៏ដោយ ក៏យើងនៅសង្កេតឃើញថាជនពិការពុំទាន់បានចូលរួបរួមក្នុងការអភិវឌ្ឍន៍ពេញលេញនៅឡើយទេ។ ការរើសអើងជាច្រើននៅតែកើតមានឡើងចំពោះជនពិការជាពិសេស ជនពិការគរថ្លង់,ពិការភ្នែកនិងជនពិការខ្សោយសតិបញ្ញា។ពួកគេ មានឱកាសតិចតួចចូលរួមសង្គម។
ទោះបីជាយ៉ាងនេះក្តី ជនពិការក្នុងប្រទេសកម្ពុជាយើងមានធ្វើការងារ២ភាគរយក្នុងវិស័យរដ្ឋ និង១%ក្នុងវិស័យឯកជនក៏យើងសង្កេតឃើញថាជនពិការភាគច្រើនជា ជនពិការនៃប្រភេទផ្សេងទៀតមិនទាន់មានឱកាសនៅឡើយ
។ជនពិការនៅតែរស់នៅ ក្រោមបន្ទាត់ភាពក្រីក្រ ខ្វះឱកាសក្នុងការចូលរួមអភិវឌ្ឍន៍, ការទទួលការអប់រំ ,ទឹកស្អាត ការចូលរួមឆាកនយោបាយសេដ្ឋកិច្ច និងសង្គម។
ជាមួយនោះដែរ ក្នុងសារាចរមួយដែលចេញដោយសម្តេចតេជោសែនកាលពីថ្ងៃទី២ ខែធ្នូ សម្តេចបានណែនាំចាត់តាំងមន្ត្រីក្រោមបង្គាប់រៀបចំអបអរទិវាជនពិការ កម្ពុជាជាតិនិងអន្តរជាតិអោយបានអ៊ឹកអធិក ដោយមានការ ចាត់តាំងការឃោសនាផ្សព្វផ្សាយយ៉ាងទូលំទូលាយ…ការចាត់តាំងមេទ្ទិញ ជួបសំណេះសំណាលជាមួយជនពិការ…ការបង្កើតកម្មវិធីកម្សាន្តសប្បាយរបស់ ជនពិការនៅតាមក្រសួងស្ថាប័ននិងអង្គភាពនានាតាមមូលដ្ឋានរៀងៗខ្លួន ។ល។ផងដែរ។
ក្នុងសារដដែល សម្តេចតេជោ នៅបានជម្រុញឲ្យមានការផ្លាស់ប្តូរឥរិយាបថ ការយល់ឃើញរបស់សង្គម ចំពោះជនពិការក្នុងការទទួលស្គាល់សកម្មភាព និងសម្លេងរបស់ជនពិការ ដែលនឹងនាំមកនូវការលើកកំពស់ដល់ការអភិវឌ្ឍសង្គម។គួរបញ្ជាក់ផងដែរថា ទិវានេះប្រារព្ធឡើងក្នុងគោលបំណង ដើម្បីរំលឹកដល់ការអនុវត្តន៍ច្បាប់ស្តីពីកិច្ចការពារ និងលើកកម្ពស់សិទ្ធិជនពិការ និងបង្ហាញពីការយកចិត្តទុកដាក់របស់រាជរដ្ឋាភិបាលកម្ពុជា ចំពោះបញ្ហាពិការភាព ជា ពិសេសបងប្អូនជនពិការកម្ពុជា ស្របតាមអនុសញ្ញាស្តីពីសិទ្ធិជនពិការ ទសវត្ស ជនពិការ និងបទដ្ឋានជាតិ អន្តរជាតិ ស្តីពីសិទ្ធិជនពិការ៕ ដោយ៖ ភីនរ៉ា