ប្រទេសម៉ាល់តា៖ នាយករដ្ឋមន្រ្តីប្រទេសម៉ាល់តាបាននិយាយថា មនុស្សយ៉ាងហោចណាស់ ២៧នាក់ បានស្លាប់បន្ទាប់ពីទូកមួយគ្រឿងដឹកជនអន្តោប្រវេសន៍ប្រហែលជាង ២០០នាក់បានក្រឡាប់នៅឯ
សមុទ្រមីឌីទែរ៉ាណេ។ ក្រុមនាវាសង្រ្គោះរបស់ប្រទេសម៉ាល់តានិងប្រទេសអ៊ីតាលីគឺកំពុងតែស្វែងរក
មនុស្សដែលធ្លាក់ចូលក្នុងសមុទ្រនោះ។ លោក Joseph Muscat នាយករដ្ឋមន្រ្តីប្រទេសម៉ាល់តាបាន
អោយដឹងថា រហូតមកដល់ពេលនេះមនុស្ស ២០៣នាក់ត្រូវបានជួយសង្រ្គោះ។ ទូកដឹកជនអន្តោប្រ
វេសន៍ជាង ២០០ នាក់បានក្រឡាប់នៅរយះចំងាយ ១២០គីឡូម៉ែត្រពីកោះ Lampedusa របស់ប្រទេស
អ៊ីតាលីដែលជាកន្លែងដែលនាវាដ៏ធំដឹកជនអន្តោប្រវេសន៍ជនជាតិអាព្រិចជាង ៣០០ នាក់បានលិច នៅទីនោះកាលពីសប្តាហ៍មុន។

លោកបានបន្តទៀតថា ទូកដែលដឹកជនជាតិអាព្រិចទាំងនោះបានជួបបញ្ហាមុនពេលថ្ងៃលិច។អ្នករាយការណ៍បានអោយដឹងថា ជនអន្តោប្រវេសន៍បាននាំគ្នាទៅផ្នែកម្ខាងនៃទូកក្នុងគោលបំ
ណង ដើម្បីឡើងជិះយន្តហោះដែលឆ្លងកាត់ទីនោះទើបបណ្តាលអោយទូកនោះក្រឡាប់ទៅ។
ទីប្រឹក្សាររបស់លោក Muscat បាននិយាយថា មនុស្ស ១៤៧នាក់ត្រូវបានជួយសង្រ្គោះដោយក្រុម
ល្បាតរបស់ប្រទេសម៉ាល់តានិងមនុស្ស ៥៦នាក់ផ្សេងទៀតត្រូវបានជួយសង្រ្គោះដោយក្រុមនាវិកអ៊ីតាលី។

លោកនាយករដ្ឋមន្រ្តីប្រទេសម៉ាល់តា បាននិយាយថាក្មេង ៣នាក់ក៏បានស្លាប់ក្នុងហេតុការណ៍នោះ
ដែរ ហើយលោកបានអំពាវនាវអោយសហគមន៍អឺរ៉ុបជួយជ្រុមជ្រែងលើការរុករកនិងសង្រ្គោះបន្ទាន់
ភ្លាមៗ ដើម្បីជៀសវៀងកុំអោយមានការសោកនាដកម្មបែបនេះនៅពេលក្រោយៗទៀត។ ពួកយើងមិន
អាចអោយសមុទ្រមីឌីទែរ៉ាណេនេះក្លាយជាកន្លែងវាលខ្មោចឡើយ។ ដោយ៖ តុលា