ភ្នំពេញ៖ក្លឹបអ្នកកាសែតកម្ពុជានិងសម្ព័ន្ធភាពកម្ពុជាដើម្បីតម្លាភាពចំណូលធនធានមនុស្សបានរួមគ្នា
លើកទឹកចិត្តនិងជម្រុញដល់អ្នកសារព័ត៌មានកម្ពុជាទាំងអស់ឲ្យយកចិត្តទុកដាក់សរសេររឿងស៊ើប​អង្កេត
ឲ្យបានច្រើនជាងសព្វថ្ងៃនេះ  ពិសេសទាមទាឲ្យមានការវិនិយោគបន្ថែមទៀតពាក់ព័ន្ធទៅនឹង​រឿងវិស័យ
ឧស្សាហកម្មនិស្សារណកម្ម  (រ៉ែប្រេងនិង​ឧស្ម័ន)   នៅប្រទេសកម្ពុជា​ដើម្បីរួមគ្នាជួយកែប្រែស្ថាបនាសង្គម
របស់យើងបន្ថែមឈានទៅអភិវឌ្ឍ​ជាតិយ៉ាង​ល្អប្រសើរនាពេលខាងមុខ។

តាមរយៈការជម្រុញខាងលើនេះបណ្តាញសង្គមស៊ីវិលបានលើកទឹកចិត្តដល់អ្នកកាសែតមួយចំនួនដែល
បានសរសេររឿងពាក់ព័ន្ធទៅនឹងរ៉ែប្រេងនិងឧស្ម័ន្មនៅកម្ពុជា  ដោយបានប្រគល់នូវរង្វាន់លើកទឹក​ចិត្តដើ
ម្បីជម្រុញឲ្យពួកគេសរសេរឲ្យបានច្រើនល្អនិងកាន់តែស៊ីជម្រៅបន្ថែមទៀតអំពីបញ្ហានេះ។

លោកប៉ែនសមិទ្ធិប្រធានក្លឹបអ្នកកាសែតកម្ពុជាបានលើកឡើងថា  អ្វីដែលយើងបានធ្វើនៅពេលនេះក្នុង
គោលបំណង  លើកទឹកចិត្តដល់អ្នកកាសែត   ឲ្យមានសេចក្តីរាយការណ៍ច្រើនថែមទៀតទៅនឹងប្រធាន
បទដែលបានលើកឡើងខាងលើ  ។   លោកបន្តថា​ដើម្បីធ្វើសេចក្តីរាយការណ៍ខាងលើនេះបានទាល់តែ
អ្នកសរសេរត្រូវយល់អំពីបច្ចេកទេសច្បាប់ទម្លាប់   និងបទពិសោធន៍នៃបណ្តាប្រទេសនានាដោយ​សិក្សា
ស្វែងយល់អំពីគេបើមិនដូច្នេះទេ   ការសរសេរគឺមិនបានចូលរួមជាមួយសង្គម   និងការអភិវឌ្ឍន៍​ប្រទេស
ជាតិនោះទេ។

លោកស្រី   គឹម  ណាតាសា   នាយិការប្រតិបត្តិនៃសម្ព័ន្ធភាពកម្ពុជាដើម្បីតម្លាភាពចំណូលធនធានបាន
លើកឡើងថា   ខណៈពេលដែលប្រទេសជាតិបាន  នឹងកំពុងអភិវឌ្ឍន៍លើវិស័យឧស្សាហកម្ម​និស្សារ​ណ​កម្មពោលគឺវិស័យប្រេងឧស្ម័ននិងរ៉ែ  និងឈានទៅរកដំណាក់កាលអាជីវកម្មនាប៉ុន្មានឆ្នាំខាងមុខនេះ  ។
ការផ្តល់ព័ត៌មានឲ្យបានកាន់តែទូលំទូលាយ   ដល់សារធារណៈជនពិតជាមានសារសំខាន់ណាស់ក្នុង
កា​រជួយ​លើក​កម្ពស់តម្លាភាព  និងគណនេយ្យភាពក្នុងការគ្រប់គ្រងក៏ដូចជាការគ្រប់គ្រងចំណូល​ដែល
បានទទួលពីលើវិស័យនេះ។

លោកស្រីបញ្ជាក់ថា​នៅមានរឿងជាច្រើនយើងមិនបានផ្សព្វផ្សាយឲ្យបានទូលំទូលាយ​អំពីបញ្ហាខាង​លើ
នេះដូចជាសំណួរដែលទាក់ទងជាមួយនិងវិធីក្រុមហ៊ុនដែលទទួលបានអាជ្ញាប័ណ្ណ និងសំនួរទាក់​ទងជា
មួយរាជរដ្ឋាភិបាលថាតើបានទទួលចំណូលប៉ុន្មាន  រហូតមកដល់សព្វថ្ងៃហ្នឹងពិសេសថាតើ​កម្ពុជា​បាន
ត្រៀមខ្លួនបូមប្រេងនៅឆ្នាំ២០១៦យ៉ាងដូចម្តេចដែរ។ល។ល។

លោកស្រី  បានចាត់ទុកថាអ្នកសារព័ត៌មានពិតជាមានតួនាទីសំខាន់ណាស់ក្នុងការពាំនាំយកនូវកង្វល់និង
សំណូមពពីអ្នកពាក់ព័ន្ធគ្រប់មជ្ឈដ្ឋាន មានរាជរដ្ឋាភិបាល  សង្គមស៊ីវិល   និងអ្នកសហគមដែលរងផលប៉ះ
ពាល់អំពីបញ្ហានេះ។  លោកស្រីបានទទួលស្គាល់ថាមានបញ្ហាប្រឈមជាច្រើនដែល​អ្នក​សារព័ត៌មាន​កំពុង
ជួបប្រទះ ដូចជាខ្វះចំណេះដឹងបញ្ហាមិនយល់ពីបច្ចកទេសអំពីវិស័យនេះ  និង​បញ្ហាខ្វះប្រភពហើយការសរ
សេរលើវិស័យនេះក៏នៅមានកំរិតនៅឡើយ។

សូមបញ្ជាក់ថាអ្នកកាសែតដែលទទួលបានជ័យលាភីនៃការសរសេរអត្ថបទដែលពាក់ព័ន្ធទៅនឹងប្រធានបទ
ខាងលើនេះមាន៥រូប  ក្នុងនោះអ្នកដែលទទួលបានជ័យលាភីលេខ១ គឺបានទៅឈ្មោះវិនឈុនហៀងមកពី
ទស្សនាវដ្តីអប្សរាដែលបានសរសេរអត្ថបទមានចំណងជើងថាកម្ពុជាគួរធ្វើយ៉ាង​ណា  ដើម្បីចៀសផុតពីការ
ត្រូវបណ្តាសារប្រេង។លោកបានទទួលនូវកុំព្យូទ័រយួរដៃមួយគ្រឿង​ជាការ​លើកទឹកចិត្ត។
ចំណែកជ័យលាភីទី២ និងទី៣ទទួលបានម៉ាស៊ីនថតរូបមួយគ្រឿងម្នាក់  គឺបានទៅឈ្មោះ លោកស្រី  សាយ
ផល្លា មកពីវិទ្យុវីអូឌីសរសេរអត្ថបទមានចំណងជើងថាជុំវិញ​ការ​ពន្យា​ពេលធ្វើអាជីវកម្មប្រេងរបស់ក្រុមហ៊ុន
ឆេវ រ៉ុង លោក ជិន  ម៉ាដេប៉ូរ  មកពីកាសែត​រស្មីកម្ពុជាសរសេរ​អត្ថបទមានចំណងជើងថា​   មជ្ឈដ្ឋានពលរដ្ឋ
ព្រួយបារម្មចំពោះការ​បំផ្លាញរ៉ែ​មាស​ខណៈការធ្វើអាជីវកម្ម​ខុស​ច្បាប់កំពុងរីករាលដាល  និងរង្វាន់លើកទឹក
ចិត្តម៉ាស៊ីនថត​សម្លេង​ចំនួន២គ្រឿង​ទៀត  បានទៅ​លោកលីម៉េងហ៊ួមកពីវិទ្យុបារាំងលោកវង្សសុភាពមកពី​គេហទំព័រ​CEN ៕