ប្រទេសអាព្រិចខាងត្បូង៖ មន្រ្តីប៉ូលីសប្រចាំតំបន់ Tongaatបាននិយាយអោយដឹងថា កាលពីល្ងាចម្សិលមិញ
មានមនុស្សម្នាក់បានស្លាប់និងមនុស្សប្រមាណជា ៣០នាក់ទៀតគឺបានរងរបួសជាទំងន់បន្ទាប់ពីអាគារមួយកន្លែង
ក្នុងតំបន់នោះគឺត្រូវបានដួលរលំ។ មន្រ្តីប៉ូលីសដដែលបាននិយាយប្រាប់ភ្នាក់ងារ សារព័ត៌មាន BBCថា ហេតុការ
ណ៍នេះបានកើតឡើងនៅវេលាម៉ោង ១៤នឹង៣០នាទីក្នុងតំបន់ Tongaatដែលមានចំងាយប្រហែលជា ៤០គីឡូម៉ែត ពីទីក្រុង Durban ។

ក្រុមសង្រ្គោះបន្ទាន់ម្នាក់បាននិយាយបន្តទៀតថា មនុស្សប្រហែលជា៣០នាក់គឺត្រូវបានបញ្ជូនទៅមន្ទីរពេទ្យភ្លាមៗ ចំណែកមនុស្សប្រហែលជា ៥០នាក់ផ្សេងទៀតគឺកំពុងតែជាប់គាំងក្នុងកន្លែងកើតហេតុនោះ។ មន្រ្តីប៉ូលីសដដែល បាននិយាយបន្តទៀតថា ក្រុមអ្នកសង្រ្គោះបន្ទាន់ប្រហែលជា ១០០នាក់គឺកំពុងតែធ្វើអន្តរាគមន៍នៅកន្លែងកើតហេតុ
នោះ។ លោក Powell បាននិយាយថា ភាគច្រើននៃជនរងគ្រោះនិងអ្នកស្លាប់គឺជាកម្មករសំណង់ហើយលោកបាន និយាយបន្ថែមទៀតថា ផ្លូវសំខាន់ៗមួយចំនួនដែលស្ថិតនៅក្បែរកន្លែងកើតហេតុនោះគឺត្រូវបាន បិទជាបណ្តោះ
អាសន្ន។ ដោយ៖ តុលា