ភ្នំពេញ៖  បុណ្យខួបអនុស្សាវរីយ៍ទិវាឯករាជ្យ ជាតិលើកទី ៦០ឆ្នាំ (៩ វិច្ឆិកា ១៩៥៣-៩ វិច្ឆិកា ២០១៣) បានចាប់ ផ្តើមនៅម៉ោង ៧ព្រឹកថ្ងៃទី៩ ខែវិច្ឆិកា ឆ្នាំ២០១៣ ក្រោមព្រះរាជាធិបតី​ព្រះករុណាព្រះ មហាក្សត្រកម្ពុជា ព្រះបាទសម្តេចព្រះបរមនាថ នរោត្តម សីហមុនី ដោយមាន​ការធ្វើអង្គមេទ្ទីងមហាជន នៅមុខព្រះបរមរាជវាំងផងដែរ។0

ព្រះមហាក្សត្រខ្មែរ បានយាងទៅដល់ដោយចាប់ផ្តើមពីការដាក់កម្រងផ្កា និងគោរពវិញ្ញាណ​ក្ខន្ធ​បុព្វ​បុរស និងអ្នក ស្នេហាជាតិ ដែល​បានតស៊ូ ដើម្បីបុព្វហេតុឯករាជ្យជាតិពីអាណានិគម និយមបារាំង។ការប្រារព្វពិធីបុណ្យឯករាជ្យជាតិលើកទី៦០ គេសង្កេត​ឃើញមានការអញ្ជើញចូលរួមពី លោកអនុប្រធានទី២ នៃព្រឹទ្ធសភា សម្តេចចក្រី ហេង សំរិន ប្រធានរដ្ឋសភា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្តេចសង្ឃរាជទាំងពីរគណៈ សមាជិកព្រឹទ្ធសភា រដ្ឋសភា រាជរដ្ឋាភិបាល អង្គ​ទូតនានាប្រចាំកម្ពុជា សិស្សានុសិស្ស កងកម្លាំងប្រដាប់អាវុធ និងប្រជាជនយ៉ាងច្រើនកុះករ។

ព្រះករុណា បានដាក់កម្រងផ្កា និងប្រទានភ្លើងជ័យ នៅចំកណ្តាលវិមានឯករាជ្យ មុនពេលព្រះអង្គយាងសំណេះ សំណាលផ្ទាល់​ជា​មួយ​អ្នកចូលរួម ដែលស្ថិតនៅជុំវិញវិមានឯករាជ្យ។បន្ទាប់ពីបញ្ចប់កម្មវិធីនៅវិមានឯករាជ្យហើយនោះ ព្រះមហាក្សត្រ និងថ្នាក់​ដឹក​នាំកំពូលៗ បានយាង និងអញ្ជើញ ទៅចូលរួមអង្គមេទ្ទីងមហាជននៅមុខព្រះបរមរាជ។

សូមរំរឹកថា ប្រទេសកម្ពុជា បានរួចចាកទាំងស្រុងពីអាណានិគមបារាំងនៅថ្ងៃទី៩ វិច្ឆិកា ឆ្នាំ​១៩៥៣ ក្រោមព្រះរាជបូជនីយ​កិច្ច​តស៊ូ​អង់អាចរបស់ព្រះមហាវីរក្សត្រខ្មែរ ព្រះបរមរតនកោដ្ឋ ព្រះបាទសម្តេច នរោត្តម សីហនុ ក្នុងវ័យជាង២០ព្រះវស្សា រួម វីរៈអ្នក​ស្នេហា​ជាតិជាច្រើនរូបផ្សេងទៀត៕  ដោយ៖ ស.ស្អាត