ភ្នំពេញ៖ អង្គការក្រៅរដ្ឋាភិបាលចំនួន០២ បាននាំគ្នាធ្វើការផ្សព្វផ្សាយ របាយការណ៍ស្តីពី ការទទួលបានប័ណ្ណកម្មសិទ្ធិ
ដីធ្លីនៅប្រទេសកម្ពុជា អង្គការទាំងពីរនោះមានវេទិកា នៃអង្គការមិនមែនរដ្ឋាភិបាលស្តីពី កម្ពុជា NGO Forum និង
អង្គការទស្សនៈពិភពលោកកម្ពុជា។ ការផ្សព្វផ្សាយនេះបានធ្វើឡើងកាលពីព្រឹកថ្ងៃទី១៤ ខែមីនា ឆ្នាំ២០១៣
នៅសណ្ឋាគារ កាំបូឌីយ៉ាណា រាជធានីភ្នំពេញ។
លោក ឈិត សំអាតនាយកប្រតិបត្តិ NGO Forum បានថ្លែងនៅក្នុងពិធីនោះថា ការសិក្សាស្រាវជ្រាវ និងពិធីសម្ពោធ
របាយការណ៍ស្តីពី ការទទួលបាន ប័ណ្ណកម្មសិទ្ធិដីធ្លី នៅកម្ពុជា ត្រូវបានរៀបចំ ឡើងក្រោមកិច្ច សហការ ពីវេទិកានៃ
អង្គការ មិនមែនរដ្ឋាភិបាល ស្តីពីកម្ពុជា និងអង្គការទស្សនៈ ពិភពលោកកម្ពុជា ដោយមានការផ្តល់យោបល់ និងគាំទ្រ
ពីសមាជិកបណ្តាញ សិទ្ធិដីធ្លី និងលំនៅឋាន និងដៃគូអភិវឌ្ឍន៍។
លោកនាយកប្រតិបត្តិ NGO Forum បានបន្តទៀតថា របាយការណ៍នេះ មានគោលបំណងសិក្សា ដើម្បីឆ្លើយតប
ទៅនឹងដំណើរការនៃការចុះបញ្ជីដីមានលក្ខណៈជាប្រព័ន្ធ ការកើនឡើងនៃការឆ្វៀលចេញនិងបញ្ហាផ្សេងៗនៃការ
ចុះបញ្ជីបន្តជាពិសេសការផ្ទេរប័ណ្ណកម្មសិទ្ធិ បន្ទាប់ពីការចុះបញ្ជីមានលក្ខណៈជាប្រព័ន្ធដែលមានផលប៉ះពាល់មក
លើជីវិតរស់នៅ និងជីវភាពប្រចាំថ្ងៃរបស់ក្រុមប្រជាពលរដ្ឋក្រីក្រ និងក្រុមងាយរងគ្រោះនៅកម្ពុជា។
លោកបន្ថែមថា ការស្រាវជ្រាវនេះ គឹធ្វើឡើងដើម្បីធ្វើការសិក្សាបន្ថែម ផ្អែក ទៅលើរបាយការណ៍មួយ ដែលមានចំណង
ប័ណ្ណកម្មសិទ្ធិ និងភាពក្រីក្រ នៅឆ្នាំ២០០៧ របស់វេទិកានៃអង្គការ មិនមែនរដ្ឋាភិបាលស្តីពីកម្ពុជា និងគណៈកម្មាធិការ
សហប្រតិបត្តិការដើម្បីកម្ពុជា។
លោកបញ្ជាក់ថា សុវត្ថិភាពដីធ្លី គឺជាកត្តាចម្បងសម្រាប់ធានានូវការអភិវឌ្ឍសេដ្ឋកិច្ច និង សង្គម ដើម្បី ធ្វើឲ្យជីវភាពរបស់
ប្រជាពលរដ្ឋ មានភាពប្រសើរឡើង និងរួមចំណែកក្នុង ការពន្លឿនការ កាត់បន្ថយភាពក្រីក្រនៅកម្ពុជា។
គួរបញ្ជាក់ផងដែរថា ការស្រាវជ្រាវបានសិក្សានៅក្នុងខេត្ត-ក្រុង ចំនួន០៤ រួមមាន ខេត្តបន្ទាយមានជ័យ ខេត្ត ព្រះសីហនុ
ខេត្តកំពង់ចាម និងរាជធានីភ្នំពេញ។ វិធីសាស្រ្តក្នុងការស្រាវជ្រាវធ្វើឡើងដោយការពិនិត្យមើលឯកសារមុនៗ និងចុះ
សម្ហាសន៍ក្នុងតំបន់គោលដៅ (បរិមាណ និងគុណភាព)។ ការសិក្សានេះបានជួបសម្ហាសន៍ជាមួយប្រជាពលរដ្ឋ
ចំនួន១២៨គ្រួសារ រៀបចំក្រុម ពិភាក្សាចំនួន ០៧ក្រុម មន្រ្តីសំខាន់ៗចំនួន២៥រូប និងមានការចងក្រងជាឯកសារ
ជាក់លាក់ផងដែរ៕ ស.ស្អាត