ប្រទេសហ្វីលីពីន៖ ក្រុមព្យាករណ៍ឧត្តុនិយមបានទាយទុកថា នៅថ្ងៃស្អែកនេះខ្យល់ព្យុះទីហ្វុង Haiyan នឹងបន្តបោកបក់ លើប្រទេសហ្វីលីពីនទៀតជាមួយនឹងល្បឿនខ្យល់ ២៧៨គីឡូម៉ែតក្នុងមួយម៉ោង។ ក្រុមសង្រ្គោះបន្ទាន់បានអោយដឹងទៀត
ថា ប្រជាជននៅតាមតំបន់មួយចំនួនត្រូវបានជម្លៀសចេញពីទីលំនៅរបស់ពួកគេចំណែកសាលារៀនក៏ត្រូវបានបិទជាបណ្តោះ អាសន្នដែរ។ មន្រ្តីប៉ូលីសបាននិយាយថា ទូកនេសាទទាំងអស់ត្រូវបានបញ្ជាអោយត្រលប់មកកំពង់ផែវិញព្រោះថា នៅថ្ងៃ
ស្អែកនេះនឹងមានការបាក់ស្រុតដីជាច្រើនកន្លែងនៅតាមកោះ Samarនិងកោះ Leyte។
ក្រុមព្យាករណ៍ឧត្តុនិយមបាននិយាយបន្តទៀតថា ខ្យល់ព្យុះទីហ្វុង Haiyanនេះនឹងបន្តបោកបក់លើតំបន់ទំនាបកណ្តាល ដែលទើបតែជួបបញ្ហាការរញ្ជួយដីកាលពីខែមុនរួចមក។ ក្រុមសង្រ្គោះបន្ទាន់បាននិយាយបន្តទៀតថា មនុស្សជាង ៥០០០
នាក់គឺកំពុងរស់នៅក្នុងតង់លើកោះ Bohol បន្ទាប់ពីផ្ទះរបស់ពួកគេត្រូវបានបំផ្លិចបំផ្លាញនៅក្នុងការរញ្ជួយដីនោះ។ ក្រុមព្យា
ករណ៍ឧត្តុនិយមបាននិយាបន្តទៀតថា ខ្យល់ព្យុះទីហ្វុង Haiyan គឺមានឥទ្ធិពលដូចជាព្យុះទីហ្វុង Bothaកាលពីឆ្នាំ២០១២
ដែរ។ ពួកគេបានលើកឡើងថា កាលពីឆ្នាំ២០១២ព្យុះទីហ្វុង Botha បានឆក់យកជីវិតមនុស្សយ៉ាងហោចណាស់ ១០០០
នាក់និងបាត់បង់ថវិការជាង ៦២០លានផោន។ លោក Glazia Esullar បានប្រាប់ភ្នាក់ងារសារព័ត៌មាន AFPថា ខ្យល់ព្យុះ
ទីហ្វុង Haiyan នេះគឺជាខ្យល់ព្យុះលើកទី ២៥ហើយដែលបានបោកបក់លើប្រទេសហ្វីលីពីន។ ដោយ៖ តុលា
