ភ្នំពេញ៖មន្រ្តីជំនាញផ្នែកជលផល បានអំពាវនាវដោយទទូចដល់ប្រជាពលរដ្ឋកម្ពុជាទាំងអស់ ឲ្យឈប់
បរិភោគត្រីក្រពតដែលមានជាតិពុលចំនួន៣ប្រភេទ និងមានត្រីក្រពតដែលគ្មាន​ជាតិ​ពុលចំនួន៧ប្រភេទផ្សេង
ទៀតគួតែកុំបរិភោគគ្រឿងក្នុងរបស់វាផងដែរ   ព្រោះវាអាចនាំឲ្យពុល និងធ្វើឲ្យមានគ្រោះថ្នាក់ដល់ជីវិត       ។

លោក ណៅ ធួក អគ្គនាយកជលផល​បានធ្វើការអំពាវនាវដល់ប្រជាពលរដ្ឋ​ទាំងអស់ឲ្យឈប់​បរិភោគត្រីក្រពត
មានជាតិពុល   ក៏ដូចជាឈប់បរិភោគគ្រឿងក្នុងត្រីក្រពតគ្មានជាតិពុលផងដែរ  ព្រោះនាំឲ្យមានគ្រោះថ្នាក់ដល់
អាយុជីវិត ។ លោក ណៅ ធូក បានលើកឡើងដូច្នេះកាលពីព្រឹកថ្ងៃទី២៤  ខែមេសា ព្រមទាំងហាមដាច់ខាតបរិ
ភោគត្រីក្រពត    ដែលមានជាតិ​ពុល​ទាំង៣ប្រភេទ    បន្ទាប់ពី​មាន​ករណី​ពុលត្រីក្រពតជាច្រើនករណីបានកើត
ឡើងជាបន្តបន្ទាប់ ដែលបណ្តាលឲ្យអ្នក​បរិភោគ​​ចំនួន១១នាក់ បានស្លាប់ និងមានអ្នករងគ្រោះរហូត១០៣នាក់
ក្នុងរយៈពេលប៉ុន្មាន​ឆ្នាំងកន្លងមកនេះ។

ករណីពុលត្រីក្រពតនេះ ធ្លាប់បានកើតឡើងនៅក្នុង  ស្រុកជលគិរី   ខេត្តកំពង់ឆ្នាំង កាលពីពេល​ថ្មីៗ​នេះ និងឆ្នាំ
កន្លងទៅក៏ធ្លាប់កើតមានករណីនេះនៅស្រុកស្រីស្នំ ខេត្តសៀមរាប នៅស្រុក​ស្អាង ខេត្តកណ្តាល ខេត្តឧត្តរមាន
ជ័យ និងនៅភូមិអម្ពិលទឹក ឃុំសំបួរមាស  ស្រុកមុខកំពូល ខេត្តកណ្តាលទៀតផង  ។

លោកអគ្គនាយកបានហាមដាច់ខាតមិនឲ្យបរិភោគត្រីក្រពតដែលមានជាតិពុលទាំង ៣​ប្រភេទ  ​ដែលមានភិន
ភាគដូចក្នុងរូបភាព   ហើយយកល្អអាត្រីក្រពត  ដែលគ្មានជាតិពុល​៧ប្រភេទផ្សេង​ទៀតកុំបរិភោគ  គ្រឿងក្នុង
របស់វាតែម្តងដើម្បីជៀសវាងការពុលបន្តទៀត។

លោកបានបង្ហាញអំពីសញ្ញានៃការពុលត្រីកំពតឲ្យដឹងថា ការបរិភោគនូវត្រីក្រពតដែលមាន​ជាតិ​ពុលគឺបណ្តា
លឲ្យឈឺក្បាល វិលមុខ ល្ហិតល្ហៃ រឹងថ្គាម ស្ពឹកចុង ដៃ  ចុងជើង រាគរូស ក្អួតចង្អោរ  ឬអាចបណ្តាលឲ្យស្លាប់តែ
ម្តង   ។  បើមានអាការៈពុលបែបនេះត្រូវប្រញាប់បញ្ជូន​អ្នកជំងឺទៅកាន់មន្ទីរពេទ្យណាដែលនៅជិតបំផុតដើម្បី
ជួយសង្រ្គោះបន្ទាន់ មិនត្រូវធ្វេសប្រ​ហែស​ឡើយវាបណ្តាលឲ្យបាត់បង់ជីវិត។

    សូមរំលឹកថា កាលពីថ្ងៃទី១៩ ខែមេសា កន្លងទៅ រដ្ឋបាលជលផល បានចេញ​សេចក្តី​ប្រកាស​ដោយបង្ហាញ
ថា ត្រីក្រពតក្នុងទឹកសាប៣ប្រភេទ ក្នុងចំណោមត្រីកំពត១០ប្រភេទនៅកម្ពុជា រួមមាន៖ Tetraodon cochinchine
nsis, Mon otrete leiurus និង Tetraodon fluviatilis   ដែលមានភិនភាគដូចក្នុងរូបភាព ជាប្រភេទត្រីក្រពតដែលមាន
ជាតិពុលខ្លាំង ។​  ហើយត្រីក្រពត​ ទាំង៣ប្រភេទ  នេះមានជាតិពុលខ្ពស់បំផុតនៅរដូវពងកូន និងបន្តពូជ ដែល
ជាធម្មតាកើត​ឡើងនៅក្នុងខែកុម្ភៈ ខែមីនា និងចន្លោះខែកក្កដា ទៅខែកញ្ញា  ។   ចំពោះជាតិពុលនៅក្នុងខ្លួនត្រី
ក៏មានកម្រិតខុសគ្នាគឺពង និងស្ពែមមានជាតិពុលខ្ពស់បន្ទាប់មកគឺថ្លើម ពោះវៀន ស្បែក និងសាច់ ក៏មិនធម្មតា
ដែរ ដូច្នេះគួរជៀសវាងកុំបរិភោគតែម្តងទៅដើម្បីកុំឲ្យសង្ស័យ៕

ដោយ៖សស្អាត