ប្រទេសអង់គ្លេស៖ មន្រ្តីប៉ូលីសក្នុងចក្រភពអង់គ្លេសបានអោយដឹងថា នៅពេលព្រឹកនេះវេលាម៉ោង ៥:០០ មានខ្យល់ព្យុះមួយបានបោកបក់យ៉ាងខ្លាំងមកលើប្រទេសអង់គ្លេសនិងប្រទេស Wales ដែលបានបណ្តាល អោយការធ្វើដំណើរទាំងអស់ត្រូវបានផ្អាកជាបណ្តោះអាសន្ន។ មន្រ្តីប៉ូលីសដដែលបានបន្តទៀតថា ផ្ទះអ្នក
ស្រុកប្រហែលជា ១៤ម៉ឺនខ្នងគឺគ្មានអគ្គីសនីប្រើប្រាស់។
គាត់បានបន្ថែមទៀតថារហូតមកដល់ពេលនេះស្ពាន M4 Second Severn បានបើកអោយប្រើប្រាស់ឡើងវិញ ហើយក៏ប៉ុន្តែស្ពាន M48 Severn គឺមិនទាន់បើកទេ ចំណែកឯការហោះហើរនៅព្រលានយន្តហោះ Heathrew វិញគឺត្រូវបានលុបចោល។
ក្រុមព្យាករណ៍ឧត្តុនិយមបានអោយដឹងថា ខ្យល់ព្យុះនេះមានល្បឿន ១៥៩គីឡូម៉ែតក្នុងមួយម៉ោង។ ក្រុមសង្រ្គោះ បន្ទាន់បានប្រកាសដំណឹងដល់ប្រជាជនរស់នៅក្នុងតំបន់នោះអោយមានការប្រុងប្រយ័ត្នខ្ពស់ជៀសវាងមានគ្រោះ
ថ្នាក់កើតឡើង។ លោក Robin Gisby ប្រធានគ្រប់គ្រងស្ថានីយ៍រថភ្លើងបាននិយាយថា ការធ្វើដំណើរជាង ៤០ជើង ត្រូវបានផ្អាកបន្ទាប់ពីផ្លូវមួយចំនួនត្រូវបានដើមឈើដួលកិនពីលើ។ មន្រ្តីប៉ូលីសបានអោយដឹងថា ចំនួនអ្នកស្លាប់ ក្នុងហេតុការណ៍នោះទេគឺមិនទាន់បានដឹងនៅឡើយទេ។ ដោយ៖ តុលា
