ភ្នំពេញ៖ ដើម្បីមានការយល់ដឹងកាន់តែច្បាស់លាស់អនុសញ្ញាស្តីពី បេតិកភណ្ឌអរូបិយ ទស្សនៈគន្លឹះ នៃបេតិកភណ្ឌអរូបិយ ការចុះបញ្ជីសារពើភណ្ឌបេតិកភណ្ឌអរូបិយ ទស្សនៈវិស័យបែបបទ នៃការស្នើចុះបញ្ជីបេតិកភណ្ឌ វប្បធម៌អរូបិយ ជាសម្បត្តិមនុស្សជាតិ ក្រសួងវប្បធ៌ម និងវិចិត្រសិល្បៈ បានរៀបចំវគ្គបណ្តុះបណ្តាលមន្រ្តីរបស់ខ្លួន ស្តីពី ការរៀបចំឯកសារ ដាក់ស្នើចុះបញ្ជីបេតិកភណ្ឌវប្បធម៌ អរូបិយពីអង្គការយូណេស្កូ ដែលពិធីនេះបានធ្វើឡើងនាព្រឹកថ្ងៃទី២១ ខែតុលា ឆ្នាំ២០១៣ នៅសណ្ឋាគារសាន់វ៉េ ភ្នំពេញ ។
.jpg)
លោក ថៃ នរៈសត្យា រដ្ឋលេខាធិការក្រសួងវប្បធម៌ និងវិចិត្រសិល្បៈបានថ្លែងនៅក្នុងវគ្គបណ្តុះបណ្តាលនោះថា គោលបំណង នៃវគ្គបណ្តុះ បណ្តាលនេះ គឺដើម្បីរួមចំណែកក្នុងការគ្រប់គ្រង ថែរក្សា ការពារ អភិរក្ស និង លើកតម្លៃបេតិកភណ្ឌវប្បធម៌អរូបិយ ដ៏សម្បូរបែបនៃ ព្រះរា ជាណាចក្រនៃវប្បធម៌ ឲ្យកាន់តែមានគុណភាព និងប្រសិទ្ធភាព និងដើម្បីឲ្យការរៀបចំឯកសារដាក់ស្នើសុំចុះបញ្ជីបេតិកភណ្ឌ វប្ប ធម៌ អរូបិយ៍ នៃអង្គការយូណេស្កូ កាន់តែល្អប្រសើរ ។
លោកបញ្ជាក់ថា អ្វីដែលសំខាន់នេះ គឺក្រសួងមានបំណងពង្រឹងសមត្ថភាពរបស់មន្រ្តីជំនាញឲ្យបានយល់ដឹងកាន់តែ ច្បាស់អំពីអនុ សញ្ញា ស្តីពីបេតិកភណ្ឌវប្បធម៌អរូបិយ ទស្សនៈគន្លឹះ នៃបេតិកភណ្ឌវប្បធម៌អរូបិយ ការចុះបញ្ជីសារពើ ភណ្ឌវប្បធម៌អរូបិយ ការរៀបចំឯកសារ ដាក់ ស្នើសុំចុះបញ្ជីបេតិកភណ្ឌវប្បធម៌អរូបិយ នៃអង្គការយូណេស្កូ និងកិច្ច សង្គ្រោះជាអន្តរជាតិ រួមទាំងទស្សនៈវិស័យ បែបបទ នៃការស្នើចុះ បញ្ជី បេតិកភណ្ឌវប្បធម៌អរូបិយ នៃមនុស្សជាតិ ។
ជាមួយគ្នានេះ ដើម្បីឲ្យការស្នើសុំចុះបញ្ជីបេតិកភណ្ឌវប្បធម៌ អរូបិយពីអង្គការយូណេស្កូ ឲ្យបានត្រឹមត្រូវ និង ច្បាស់លាស់ គឺទាមទារ ឲ្យមន្រ្តី ជំនាញ ដែលធ្វើកិច្ចការងារនេះមានចំណេះដឹងច្បាស់លាស់ ព្រះថាហើយកម្ពុជាយើង នៅមានប្រាង្គ ប្រាសាទជាច្រើនទៀត ដែលត្រវការចុះបញ្ជីដោយគោរពទៅតាមគោលការណ៍ក្នុងការថែរក្សាឲ្យទៅជាបេតិកភណ្ឌមនុស្សធម៌របស់មនុស្សជាតិ និងពិភពលោក ។
សូមបញ្ជក់ថា កន្លងមកកម្ពុជាមានសម្បត្តិវប្បធម៌អរូបីជាច្រើន ដែលត្រូវបានគេដាក់បញ្ជូលទៅក្នុងបញ្ជីសម្បត្តិវប្បធម៌បេតិកភណ្ឌពិភពលោក នៃអង្គការយូណេស្កូ ដើម្បីឲ្យសម្បត្តិវប្បធម៌ទាំងនោះ ក្លាយទៅជាសម្បត្តិវប្បធម៌បេតិកភណ្ឌមនុស្សធម៌របស់មនុស្សជាតិ ចូលរួមថែក្សា និងអភិរក្សឲ្យនៅស្ថិតស្ថេរចិរកាល ៕ ដោយ៖ សស្អាត